Daniela 12:7 - Jinghpaw Common Language Bible 2009

⁷ Dai lamu kasa gaw lamu de lata lahkawng sharawt nhtawm Htani Htana a Karai Kasang a mying ningsang hta dagam shaka let ga sadi tawn da wu ai. Shi gaw, “Dai aten gaw masum ning a chyen mi rai na ra ai. Karai Kasang a amyu masha ni hpe zingri zingrat ai aten htum jang, ndai lam yawng mayawng byin wa na ra ai,” ngu nna tsun ai ga hpe ngai na nngai.

Jinghpaw Hanson Version Bible

⁷ Shaloi, ‘Dai gaw aten mi, aten lahkawng hte aten chyen mi na na ra ai; dai chyoi pra ai amyu a n-gun atsam hpe agrawp daw kau ngut jang, ndai amu yawng ngut wa na ra ai,’ nga nna lachyit nba bu hpun let hka ntsa e tsap nga ai wa gaw, sumsing lamu de hkra lata pai lata sharawt nna, htani htana ahkrung nga ai wa a amying gang let, dagam nga ai hpe, ngai na nngai.

Daniela 12:7 ပူးပေါင်းရင်းမြစ်များ

ESAIA 62:12

Nang gaw, “Karai Kasang a Chyoi Pra Ai Amyu Masha, Dai Madu Hkye Hkrang La Sai Amyu Masha,” ngu nna shaga hkrum na ra ai. Yerusalem gaw, “Karai Kasang Tsaw Ra Ai Mare, Karai Kasang N Kau Da Ai Mare,” ngu nna shaga hkrum na ra ai.

YEREMIA 4:2

dai gaw nye a mying gang let dagam ai gaw, na a matu ding man ai amu tai na ra ai. Masha amyu baw ni yawng mung shanhte hpe shaman ya na matu ngai kaw hpyi na mara ai, shanhte gaw ngai hpe shakawn kungdawn na mara ai,” ngu nna tsun ai.

EZEKELA 20:5

Ngai hpa tsun nga ai lam shanhte hpe htawn tsun u. Israela amyu masha ni hpe ngai lata la ai shaloi, shanhte hpe ga shaka tawn da ni ai. Ngai gaw Egutu mung hta shanhte hpe nye hkum nan shadan dan ai hte nanhte a Madu Karai Kasang rai nga ai lam, shanhte hpe tsun dan ni ai.

Daniela 10:5

Ngai sharawt mada dat yu we yang, lachyit nba bu hpun nna, jet ai ja shingkyit kyit da nga ai masha langai hpe mu nngai.

Daniela 11:13

“Suri hkawhkam wa gaw bai nhtang wa nna shawng na hta grau law ai hpyen luksuk kaba hpe jahpawng la na ra ai. Majan gasat aten bai du jang, shi gaw hpyen laknak hpai ai luksuk kaba hte rau nhtang sa wa na ra ai.

Daniela 12:6

Shan hta na langai mi gaw hka hku maga de tsap nga ai lamu kasa hpe, “Ndai mauhpa amu ni htum mat ai aten du hkra kade na na rai ta?,” ngu nna san wu ai.

Daniela 12:8

Shi tsun ai ga hpe ngai na nngai, rai ti mung dai hpe ngai chye na nngai n rai. Dai re ai majaw ngai gaw, “Rai ti mung, Madu e, dai lam yawng mayawng kaning rai htum mat na rai ta?,” ngu nna san we ai.

Daniela 4:31

Ya shi a n-gup kaw na ga tsun garai n htum yang, “Hkawhkam Nebuhkadneza e, ngai tsun ai ga madat u! Na a hkawhkam daru magam n-gun gaw nang kaw na dawm kau ya nga sai.

Daniela 4:34

Ya sanit ning lai jang, hkawhkam wa gaw, “Sumsing lamu de mada yu nna shi a myit bai grin wa nga ai. Ngai gaw Tsaw Htum ai Karai Kasang hpe shakawn kungdawn ai hte htani htana ahkrung nga ai wa hpe shagrau hkungga let shi a hpung shingkang hpe kungdawn nngai. “Shi gaw htani htana a up nga na ra ai, shi a mungdan prat mi hte prat mi agrin nga na ra ai.

