Daniela 11:40 - Jinghpaw Common Language Bible 2009

⁴⁰ “Ya Suri hkawhkam a hpang jahtum aten ganoi du wa jang, Egutu hkawhkam wa shi hpe htim gasat na ra ai; shaloi Suri hkawhkam wa mung shi a n-gun atsam mahkra hte hpawn hpyen leng ni, gumra ni, sanghpaw li law law hte bai nhtang htim na ra ai. Shi gaw mungdan law law hpe mawru hka zawn shang gasat hkawm wa na ra ai.

Jinghpaw Hanson Version Bible

⁴⁰ “Ya de a ladaw htum wa mahka e, dingda hkawhkam wa gaw, shi hpe htim gasat na ra ai: dingdung hkawhkam wa chyawm gaw, hpyen leng, hpyen gumra, sanghpaw li law law hte hpawn, bungsha zawn ru lung wa let, dai mung ni hta shang nna, lim kabye ga lai kau na ra ai.

Daniela 11:40 ပူးပေါင်းရင်းမြစ်များ

ESAIA 21:1

Ndai gaw Babelon mung hte seng ai mungga rai nga ai. Zaibru jang hpe lai di nna bung wa ai bung hpoi zawn, tsin-yam tsindam gaw hkrit na zawn re ai mung kaw nna sa wa na ra ai.

ESAIA 5:28

Shanhte a pala ni masen nga ai; shanhte a ndan ni gap na matu shachyen da chyalu rai nga ai. Shanhte a gumra lahkru ni gaw hpai lung zawn ja nga ai; shanhte hpyen leng dingsen ni gaw bung hpoi zawn chyai nga ai.

ESAIA 66:15

Dai Madu gaw wan hte rau du sa wa na ra ai. Shi gaw shi pawt sindawng ai ni hpe ari jaw na matu nbung laru a singkaw ni a ntsa e jawn sa wa na ra ai.

YEREMIA 4:13

Yu u, gumlau hpyen gaw sumwi ni zawn sa wa mara ai. Shanhte a majan hpyen leng ni gaw nbung bung hpoi zawn rai nga ai, shanhte a hpyen gumra ni gaw galang ni hta grau nna lawan nga ma ai. Anhte sum mat saga ai! Anhte daw dan ai hkrum saga ai!

EZEKELA 38:4

Ngai gaw shi hpe kayin la nhtawm shi a shakap hta hpri chyinghkyi hte mahkai nna shi hpe mung, shi a hpyenla ni yawng hpe mung garawt shapraw kau na nngai. Shi a hpyen luksuk hte de a gumra ni hte hpyen hking sumraw da ai gumra jawn ai ni gaw grai law htam nga ai; dai sha n-ga, share shagan hpyenla shagu mung nhtu hte ninggang langai hpra lang da nga ma ai.

EZEKELA 38:9

Shi hte shi a hpyen luksuk ni hte shi hta lawm nga ai masha amyu baw law law ni gaw nbung laru hte sumwi ni zawn mungdan hpe gasat ka-up na mara ai,” ngu nna tsun wu ai.

Daniela 11:10

“Suri hkawhkam a shadang sha ni majan a matu hkyen lajang na nga luksuk kaba jahpawng tawn da na mara ai. Shanhte hta na langai mi gaw mawru hka zawn agre ye mat wa nna gumlau hpyen dap hpe htim gasat na mara ai.

Daniela 11:11

Egutu hkawhkam wa gaw shi a masin kahtet ai a majaw Suri hkawhkam wa hpe majan gasat ai hte shi a luksuk kaba hpe gasat dang kau na ra ai.

Daniela 11:13

“Suri hkawhkam wa gaw bai nhtang wa nna shawng na hta grau law ai hpyen luksuk kaba hpe jahpawng la na ra ai. Majan gasat aten bai du jang, shi gaw hpyen laknak hpai ai luksuk kaba hte rau nhtang sa wa na ra ai.

