Daniela 12:12 - Jinghpaw Common Language Bible 2009

¹² Nhtoi 1,335 lai hkra sadi sahka hte naw nga nga ai ni gaw a lu nga a hka!

Jinghpaw Hanson Version Bible

¹² Dai hta n-ga, nhtoi hkying mi masum tsa sumshi manga ya du hkra, ala nga nna, shakut sharang ai wa gaw, a nga ai.

Daniela 12:12 ပူးပေါင်းရင်းမြစ်များ

ESAIA 30:18

Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

EZEKELA 4:6

Nang gaw dai maga mi de hkrawn ai nhtoi ngut jang, na a hkra maga de kayin hkrawn taw nna, nhtoi mali shi ya tup, Yuda amyu a shut hpyit ai amu a matu nni nkri hkam sha na rai ndai, shanhte a ari gun hpai ai aten ladaw gaw lani mi a matu laning mi rai na ra ai.

Daniela 8:14

Kaga lamu kasa gaw, “Dai gaw jahpawt shana 2,300 rai nga ai; dai laman jahpawt shana shagu hkungga ni hpe nawng jau lu na n rai; dai hpang mahtang Nawku Htingnu hpe bai gram lajang da na ra ai,” ngu nna htan ai ga hpe ngai na nngai.

ROMA 11:15

Hpa majaw nga yang nye a amyu masha ni hpe Karai Kasang kabai kau ai shaloi masha amyu ni hpe Karai Kasang a hpyen ni tai nga ai kaw na shi a jinghku ni tai wa hkra, htinglu htinglai ya ai lam byin wa sai. Dai rai nna shanhte hkap la ai bai hkrum yang, hpa byin wa na rai ta? Dai gaw si ai ni kaw na bai hkrung rawt ai asak rai na ra ai.

SHINGRAN 11:2

Rai ti mung, dai htingnu a shinggan wang hpe gaw hkum shadawn et, hpa majaw nga yang, dai gaw maigan masha ni hpe ap ya kau ngut sai rai nna, shanhte gaw dai Chyoi Pra Ai Mare hpe shata mali shi lahkawng tup kabye dip da na mara ai.

SHINGRAN 12:6

Dai numsha gaw, shi a matu Karai Kasang lajang da ya ai nam mali de hprawng mat wa ai. Dai shara hta nhtoi 1,260 ya du hkra shi hpe bau maka na maru ai.

SHINGRAN 13:5

Dai matse labye gaw, shakawng gumrawng ai hte Karai Kasang hpe shatan nhkan ga tsun na mung, shata mali shi lahkawng tup up hkang na ahkang mung lu tawn da wu ai.

SHINGRAN 20:4

Dai hpang, tingnyang ni hpe ngai mu nngai; dai tingnyang ni hta dung nga ai ni gaw, tara dara na ahkang aya ap ya da hkrum ai ni rai nga ma ai. Dai hta kaga, Madu Yesu shadan dan ai teng man ai lam hpe mung, Karai Kasang a mungga hpe mung hkaw tsun sakse hkam ai majaw, sat kau hkrum ai ni hte, dai matse labye hpe mung, shi a hkrang sumla hpe mung, n naw n ku ai hte, tinang a lahtan hte lata ni hta dai matse labye a masat dingsat ni hpe n hkam la ai ni a tsu ni hpe mung, ngai mu nngai. Shanhte gaw asak bai hkrung wa nna, hkawhkam ni zawn Madu Yesu hte rau shaning hkying mi tup up nga na mara ai.