Daniela 11:26 - Jinghpaw Common Language Bible 2009

²⁶ Shi hte ni htum ai hpaji jaw ni gaw shi hpe jahten kau na mara ai. Shi a hpyenla law law hte mung sat kau ai hkrum nna shi a hpyen luksuk ni gasat shamyit kau hkrum na mara ai.

Jinghpaw Hanson Version Bible

²⁶ Gaja wa, shi a shat sha ai ni pyi shi hpe agrawp kau nna, shi a hpyen luksuk ni lup mat ai hkrum nna, law law wa, kadawng jahkrat kau ai hte sat kau ai hkrum na mara ai.

Daniela 11:26 ပူးပေါင်းရင်းမြစ်များ

2 HKAWHKAM 8:14

Hazaela gaw Benhadad hpang de nhtang wa wu yang, “Elisha kaning nga tsun a ta?,” ngu nna shi hpe hkap san wu ai. Bai Hazaela gaw, “Nang teng teng hkam kaja wa lu na ndai, nga nna shi ngai hpe tsun ai,” ngu nna htan wu ai.

SHAKAWN KUNGDAWN 41:9

Ngai hpe grau nna kam hpa let ngai hte rau shat jawm sha ai nye a kaja htum ai manang wa pyi ngai hpe nhtang gumlau kau nu ai.

Daniela 11:10

“Suri hkawhkam a shadang sha ni majan a matu hkyen lajang na nga luksuk kaba jahpawng tawn da na mara ai. Shanhte hta na langai mi gaw mawru hka zawn agre ye mat wa nna gumlau hpyen dap hpe htim gasat na mara ai.

Daniela 11:22

Shi hte nhtan shai ai ni kadai mung Karai Kasang a Hkinjawng Kaba wa du hkra pyi magawn kau ai yeng seng kau hkrum na ra ai.

Daniela 11:40

“Ya Suri hkawhkam a hpang jahtum aten ganoi du wa jang, Egutu hkawhkam wa shi hpe htim gasat na ra ai; shaloi Suri hkawhkam wa mung shi a n-gun atsam mahkra hte hpawn hpyen leng ni, gumra ni, sanghpaw li law law hte bai nhtang htim na ra ai. Shi gaw mungdan law law hpe mawru hka zawn shang gasat hkawm wa na ra ai.

MAHTE 26:23

Yesu gaw, “Dai hka wan hta ngai hte rau, shi a muk tsing manaw sha nga ai wa gaw ngai hpe ap kau na ring ngai,

MARKU 14:20

Yesu gaw, “Dai wa gaw nanhte shi lahkawng hta na langai wa mi rai nna, shi a muk hpe ngai hte rau wan hta tsing manaw sha nga ai wa rai nga ai.

YAWHAN 13:18

Nanhte yawng hpe sha-ang nna ngai tsun nga nngai n rai; ngai lata la tawn sai ni hpe gaw ngai chye da we ai. Rai ti mung, Chyum Laika hta, nye a shat sha ai wa gaw, shi a lahtin hte ngai hpe hkindit nngai, nga nna ka da ai ga dik wa lu na matu rai nga ai.