Daniela 11:29 - Jinghpaw Common Language Bible 2009

²⁹ “Dai hpang Egutu mung hpe shi bai shang gasat na ra ai; rai ti mung ndai aten shawng na hte shai ai hku byin wa na ra ai.

Jinghpaw Hanson Version Bible

²⁹ Ya, ndat da ai aten e, shi bai wa nna, dingda mung de shang na ra ai: rai timung, ya aten e shawng na hte bung ai n rai:

Daniela 11:29 ပူးပေါင်းရင်းမြစ်များ

ESAIA 14:31

Hpilisti mare ni yawng hte e, karum la lam a matu hkrap shabam nga mu! Nanhte yawng hte e, hkrit gari nga mu! Sumwi nhpu gaw dingdung maga hku nna du sa wa ra ai-dai gaw magrau grang ai hpyen luksuk langai rai nga ai.

Daniela 10:1

Persi Hkawseng Kuru gaw hkaw dung ai masum ning hta Belteshaza mying ai Daniela kaw mungga langai dan pru nga ai. Dai mungga gaw teng man nga ai, rai ti mung chye na na matu nachying yak la nga ai. Dai hpe shingran langai mi hta shi hpe tsun shaleng da nga ai.

Daniela 11:23

Shi gaw kaga masha amyu ni hte ga shaka tawn let masu hkalem na ra ai. Shi gaw amyu kaji ni hpe sha up hkang nga tim pyi, n-gun grau grau nna ja wa na ra ai.

Daniela 11:25

“Shi gaw Egutu hkawhkam wa hpe htim gasat na matu luksuk kaba hte rawt shachyen nna nden shaja na ra ai; Egutu hkawhkam wa mung nachying kaba nna daru magam n-gun rawng ai hpyen hpung hte nhtang htim na matu hkyen da na ra ai. Rai ti mung Egutu hkawhkam wa mahtang hkalem kau ai hkrum nna awng dang na ra ai n rai.

Daniela 11:28

Suri hkawhkam gaw Karai Kasang a amyu masha ni a nawku makam masham hpe shamyit kau na matu daw dan ai hte maren, shi lu rim la sai lanep arai mahkra hte nta de nhtang mat wa na ra ai. Shi ra ai hku galaw nna shi a mung de nhtang mat wa na ra ai.

Daniela 11:30

Dai Roma masha ni sanghpaw li ni hte du shang wa nhtawm shi hpe ninghkap na mara ai. Shaloi shi hkrit kajawng mat na ra ai. “Dai hpang shi gaw n-yun bu ai hte kayin mat wa nna Karai Kasang a amyu masha ni a nawku makam masham hpe jahten kau ya na mara ai. Shi chyawm gaw dai nawku makam masham hpe kau da sai ni a hpaji jaw ga hta hkan nang na ra ai.

Daniela 8:19

“Karai Kasang a pawt sindawng ai akyu hpa rai na ra ai gaw ngai nang hpe madun dan nga nngai. Dai shingran gaw jahtum na aten hpe lakap nna tsun da nga ai.

KASA 17:26

Madu gaw shawng nnan masha langai mi hpe hpan da nna dai wa hta nna masha amyu danghta hpe mayat maya hkrat wa shangun nhtawm, mungkan shara shagu hta nga pra shangun ma ai. Shanhte asak hkrung nga pra ai du hkra ladaw ni hte buga jarit ni hpe mung tau hkrau masat da ya mu ai.

GALATI 4:2

Kawa e madat da ai ten du hkra shi naw kaji nga ai laman shi hpe bau sin sharin ya ai ni hte shi a ra mara lam ni hpe yu lajang ya ai nta up ai masha ni a npu e shi naw rawng nga ai.