Daniela 12:6 - Jinghpaw Common Language Bible 2009

⁶ Shan hta na langai mi gaw hka hku maga de tsap nga ai lamu kasa hpe, “Ndai mauhpa amu ni htum mat ai aten du hkra kade na na rai ta?,” ngu nna san wu ai.

Jinghpaw Hanson Version Bible

⁶ Marai langai mi gaw, ‘Ndai mauhpa lam dik wa ai du hkra, gade na na rai ta?’ ngu nna lachyit nba bu hpun let, hka ntsa e tsap nga ai wa hpe san wu ai.

Daniela 12:6 ပူးပေါင်းရင်းမြစ်များ

SHAKAWN KUNGDAWN 74:9

Anhte a makam masham hte seng ai chyoi pra ai kumla ni hpe n mu lu saga ai; dai shara hta myihtoi langai mi mung n nga nga sai hte kade daram na hkra, ndai zawn byin wa na lam, kadai mung n chye nga ai.

EZEKELA 9:2

Yu mu, Nawku Htingnu a dingdung maga na shinggan chyinghka lam kaw nna marai kru kalang lata rawt pru wa nhtawm shanhte langai hte langai hta hpyen laknak ni lang da nga ma ai. Shanhte hte rau lachyit nba lawai nna laika ka na matu arai lama ma lang ai wa mung lawm nga ai. Shanhte yawng sa nna magri mang hkungri e tsap nga ma ai.

Daniela 12:5

Dai hpang hka nu langai a ndai hkran, wora hkran de masha langai ngai tsap nga ai hpe ngai mu nngai.

Daniela 12:8

Shi tsun ai ga hpe ngai na nngai, rai ti mung dai hpe ngai chye na nngai n rai. Dai re ai majaw ngai gaw, “Rai ti mung, Madu e, dai lam yawng mayawng kaning rai htum mat na rai ta?,” ngu nna san we ai.

Daniela 8:13

Dai hpang ngai gaw lamu kasa langai mi gaw kaga wa hpe, “Shingran hta mu lu sai ndai amu ni galoi aten du hkra naw matut byin na rai ta? Shani shagu na shagu hkungga ni a hkang hta hkrit hpa yubak gaw galoi aten du hkra rai na rai ta? Sumsing lamu a luksuk hte Nawku Htingnu gaw galoi aten du hkra kabye anut kau hkrum na rai nga a ta?,” ngu nna tsun ai nsen hpe na nngai.

Daniela 8:16

Ngai gaw Ulai hka nu ntsa kaw nna ning ngu jahtau ai nsen hpe na nngai: “Gabriela e, shi mu nu ai shingran a lachyum shi hpe sanglang dan u.”

MAHTE 24:3

Yesu gaw Tsanlun Bum ntsa e dung nga yang, shi a sape ni hkrai shi kaw sit sa nna, “Dai hte gaw galoi me byin wa na rai ta? Nang bai du na aten hte mungkan ga htum mat na aten hpe madun dan ai hku nna hpa baw lamik kumla ni byin pru wa na ra ta? Anhte hpe tsun dan mi,” ngu mu ai.

MARKU 13:4

Shanhte gaw, “Nang tsun ai lam gaw galoi me byin na rai ta? Dai lam yawng mayawng dik wa magang yang, hpa kumla ni dan pru na rai ta? Anhte hpe tsun dan mi,” ngu nna lagyim san ma ai.

EHPESU 3:10

Shing rai galaw ai lam gaw lamu kasa hte seng ai up hkang ai ni hte sumsing mungdan kata na n- gun atsam ni gaw Madu a hpaji byeng-ya amyu myu hpe ya aten hta nawku hpung marang e sharin chye la shangun na matu rai nga ai.

1 PETRU 1:12

Shanhte shachyen nga ai hkaw tsun ai amu gaw shanhte a akyu ara a matu n rai; nanhte a matu rai nga ai lam Karai Kasang gaw ndai myihtoi ni hpe shadan dan manu ai. Nanhte hpang de dai Kabu Gara Shiga la sa wa ai ni gaw dai myihtoi ni tau hkrau nna hkaw tsun ai ni hpe sumsing lamu kaw nna shangun dat ai Chyoi Pra ai Wenyi a n-gun atsam hte nanhte hpe tsun madun dan ai majaw nanhte na lu manit dai. Ndai lam hpe lamu kasa ni pyi chye na mayu ma ai.

SHINGRAN 15:6

Dai nawku htingnu kaw na ana zinli sanit lang ai lamu kasa sanit pru sa wa ma ai; shanhte gaw htoi tu san pra ai lachyit sumpan hpun palawng bu hpun nna, tinang a sinda e ja shingkyit ni kyit da ma ai.

SHINGRAN 19:14

Sumsing lamu na hpyen luksuk ni mung, gumra ahpraw jawn nna san seng hpraw tu ai lachyit nba bu hpun let, shi hpang e hkan nang ma ai.

SHINGRAN 6:10

Dai Wenyi ni gaw, “Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,” nga nna nsen kaba hte jahtau nga ma ai.