Daniela 12:8 - Jinghpaw Common Language Bible 2009

⁸ Shi tsun ai ga hpe ngai na nngai, rai ti mung dai hpe ngai chye na nngai n rai. Dai re ai majaw ngai gaw, “Rai ti mung, Madu e, dai lam yawng mayawng kaning rai htum mat na rai ta?,” ngu nna san we ai.

Jinghpaw Hanson Version Bible

⁸ Dai ga hpe ngai na timung, n chye na nngai: dai rai nna ngai gaw, “Madu e, ndai amu ni kaning rai htum lu na rai ta?” ngu nna san we ai.

Daniela 12:8 ပူးပေါင်းရင်းမြစ်များ

Daniela 10:14

Na a amyu masha ni du na ra ai aten hta hpa byin wa na mara ai lam nang hpe chye na shangun na matu ngai sa du nngai. Da ndai gaw du wa na aten hte seng ai shingran langai rai nga ai,” ngu nna tsun wu ai.

Daniela 12:6

Shan hta na langai mi gaw hka hku maga de tsap nga ai lamu kasa hpe, “Ndai mauhpa amu ni htum mat ai aten du hkra kade na na rai ta?,” ngu nna san wu ai.

Daniela 12:7

Dai lamu kasa gaw lamu de lata lahkawng sharawt nhtawm Htani Htana a Karai Kasang a mying ningsang hta dagam shaka let ga sadi tawn da wu ai. Shi gaw, “Dai aten gaw masum ning a chyen mi rai na ra ai. Karai Kasang a amyu masha ni hpe zingri zingrat ai aten htum jang, ndai lam yawng mayawng byin wa na ra ai,” ngu nna tsun ai ga hpe ngai na nngai.

Daniela 12:9

Shi gaw, “Daniela e, nang ya jang sa wa lu na rai ndai. Ndai ga ni hpe ip da ra nga ai majaw hpang jahtum ai aten du hkra makoi da ra nga ai.

Daniela 8:13

Dai hpang ngai gaw lamu kasa langai mi gaw kaga wa hpe, “Shingran hta mu lu sai ndai amu ni galoi aten du hkra naw matut byin na rai ta? Shani shagu na shagu hkungga ni a hkang hta hkrit hpa yubak gaw galoi aten du hkra rai na rai ta? Sumsing lamu a luksuk hte Nawku Htingnu gaw galoi aten du hkra kabye anut kau hkrum na rai nga a ta?,” ngu nna tsun ai nsen hpe na nngai.

LUKA 18:34

Rai ti mung, dai lam langai mi hpe mung sape ni n chye na ma ai. Dai ga ni a lachyum, shanhte a man e makoi magap nga ai rai nna, shanhte gaw Yesu hpa baw a lam tsun nga ai ngu ai hpe n chye na ma ai.

YAWHAN 12:16

Dai lam hpe shawng daw hkan e gaw shi a sape ni n chye na ma ai; rai ti mung Yesu hpung shingkang lu la ai hpang e she, shi hpe sha-ang nna ka da ai mung, dai hku raw shanhte shi hpe di mu ai mung, dum chye ma ai.

KASA 1:7

Yesu gaw, “Wa gaw shi a ahkaw ahkang hte daw dan masat da ai aten ahkying ladaw hpe nanhte chye lu na ahkang n nga ai,” ngu nna tsun mu ai.

1 PETRU 1:11

Dai hkye hkrang la ai hte seng ai chyeju gaw gara aten aprat hta gara lai hku nna du sa na ra ai lam hpe tam shakut ma ai. Shanhte hta shanu nga ai Hkristu a Wenyi gaw dai aten hta Hkristu hkam na rai nga ai nni nkri lam hpe mung, shing rai hkam ngut ai hpang hkam la na rai nga ai hpung shingkang hpe mung tau hkrau nna madun dan da nga sai.