Daniela 11:45 - Jinghpaw Common Language Bible 2009

⁴⁵ Shi gaw panglai hte Nawku Htingnu shadun da ai bum yan a lapran hta hkawhkam sum kaba ni hpe pyi sharawt tawn da na ra ai. Rai ti mung dai yang e shi hpe karum la na kadai mung n nga ai sha shi si mat na ra ai.”

Jinghpaw Hanson Version Bible

⁴⁵ Shi gaw, nammukdara hte reng htum nna chyoi pra ai bum lapran e, shi a htingnu sum ni hpe gap da na ra ai: rai timung, shi hpe karum ai wa kadai n nga ai rai nna, shi htum mat na ra ai.”

Daniela 11:45 ပူးပေါင်းရင်းမြစ်များ

SHAKAWN KUNGDAWN 48:2

Karai Kasang a bum ngu ai Ziun gaw tsaw nga nna, tsawm htap nga ai; galu kaba ai hkawhkam wa a mare gaw mungkan amyu masha ni yawng hte hpe, kabu gara shangun nga ai.

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 11:9

Karai Kasang a chyoi pra ai kawng ngu ai Ziun ntsa e machyi tsin-yam hte n hkru ai amu hpa mung nga na ra ai n rai. Panglai ni gaw hka hte hpring nga ai zawn dai Madu a machye machyang hpaji gaw mungkan ting hta pri rai na ra ai.

ESAIA 14:13

Nang gaw sumsing lamu de lung nna tsaw htum ai shagan ni a ntsa e na a tingnyang tawn da na matu, myit daw dan da nit dai. Nang gaw karai ni zup hpawng ai dingdung maga na dai bum ntsa hta e hkawhkam langai zawn dung lu na hpe myit yu nit dai.

ESAIA 2:2

Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

ESAIA 27:13

Dai nhtoi du ai shaloi, Asuri hte Egutu mung hkan bawng dung hkrum nga ai Israela masha ni yawng hpe shaga nhtang la na matu pahtau dum dat na ra ai. Shanhte gaw dai Madu a chyoi pra ai kawng ntsa na Yerusalem hta shi hpe sa nawku na mara ai.

ESAIA 65:25

Chyahkyawn hte sagu kasha ni shat rau sha na mara ai; hkanghkyi ni gaw dumsu ni zawn yihku sha na mara ai, lapu ni a lusha gaw aga rai na ra ai. Ziun ngu ai nye a chyoi pra ai kawng ntsa hta, machyi shoichyum ai mung, n hkru ai lam hpa mung nga na ra ai n rai.”

ESAIA 66:20

Shanhte gaw na a amyu masha ni yawng hpe ngai hpang de la sa ai kumhpa hku masha amyu baw ni a lata kaw na woi wa na mara ai. Israela masha ni gaw htung hte maren san seng ai hkungga ban ni hta lusha hkungga ni bang nna Nawku Htingnu de la sa ma ai zawn shanhte gaw dai ni hpe gumra ni, lawze ni, gawla-uk ni, hpyen leng ni hte daw htaw ai leng ni hta htaw nna nye a chyoi pra ai kawng nga ai Yerusalem de la sa na mara ai.

EZEKELA 39:2

Ngai shi hpe lam nnan de kayin dat nhtawm, Israela bum ni de shi du sa wa ai aten du hkra, tsan ai dingdung maga kaw nna pru wa ai hte woi awn na ra ai.

Daniela 11:16

Dai gasat shang wa ai Suri masha wa gaw shi myit ra ai hte maren, hkap daw ai lam n hkrum ai sha htim bang wa na ra ai. Shi gaw Ga Sadi Mungdan hta tsap lu nna shi a daru magam n-gun hta dai hpe tsep kawp up lu na ra ai.

Daniela 11:41

Shi gaw Ga Sadi Mungdan hpe pyi shang gasat nna masha sen mi sat kau na ra ai, rai ti mung Edom, Moba hte naw ngam nga ai Amon mung ni chyawm gaw shi a lata kaw na lawt lu na mara ai.

Daniela 11:44

Dai hpang sinpraw hte dingdung maga de na shiga gaw shi hpe kajawng kahpra shangun na ra ai. Shi mung n-yun bu ai hte gasat nna masha law law hpe sat kau na ra ai.

Daniela 2:35

Hpri, kagam ga, magri mang, gumhpraw hte aja ni agrawp mani mat nna ginhtawng ta, chyarang pa ntsa e taw ai ga nhpu zawn tai mat nga ai. Dai gaw nbung e ahpawt kau ai n rai; ahkang ngam ai n rai. Rai ti mung dai nlung gaw bum tai wa nna lamu ga ting hpe ka-up kau nga ai.