Daniela 7:21

Ngai mada yu nga yang, dai nrung gaw Karai Kasang a amyu masha ni hpe gasat dang kau nga ai.

Daniela 7:25

Shi gaw Tsaw Htum ai Karai Kasang hpe tsun ninghkap nna, Karai Kasang a amyu masha ni hpe dip gamyet kau na ra ai. Shi gaw shanhte a makam masham tara ni hte lusha poi ni hpe galai kau mayu na ra ai. Karai Kasang a amyu masha ni mung shi a daru magam n-gun npu hta masum ning jan taw nga na mara ai.

Daniela 8:14

Kaga lamu kasa gaw, “Dai gaw jahpawt shana 2,300 rai nga ai; dai laman jahpawt shana shagu hkungga ni hpe nawng jau lu na n rai; dai hpang mahtang Nawku Htingnu hpe bai gram lajang da na ra ai,” ngu nna htan ai ga hpe ngai na nngai.

Daniela 8:24

Shi gaw n-gun ja wa ti mung, shi a daru magam n-gun a majaw n rai nga ai. Hkrit hpa hten byak amu hpe shi shabyin dat ai majaw shi galaw ai lam shagu awng dang na rai wu ai. Shi gaw daru magam n-gun rawng ai masha ni hte Karai Kasang a amyu masha majing ni hpe jahten sharun kau na ra ai.

LUKA 21:14

Dai majaw, tinang hkum hpe makawp maga la na matu, kaning ngu nna tsun htan na ngu ai hte seng nna myit n ru ra hkra shawng kaw nna tinang a myit ni hpe daw dan shatawng da nga mu.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

TARA JAHPRANG 26:19

Shi hpan da sai masha amyu baw danghta hta shi a mying ningsang hpe shakawn kungdawn let galu kaba kajai gumhkawng shangun na marin dai. Shi tawn da ai ga sadi hte maren nanhte gaw shi a chyoi pra ai amyu masha majing tai na marin dai.”

TARA JAHPRANG 32:36

Shanhte n-gun htum mat ai hpe shi mu ai shaloi, dai Madu gaw shi a amyu masha ni hpe hkye mawai la na ra ai. Shanhte hpe karum la na masha n nga ai hpe shi mu ai shaloi, shi gaw shi hpe daw jau ai ni hpe matsan dum ai myit madun dan na ra ai.

TARA JAHPRANG 32:40

Ngai gaw teng teng ahkrung nga ai Karai Kasang rai nga nngai hte maren; nye a lata hpe ngai sharawt nhtawm dagam let,

TARA JAHPRANG 7:6

Dai Madu nanhte a Karai Kasang gaw nanhte hpe madu da nga myit dai majaw dai amu galaw mu. Shi hte seng ai laksan amyu masha majing shatai na nga, ginding aga ntsa ting na masha amyu yawng hta na nanhte hpe lata la manit dai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

SHINGRAN 12:14

Dai shaloi numsha gaw, baren numraw a hpyen kaw na lawt lu nna, nam mali na shi a shara de pyen wa lu na matu langda kaba a singkaw lahkawng shi hpe jaw dat wu ai. Shi gaw dai shara e masum ning e shata kru baren numraw a hpyen hpe n hkrit ra ai sha bau lanu lahku ai hkrum na rai nga ai.

SHINGRAN 12:6

Dai numsha gaw, shi a matu Karai Kasang lajang da ya ai nam mali de hprawng mat wa ai. Dai shara hta nhtoi 1,260 ya du hkra shi hpe bau maka na maru ai.

SHINGRAN 13:5

Dai matse labye gaw, shakawng gumrawng ai hte Karai Kasang hpe shatan nhkan ga tsun na mung, shata mali shi lahkawng tup up hkang na ahkang mung lu tawn da wu ai.

SHINGRAN 4:10

dai salang hkun mali mung, tingnyang hta dung nga nna htani htana prat dingsa ahkrung nga ai wa hpe dingnyawm nawku ma ai. Shanhte gaw, dai tingnyang a man e janmau ni hpe raw tawn da nna,

SHINGRAN 4:9

Dai dusat mali gaw, tingnyang hta dung nga nna htani htana prat dingsa asak hkrung nga ai Madu a hpung shingkang arawng sadang hte chyeju hpe mahkawn shakawn ai shaloi,