Daniela 2:18 - Jinghpaw Common Language Bible 2009

¹⁸ Shi gaw shanhte hpe Babelon mung na kaga hpaji jaw ai masha ni hte rau sat kau ai n hkrum mat hkra nga, matsan dum la na hte makoi magap da ai amu sanglang dan na matu sumsing lamu a Karai Kasang kaw akyu hpyi na matu tsun wu ai.

Jinghpaw Hanson Version Bible

¹⁸ shanhte gaw, Babelon mare na hpaji rawng ai ni hte rau sat kau ai n hkrum hkra, dai makoi magap da ai lam hta, sumsing lamu na Karai Kasang kaw na, matsan dum ai chyeju lu la na matu, Daniela hte shi a kanawn manang ni akyu hpyi ma ai.

Daniela 2:18 ပူးပေါင်းရင်းမြစ်များ

NINGPAWT NINGHPANG 18:28

Rai ti mung, mara n kap ai masha manga shi n nga ti mung, mali shi manga dang gaw nga dam nhten; shing rai marai manga yawm nga ai majaw mare ting hpe jahten kau na wu ni?,” ngu nna bai tsun wu ai. Dai Madu gaw, “Dai mare hta mara n kap ai masha mali shi manga hpe ngai mu ai rai yang, ndai mare hpe jathen na n rai,” ngu nna htan wu ai.

SHAKAWN KUNGDAWN 136:26

Sumsing lamu na Karai Kasang hpe chyeju dum shakawn nga mu; shi a tsaw ra myit htani htana agrin nga ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 91:15

Shanhte ngai hpe shaga yang, ngai shanhte hpe htan ya na nngai; shanhte ru tsang hkrum yang, ngai shanhte hte rau nga nga na nngai. Ngai shanhte hpe mawai la nna; shagrau sha-a na mawe ai.

ESAIA 37:4

Asuri hkawseng gaw asak hkrung nga ai Karai Kasang hpe n kaw n law di na matu shi a hpyen du wa hpe dat dat nu ai. Dai Madu na a Karai Kasang gaw dai zawn re ai n kaw n law re ai lam hpe na nna shanhte hpe shing ngu tsun sai wa hpe ari jaw u ga law. Dai rai nna naw ngam nga ai anhte a amyu masha ni a matu Karai Kasang kaw akyu hpyi ya mi.”

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

EZEKELA 36:37

Tsaw Htum ai dai Madu gaw, “Ngai gaw karum la na matu ngai hpe hpyi ai Israela amyu masha ni a nsen hpe kalang mi bai madat ya na nngai. Dai hpang, ngai gaw shanhte hpe sagu hpung zawn shalaw jahtam shangun na nngai.

Daniela 2:23

Nye a kaji kawa ni a Karai Kasang e, ngai nang hpe shakawn kungdawn ai hte shagrau sha-a nngai. Nang gaw ngai hpe hpaji byeng-ya hte n-gun jaw ya nga nit dai; nang gaw nye a akyu hpyi ga hpe htan ya nga nit dai hte hkawhkam wa hpe kaning ngu tsun na mung anhte hpe madun dan nga nit dai.”

Daniela 3:17

Anhte daw jau ai Karai Kasang gaw grung nga ai wan htung kaw na anhte hpe hkye mawai la lu na ra ai; shi gaw na a daru magam n-gun kaw na mung mawai la na ra ai.

Daniela 4:26

Lamu kasa gaw ga e hpundu ngam tawn na hkang da nga ai. Dai gaw mungkan yawng hpe Karai Kasang up nga ai ngu nna nang yin la ai shaloi, nang hkawhkam bai tai wa na lachyum rai nga ai.

YONA 1:9

Yona gaw, “Ngai gaw Hebre masha rai nga nngai. Ngai gaw hkarang hte panglai hpe hpan da ai dai Madu sumsing lamu a Karai Kasang hpe nawku nngai,” ngu nna htan wu ai.

MALAHKI 3:18

Nye a amyu masha ni gaw ding hpring ai wa hte tara n lang ai wa a lapran ngai hpe daw jau ai wa hte n daw jau ai wa a lapran e shai ai hpe lang mi bai chye ginhka mu lu na mara ai,” ngu nna tsun wu ai.

MAHTE 18:12

“Nanhte kaning ngu myit da mu ta? Masha langai mi sagu latsa lu nna, dai hta na langai mi dam mat yang, dai jahku shi jahku hpe kawng marawn wudat shara hkan e tawn da nhtawm, dam mat ai sagu hpe sa tam na ra ai.

MAHTE 18:19

Bai ngai nanhte hpe naw tsun made ga, nanhte hta na marai lahkawng dinghta ga hta e myit hkrum da ai hte hpa lam hpe mung hpyi mu yang gaw, sumsing lamu e nga ai nye Wa gaw shan a matu dai hpe shatup ya na mu ai.

KASA 12:4

Herod gaw Petru hpe rim la nhtawm hpyen la mali mali lawm ai hpyen dap lakying mali a lata de ap ya nna htawng hta bang da mu ai. Herod gaw Shalai wa ai poi ngut ai hpang Yuda shawa ni a man e jeyang ari jaw na myit da wu ai, dai rai nna Petru hpe htawng hta sharen da mu ai.

ROMA 15:30

Ya hpu nau ni e, Yesu Hkristu hpe anhte kam sham ai a marang e mung, dai Wenyi e jaw ai tsaw ra myit a marang e mung, nye a matu mara ngai hte rau Karai Kasang kaw myit sharawng awng ai hte akyu hpyi nga na nanhte hpe ngai shadut jahkat made ai.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.

1 SAMUELA 17:37

Dai Madu gaw ngai hpe hkanghkyi ni hte tsap ni a lata kaw na mung hkye la ni ai; ya ndai Hpilisti masha wa a lata kaw na mung ngai hpe hkye la na ra ai,” ngu nna tsun wu ai. Shaloi Shawlu gaw, “Mai sa, dai rai yang gaw sa su, Dai Madu gaw nang hte rau a nga nga u ga law,” ngu nna htan wu ai.