Daniela 7:26

Dai hpang sumsing lamu hte seng ai tara rung gaw tara jeyang ai amu hta dung nna shi a daru magam n-gun hpe yeng seng kau nhtawm, shi hpe tsep kawp shamyit kau na mara ai.

Daniela 8:25

Shi hkalem chye nga ai majaw, shi a masu hkalem ai lam ni hta awng dang wa na ra ai. Shi hkum nan gumrawng gumtawng wa nna sadi jaw ai n nga ai sha masha law law hte hpe jahten kau na ra ai. Shi gaw yawng mayawng hta galu kaba htum ai Hkawhkam wa hpe pyi hkap daw na ra ai. Rai ti mung, shi chyawm gaw masha a n-gun atsam hpa mung n lang ra ai sha, jahten kau ai hkrum na ra ai.

Daniela 9:16

Nang gaw lai sai prat hta anhte hpe makawp maga la nit dai rai nna Yerusalem mare hpe loi mi mung masin hkum yu pawt et. Dai gaw na a mare, na a chyoi pra ai kawng rai nga ai. Anhte a yubak mara ni hte anhte a kaji kawa ni galaw ai n hkru ai lam ni a majaw htingbu mungdan hkan na masha ni yawng hte gaw Yerusalem mare hte na a amyu masha ni hpe yu kaji kau manu ai.

Daniela 9:20

Ngai gaw akyu matut hpyi nga nngai rai nna, nye a yubak ni hte nye a amyu masha Israela masha ni a yubak ni hpe la let shi a chyoi pra ai Nawku Htingnu bai gram lajang gaw gap na matu dai Madu nye a Karai Kasang hpe hpyi nem nga nngai.

YOELA 2:20

Ngai gaw dingdung maga de na du sa ai dinggam-yaw hpyen hpung hpe jahtaw kau nna shanhte hta na nkau mi hpe nam mali de gawt kau na nngai. Shanhte a shawng man na arawng aya lu ai ni hpe Jum Nawng de, shanhte a shingdu arawng aya lu ai ni hpe Ka-ang Panglai de gawt kau na we ai. Shanhte a moi mang ni manam hkying na mara ai. Shanhte yawng nanhte hpe galaw manu ai majaw, shanhte hpe ngai jahten shaza kau na we ai.

MIHKA 4:2

shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

ZEHKARIA 14:8

Dai nhtoi du jang, asak hka gaw Yerusalem kaw nna lwi pru wa na ra ai; dai hka ka-ang hkup gaw Jum Nawng de, de a ka-ang hkup gaw Ka-ang Panglai de ang wa na ra ai. Hka dai gaw ginhtawng ta e mung, lanam ta e mung shaning tup lwi nga na ra ai.

BU HKAWM 34:5

Dai gaw bai kayin yu wa nhtawm Egutu mung a jarit hta nga ai kadit hta hkan nna Ka-ang Panglai e htum na rai nga ai.

2 HTESALONI 2:4

Shi gaw masha ni nawku daw jau nga ai karai ngu ai baw nga manga hpe nhtan shai ninghkap nna, shi hkum nan hpe yawng mayawng a ntsa e hpung shingkang grau rawng ai wa re ngu nna shagrau shatsaw na ra ai. Shi gaw Karai Kasang a Nawku Htingnu kata de pyi sa shang dung nga nna shi hkum dai Karai Kasang re ai ngu nna tsun ndau na ra ai.

2 HTESALONI 2:8

Dai hpang dai N hkru Ai Wa dan pru na ra ai, rai ti mung Madu Yesu du sa ai shaloi N hkru Ai Wa hpe shi a n-gup kaw na pru ai nsa hte sat kau nna, shi a htoi kabrim ai hpung shingkang hte jahten shaza kau na ra ai.

SHINGRAN 13:10

Rim la ai hkrum na wa gaw rim la ai teng teng hkrum na ra ai; nhtu hte sat ai wa mung, nhtu hte si na ra ai. Ndai lam a majaw, Karai Kasang a masha ni gaw hkam sharang ai hte makam masham rawng na mara ai.”

SHINGRAN 20:2

Shi gaw, dai Nat Satan rai nga ai, moi na lapu ngu ai baren numraw hpe rim la nna, shaning hkying mi du hkra sharen da na matu gyit hkang wu ai.

SHINGRAN 20:9

Shanhte gaw lamu ga pang pat yan kaput lung wa nna Karai Kasang a masha ni dap jung da ai dabang hte Madu tsaw ra ai mare hpe wang da nga ma ai. Rai ti mung sumsing lamu de na wan hkrat nna hkru jahten kau ai hkrum ma ai.