Daniela 11:22

Shi hte nhtan shai ai ni kadai mung Karai Kasang a Hkinjawng Kaba wa du hkra pyi magawn kau ai yeng seng kau hkrum na ra ai.

Daniela 11:25

“Shi gaw Egutu hkawhkam wa hpe htim gasat na matu luksuk kaba hte rawt shachyen nna nden shaja na ra ai; Egutu hkawhkam wa mung nachying kaba nna daru magam n-gun rawng ai hpyen hpung hte nhtang htim na matu hkyen da na ra ai. Rai ti mung Egutu hkawhkam wa mahtang hkalem kau ai hkrum nna awng dang na ra ai n rai.

Daniela 11:35

Dai hpaji rawng ai ningbaw ni hta na nkau mi sat kau hkrum na mara ai; rai ti mung dai lam byin ai a majaw amyu masha ni jasan jaseng ai hkrum na mara ai. Dai zawn re ai amu gaw Karai Kasang masat da ya ai hpang jahtum na aten du hkra a byin nga na ra ai.

Daniela 11:39

Shi gaw maigan karai nawku ai amyu masha ni hpe lang nna, shi a hpyen dap ni hpe makawp maga da na ra ai. Shi hpe up hkang du langai zawn hkap la ai ni hpe arawng aya kaba jaw ya nna tsaw ai rung ni hkan dung shangun na ra ai; lamu ga hpe kumhpa zawn shanhte hpe jaw ya na ra ai.

Daniela 11:7

Dai hpang kade n na yang, dai num a makyin jinghku ni hta na langai mi gaw hkawhkam tai wa na ra ai. Shi gaw Suri hkawhkam wa a hpyen luksuk hpe htim gasat nna shanhte a dap de shang nhtawm dang kau na ra ai.

Daniela 12:4

Shi gaw ngai hpe, “Daniela e, ya chyawm gaw mungkan ga htum mat ai aten du hkra, dai laika hpe la kau nna, de a ntsa e dazik dawk da u. Dai aten laman hpa byin nga ai lam chye na hkawn hkrang wa lu hkra nga, masha law law gaw shanhte shakut shaja ai amu hta aten shama kau na mara ai,” ngu nna tsun wu ai.

Daniela 12:9

Shi gaw, “Daniela e, nang ya jang sa wa lu na rai ndai. Ndai ga ni hpe ip da ra nga ai majaw hpang jahtum ai aten du hkra makoi da ra nga ai.

Daniela 8:17

Gabriela gaw nye a makau e sa tsap nga ai rai nna, ngai grai hkrit gari mat ai hte ga de kadawng taw mat nngai. Shi gaw ngai hpe, “Si chye ai masha wa e, lachyum chye na u. Dai shingran gaw mungkan ga a jahtum aten hta byin wa na lam rai nga ai,” ngu nna tsun wu ai.

HABAKU 3:14

Anhte hpe shabra kau na nga, laru bungga zawn ahpawt du wa nna, matsan mayan masha ni hpe machyi shim ai hku dip gamyet sha na yu kabu nga ai shaloi, na a pala ni dai hpyen hpung woi awn ai hpyendu wa hpe galun htinggrang kau nga nit dai.

ZEHKARIA 9:14

Dai Madu gaw shi a amyu masha ni a ntsa e dan pru nna; shi gaw shi a pala ni hpe myihprap gala ai zawn gap dat na ra ai. Tsaw Htum ai dai Madu gaw pahtau dum dat na ra ai; shi gaw dingda maga de na nbung laru hta hkawm sa wa na ra ai.

SHINGRAN 16:12

Dai hpang kru ngu na lamu kasa gaw, shi a pawt sindawng kahtet ai gawm hpe Uhprat hka nu kaba hta ru bun dat wu ai. Shaloi sinpraw mung na sa wa ai hkawhkam ni a matu lam hku u ga, dai hka nu gaw hkyet mat wa ai.

SHINGRAN 9:16

Gumra jawn ai hpyen luksuk ni wan lahkawng tsa re ai lam ngai hpe tsun dan sai.