Daniela 11:34 - Jinghpaw Common Language Bible 2009

³⁴ Sat hkat ai lam a byin nga yang, Karai Kasang a amyu masha ni karum la lam kachyi mi hkam la lu na mara ai; dai rai tim pyi, masha law law hte gaw tinang hkrai myit sawn yu nna shanhte hte matut mat wa na mara ai.

Jinghpaw Hanson Version Bible

³⁴ Ya shanhte kadawng wa jang, karum ai lam kaji mi, shanhte a matu, pru na ra ai: rai timung, masha law law wa hkalem hkalau ai hku hkan nang nna, shanhte hte matut manoi na mara ai.

Daniela 11:34 ပူးပေါင်းရင်းမြစ်များ

Daniela 11:21

Dai lamu kasa gaw matut nna ning ngu sanglang dan wu ai: “Hkawhkam tai na ahkang n lu ai dai n hkru ai masha langai mi gaw hpang e galai ai Suri hkawhkam tai na ra ai; rai ti mung shi gaw n dum n mi re ai aten hta du sa wa nna, hkalem hkalau ai ga hte daru magam n-gun hpe magra jum da na ra ai.

Daniela 11:32

Shanhte a nawku makam masham hpe kabai kau da masai ni a karum la lam hpe hkawhkam wa hkalem la lu na ra ai, rai ti mung Karai Kasang a hpang hkan ai ni shanhte hpe nhtang gasat na mara ai.

MAHTE 7:15

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

ROMA 16:18

Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.

GALATI 2:4

Dai masha ni gaw anhte Hkristu Yesu hte langai sha tai nna asak hkrung ai a marang e anhte lu la ai shanglawt ahkang hpe kin-yu yu na matu Hkristan hpu nau ni tai masu let anhte a hpawng de mayun shang wa ai ni rai ma ai. Shanhte gaw anhte hpe mayam shatai mayu da mi ai.

2 TIMOHTI 4:3

Masha ni gaw dai teng man nna ra n rawng ai sharin shaga ai lam hpe n madat n mara nna tinang a myit kayut ai hta hkan mat wa ai hte shanhte a myit hta kaya kayoi nga hkra madat la mayu ai lam ni hpe sharin ya na sara ni shanhte a matu grau grau law wa hkra tam lahkawn la ai aten du na ra ai.

TITU 1:11

Shanhte a tsun shaga ai n-gup pat kau ya ra sai; hpa majaw nga yang, shanhte gaw n mai sharin ai lam ni hpe sharin ya nna htinggaw ting ting hpe shabra kau mu ai. Dai lam ni yawng gaw shanhte a gumhpraw lu lam hte seng ai kaya kahpa re ai yaw shada ai lam a matu rai nga ai.

1 YAWHAN 4:1

Tsaw ra ai ni e, Wenyi hkam la lu ga ai nga nna tsun ai ni yawng hpe hkum kam nga myit; shanhte hkam la ai ngu ai wenyi gaw Karai Kasang kaw na yu wa ai wenyi rai nga ai kun? jep yu mu; hpa majaw nga yang, masu ai myihtoi ni law law wa shara shagu hkan du taw nga masai.

1 YAWHAN 4:5

Dai myihtoi masu ni gaw mungkan hte seng ai ni rai nga ma ai majaw, shanhte gaw mungkan ga a lam ni tsun shaga ma ai. Mungkan ga na ni mung shanhte a ga hpe madat mara ma ai.

2 YAWHAN 1:7

Yesu Hkristu gaw masha a hkum shan hpe dagraw nna du sa ai hpe ndang kau ai hkalem ai masha law law wa mungkan ga shara shagu de pru sa mara ai. Shing re ai masha gaw masu hkalem ai hte Hkristu a hpyen rai nga ai.

YUDA 1:4

Hpa majaw nga yang tara n hkungga ai masha ni n dum shami anhte kaw mayun shang nga ma ai. Shanhte gaw, shanhte a pyaw hpa lam hkan ai n kaja ai arawn alai ni hpe lu magap shalawt na matu anhte a Karai Kasang a chyeju hte seng ai mungga hpe kam ai hku manai makai di kau ma ai hta n-ga, anhte a langai sha rai nga ai Madu Yesu Hkristu hpe mung ningdang kau ma ai. Shanhte hkam la masai daw dan lam hpe moi chyaloi nhkoi kaw nna chyum mungga ni hta tau tsun da nga sai.

SHINGRAN 12:13

Dai baren numraw gaw shi hpe ga de jahkrat kau hkrum sai lam chye wu jang, shadang sha shangai ai num hpe rim la na matu hkan tam magang sai.

SHINGRAN 2:20

Rai ti mung ngai nang hpe mara shagun na lam langai mi mu nngai. Hpa majaw nga yang, nang gaw, tinang dai ‘Karai Kasang kaw na du sa ai kasa rai nngai,’ nga nna tsun ai num Yezebela hpe shi ra ai hku di shangun ai hte hkap la tawn ndai. Shi gaw nye a shangun ma ni hpe hpye ai amu galaw na hte sumla ni hpe nawng ya ai lusha ni hpe sha na lam sharin ya nna, shanhte hpe shut hpyit lam dam shangun mu ai.