Daniela 11:7 - Jinghpaw Common Language Bible 2009

⁷ Dai hpang kade n na yang, dai num a makyin jinghku ni hta na langai mi gaw hkawhkam tai wa na ra ai. Shi gaw Suri hkawhkam wa a hpyen luksuk hpe htim gasat nna shanhte a dap de shang nhtawm dang kau na ra ai.

Jinghpaw Hanson Version Bible

⁷ “Rai timung, dai shayi sha a aru hta na, kawa a malai, makrung langai mi paw pru nna, shi gaw luksuk laba ni hpe woi let, dingdung hkawhkam a hpyen dap hta shang nhtawm, shi a hpyen ni hpe adip arip di yang, shanhte hpe dang kau na ra ai:

Daniela 11:7 ပူးပေါင်းရင်းမြစ်များ

YOBA 14:7

Kran kadang kau sai hpun hta myit mada shara naw nga nga ai; dai hta asak bai rawng wa nna nnaw prut lung wa nga ai.

SHAKAWN KUNGDAWN 109:8

Shi a asak mung, kade nna yang, htum mat u ga; shi a bungli hpe masha kaga wa lu la mat u ga!

SHAKAWN KUNGDAWN 55:23

Rai ti mung, Karai Kasang e, nang gaw masha sat ai ni hte masu magaw ai masha ni hpe shanhte a asak ka-ang garai n lai yang pyi shanhte a lup sung hku ni de, jahkrat kau na rai nga ndai. Ngai chyawm gaw nang hpe kam hpa nga na nngai.

ESAIA 11:1

Dawi a hkawhkam amyu matu gaw kran kadawng kau hkrum ai hpun hte bung nga ai; rai ti mung ndu kaw nna nnaw nnan prut lung wa ai zawn hkawhkam nnan langai mi gaw Dawi a matu mara ni kaw na paw pru wa na ra ai.

ESAIA 9:14

Dai Madu gaw lani mi hta sha Israela ningbaw ni hte amyu masha ni hpe ari jaw na ra ai; shi gaw shanhte hpe dan di ai hte abaw hte ningmai hpe kahtum daw kau na ra ai.

YEREMIA 12:2

Nang shanhte hpe hkai da ai hte shanhte ru jung nga ma ai; shanhte tu kaba wa nna asi si nga ai. Shanhte gaw na a mai kaja lam hpe tut nawng tsun ma ai, timung, shanhte gaw nang hpe teng teng hpa zawn n nawn nga ma ai.

EZEKELA 17:18

Shi galaw tawn da ai dagam ga hte ga shaka hpe jahten kau nu ai. Shi gaw dai amu ni yawng hpe galaw nu ai rai nna, ya shi lawt lu na ra ai n rai,” ngu nna tsun nga ai.

Daniela 11:40

“Ya Suri hkawhkam a hpang jahtum aten ganoi du wa jang, Egutu hkawhkam wa shi hpe htim gasat na ra ai; shaloi Suri hkawhkam wa mung shi a n-gun atsam mahkra hte hpawn hpyen leng ni, gumra ni, sanghpaw li law law hte bai nhtang htim na ra ai. Shi gaw mungdan law law hpe mawru hka zawn shang gasat hkawm wa na ra ai.

Daniela 11:6

Shaning tsawmra mi na ai hpang, Egutu hkawhkam wa gaw Suri hkawhkam wa hte jinghku galaw nhtawm shi hpe shi a shayi sha jaw sha wu ai. Rai ti mung jinghku hku ai masa gaw na hkra grin na n rai; shi mung, shi a madu wa mung, shi a ma hte shi kaw hkan nang nga ai shangun ma ni yawng mayawng sat kau ai hkrum na mara ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

LUKA 12:20

Rai ti mung, Karai Kasang gaw, dai wa hpe, ‘Masha angawk e! Dai na jang na a asak hpe dawm la kau ya na ra ai, dai rai nna, nang mahkawng shachyip da ai arai ni gaw gade a matu tai na rai ta?,’” ngu nna tsun wu ai.