Daniela 11:2 - Jinghpaw Common Language Bible 2009

² Ya nang hpe ngai tsun dan na lam gaw teng man nga ai,” ngu nna tsun wu ai. Lamu kasa gaw, “Persi mung hta e hkawhkam masum naw up na mara ai; mali ngu na gaw kaga ni yawng hta grau nna sut su na ra ai. Shi a daru magam n-gun hte sut gan tsaw lung wa ai aten hta, shi gaw Grik mungdan hpe dakat na ra ai.

Jinghpaw Hanson Version Bible

² Ya chyawm gaw, ngai nang hpe tengman ai lam madun na de ai. Yu u, Persi mung hta e hkawhkam masum naw paw pru na ra ai; mali ngu na wa gaw, kaga mahkra hta sutgan grau lu na ra ai: shi gaw sut su ai majaw, daru magam an wa yang, Heleni mung hpe hpyen gasat na matu, masha yawng mayawng hpe rawt shangun na ra ai.

Daniela 11:2 ပူးပေါင်းရင်းမြစ်များ

EZRA 4:24

Persi Hkawseng Dari hkaw dung ai lahkawng ning du hkra Nawku Htingnu gaw gap ai amu hpe dai hku naw jahkring tawn da ma ai.

EZRA 4:7

Persi Hkawseng Artazazi hkaw bai dung ai aten hta Bishlam, Mitredat, Tabela hte shanhte a kanawn manang ni gaw hkawseng wa hpang de laika langai ka dat ma ai. Hti ai shaloi ga gale la lu na matu, laika dai hpe Aramik ga hte ka da nga ai.

ESHTA 1:1

Hkawhkam Ahasuru gaw Persi mung a mare daju Susa hta nga ai shi a hkawhkam tingnyang ntsa e hkaw dung let India mung kaw nna Ehtiopi mung du hkra, mungdaw 127 hpe up hkang nga ai.

GA SHAGAWP 22:21

Dai ni gaw teng man ai ga a lam hpe hkrak chye na lu hkra nang hpe sharin ya na ra ai; shing rai nang hpang de shangun dat ai ni hpe nang gaw jaw ai mahtai madun dan lu na ndai.

Daniela 10:1

Persi Hkawseng Kuru gaw hkaw dung ai masum ning hta Belteshaza mying ai Daniela kaw mungga langai dan pru nga ai. Dai mungga gaw teng man nga ai, rai ti mung chye na na matu nachying yak la nga ai. Dai hpe shingran langai mi hta shi hpe tsun shaleng da nga ai.

Daniela 11:25

“Shi gaw Egutu hkawhkam wa hpe htim gasat na matu luksuk kaba hte rawt shachyen nna nden shaja na ra ai; Egutu hkawhkam wa mung nachying kaba nna daru magam n-gun rawng ai hpyen hpung hte nhtang htim na matu hkyen da na ra ai. Rai ti mung Egutu hkawhkam wa mahtang hkalem kau ai hkrum nna awng dang na ra ai n rai.

Daniela 7:5

Lahkawng ngu na matse labye dusat gaw tsap hte bung nna shi a hpang lagaw ni hte tsap nga ai. Shi a awa lapran hta garep nra masum makrang da nhtawm, “Gai, nang dang lu ai made matut nna ashan sha u!,” ngu ai nsen langai gaw dai hpe tsun nga ai.

Daniela 8:21

Dai bainam la gaw Grik mungdan rai nga ai. Shi a myi lapran hta laklai dan dawng hkra tu ai nrung gaw shawng na hkawhkam rai nga ai.

Daniela 8:26

Nang hpe tsun shaleng sai jahpawt shana na shagu hkungga ni hte seng ai ndai shingran ga mung teng teng byin wa na ra ai. Rai ti mung, dai lam teng sha garai n byin wa ai hte yang, aten na na naw rai nga ai majaw dai hpe ya naw ip da u.”

Daniela 8:4

Dai sagu la gaw shi a nrung ni hte sinna de, dingdung de, hte dingda maga de daru nga ai hpe ngai mu nngai. Kaning re ai dusat mung shi hpe jahkring lu ai n rai; shi a n-gun atsam kaw nna hprawng lawt lu ai n rai. Shi sharawng awng ai hte maren galaw nga ai rai nna grau myit tsaw myit dap nga wu ai.

AMO LAIKA (AMOS) 3:7

Tsaw Htum ai dai Madu gaw shi myit mang ai lam, shi a shangun ma myihtoi ni hpe garai n shadan yang, hpa lam hpe mung shi galoi mung n galaw yu nga ai.

YAWHAN 10:35

Karai Kasang gaw shi a mungga jaw da hkrum sai ni hpe ‘karai daw ni,’ ngu nna shamying mu ai rai nna, Chyum Laika hta tsun ai ga ni gaw galoi mung teng man nga ai hpe anhte chye ga ai.

SHINGRAN 21:5

Dai hpang, tingnyang hta dung nga ai wa gaw, “Yu u, ya aten hta arai yawng mayawng hpe ngai ningnan bai gaw da nngai,” nga nna tsun ai. Bai dai Madu gaw, “Ndai ka da u, hpa majaw nga yang, ndai ga ni gaw teng man ai ga, kam lu ai ga rai nga ai,” nga nna tsun ai.