Daniela 11:27 - Jinghpaw Common Language Bible 2009

²⁷ Dai hpang hkawhkam yan gaw sha ku langai hta sha dung sha na mara ai; rai ti mung shan a myit jasat gaw n hkru nga ma ai rai nna, shan mung shada da masu ga tsun hkat na mara ai. Ndat da ai aten garai n du ai majaw, shan ra ai hpa rai nga ai hpe shan lu la na mara ai n rai.

Jinghpaw Hanson Version Bible

²⁷ Ndai hkawhkam yan gaw myit magaw ai hku maw nna, sha ku langai hta sha shada masu ai ga tsun timung, dai hku byin lu na n rai; kaning rai nme law, ndat da ai aten hta, de a jahtum rai na ra ai.”

Daniela 11:27 ပူးပေါင်းရင်းမြစ်များ

2 SAMUELA 13:26

Rai ti mung Absalom chyawm gaw, “Mai sa, shing wa she a nga yang mung, dik dik ngai hpu Amnon hpe sa shangun lu na n rai ni?,” ngu nna san wu ai. Hkawhkam wa mung, “Shi hpa majaw sa ang na rai wu ni?,” ngu nna san wu ai.

SHAKAWN KUNGDAWN 12:2

Shanhte yawng hte gaw shada da masu ga tsun ma ai; shanhte gaw shada da abawk ai ga hte hkalem nga ma ai.

SHAKAWN KUNGDAWN 52:1

Galu kaba ai masha wa e, nang gaw hpa majaw na a n hkru ai lam hta gumrawng nga n ta? Karai Kasang a tsaw ra myit gaw htani htana agrin nga ai.

SHAKAWN KUNGDAWN 58:2

N rai law! Nang galaw lu na n tara ai lam hpe chyu sha nang myit nga ndai; ga ntsa na kashun kashe du daw sai hkaw ai amu ni hpe nanhte shut hpyit tawt lai nga myit dai.

SHAKAWN KUNGDAWN 62:9

Shinggyim masha yawng hte gaw nsa sa lai nbung kasha zawn sha rai nga ma ai; galu kaba ai wa hte kaji kadun ai wa mung, maren sha manu n dan nga ai. Shanhte hpe joi hta shen yu ai shaloi, shanhte a namnak hpa mung n rawng nga ma ai; shanhte gaw nsa sa lai nbung hta pyi grau nna tsang nga ai.

SHAKAWN KUNGDAWN 64:6

Shanhte gaw n hkru n shawp ai yaw shada lam ni hpe maw mawn nna, “Ra n rawng ai sai kap amu hpe anhte yaw lajang da lu saga ai,” nga nna tsun ma ai. Masha a myit masin hte kraw lawang ni hpe chye na lu na matu, yak la ai mauhpa lam ni rai nga ai.

GA SHAGAWP 12:20

N hkru ai hpe maw mawn ai lam gaw akajawng sha nyawp rai mat na ra ai, rai ti mung, mai kaja lam a matu shakut shaja ai ni chyawm gaw kabu gara ai lam hpe mu la na mara ai.

GA SHAGAWP 19:21

Masha gaw lam magup hpe maw mawn mai nga ai; Madu a myit ra ai hte maren sha byin wa na ra ai.

GA SHAGAWP 26:23

N hkru n kaja ai myit mang lam hpe magap da ai dwi sau ai ga gaw ga di bu hta gumhpraw sup tawn ai hte bung nga ai.

EZEKELA 17:9

“Dai rai nna, Tsaw Htum ai dai Madu ngai nan san yu nngai: Ndai sabyi ru gaw hkrung nga ai hte tu kaba wa lu na kun? Shawng na galang gaw dai aru hpe baw kau nna asi ni hpe di la nhtawm, lakung lakying ni hpe krum kau ai hte dai ni hpe nyui nyip shangun na rai wu ni? Dai hpe gang baw na matu n-gun law dat ra na n rai; shing nrai n-gun rawng ai amyu baw ra na n rai.

Daniela 10:1

Persi Hkawseng Kuru gaw hkaw dung ai masum ning hta Belteshaza mying ai Daniela kaw mungga langai dan pru nga ai. Dai mungga gaw teng man nga ai, rai ti mung chye na na matu nachying yak la nga ai. Dai hpe shingran langai mi hta shi hpe tsun shaleng da nga ai.

Daniela 11:28

Suri hkawhkam gaw Karai Kasang a amyu masha ni a nawku makam masham hpe shamyit kau na matu daw dan ai hte maren, shi lu rim la sai lanep arai mahkra hte nta de nhtang mat wa na ra ai. Shi ra ai hku galaw nna shi a mung de nhtang mat wa na ra ai.

Daniela 11:29

“Dai hpang Egutu mung hpe shi bai shang gasat na ra ai; rai ti mung ndai aten shawng na hte shai ai hku byin wa na ra ai.

Daniela 11:35

Dai hpaji rawng ai ningbaw ni hta na nkau mi sat kau hkrum na mara ai; rai ti mung dai lam byin ai a majaw amyu masha ni jasan jaseng ai hkrum na mara ai. Dai zawn re ai amu gaw Karai Kasang masat da ya ai hpang jahtum na aten du hkra a byin nga na ra ai.

Daniela 11:40

“Ya Suri hkawhkam a hpang jahtum aten ganoi du wa jang, Egutu hkawhkam wa shi hpe htim gasat na ra ai; shaloi Suri hkawhkam wa mung shi a n-gun atsam mahkra hte hpawn hpyen leng ni, gumra ni, sanghpaw li law law hte bai nhtang htim na ra ai. Shi gaw mungdan law law hpe mawru hka zawn shang gasat hkawm wa na ra ai.

Daniela 8:17

Gabriela gaw nye a makau e sa tsap nga ai rai nna, ngai grai hkrit gari mat ai hte ga de kadawng taw mat nngai. Shi gaw ngai hpe, “Si chye ai masha wa e, lachyum chye na u. Dai shingran gaw mungkan ga a jahtum aten hta byin wa na lam rai nga ai,” ngu nna tsun wu ai.

Daniela 8:19

“Karai Kasang a pawt sindawng ai akyu hpa rai na ra ai gaw ngai nang hpe madun dan nga nngai. Dai shingran gaw jahtum na aten hpe lakap nna tsun da nga ai.

HABAKU 2:3

Dai hpe ka tawn u, hpa majaw nga yang dai gaw teng teng byin wa na aten garai n du nga ai. Rai ti mung aten gaw alawan du nga sai, ngai nang hpe madun ai lam gaw teng wa na ra ai. Dai du wa na aten gaw lanyan ai zawn rai nga ai, rai ti mung dai hpe la nga u; dai gaw teng teng byin wa na ra ai, dai gaw na taw nga na ra ai n rai.

KASA 1:7

Yesu gaw, “Wa gaw shi a ahkaw ahkang hte daw dan masat da ai aten ahkying ladaw hpe nanhte chye lu na ahkang n nga ai,” ngu nna tsun mu ai.

KASA 17:31

Hpa majaw nga yang Madu lata san da sai wa a lata hte mungkan ga hpe tara malang ai hku daw dan na ninghtoi gaw shi tawn da nu ai rai nga ai. Dai wa hpe si ai kaw na shi hkrung sharawt la ai hte dai lata san da ai lam masha yawng hpe kam ram ai sakse madun dan nu ai,” ngu nna tsun wu ai.

1 HTESALONI 5:1

Hpu nau ni e, ndai lam ni byin wa na ra ai aten hte ahkying ladaw galoi rai na lam nanhte hpe ka dat shara n nga ai.