Daniela 11:19 - Jinghpaw Common Language Bible 2009

¹⁹ Dai hkawhkam wa gaw shi a mung na hpyen dap de nhtang mat wa na ra ai; rai ti mung shi chyawm gaw hkrat sum mat na ra ai, dai gaw shi a matu jahtum aten rai na ra ai.

Jinghpaw Hanson Version Bible

¹⁹ Dai hpang shi gaw nhtang wa nna, shi a mung na hpyen dap ni hpe shagrin mayu timung, shi kadawng hkrat wa nna, shi hpe bai n mu lu na ra ai.”

Daniela 11:19 ပူးပေါင်းရင်းမြစ်များ

YOBA 20:8

Shanhte gaw shana e mu ai yup mang shingran zawn hkoi mat wa nna, galoi mung bai mu lu na ra ai n rai.

YOBA 34:24

Ningbaw ni hpe la kau na matu hte shanhte a hkang hta kaga ni bai shang wa na matu shi hta sawk sagawn la ra ai lam n ra nga ai.

SHAKAWN KUNGDAWN 27:2

N hkru ai masha ni ngai hpe gasat ai hte sat kau na matu shakut ma ai shaloi shanhte gaw ahtu ai hte kadawng mat ma ai.

SHAKAWN KUNGDAWN 37:35

Tara n lang nna mazut gumshem nga ai wa hpe ngai lang mi chye yu ni ai; shi gaw Lebanon arit hpun zawn masha shagu a ntsa e, ka-up da nu ai;

SHAKAWN KUNGDAWN 37:36

rai ti mung, kade n na ai aten hta ngai lai wa yu ai shaloi dai shara hta shi n nga sai; shi hpe ngai tam yu tim, shi hpe n mu lu mat ni ai.

ESAIA 24:20

Ginding aga shi nan gaw chyaru nang ai wa zawn ndi nda rai nna, nbung laru kata na yihkyap kanga ai zawn, rai mat na ra ai. Mungkan ga gaw shi a shut hpyit ai yubak ni hta li nga ai; dai gaw kazut taw mat nna galoi mung bai rawt lu na ra ai n rai.

YEREMIA 46:6

Kagat laram ai ni n hprawng lu ma ai; hpyenla ni mung n hprawng lawt lu ma ai. Dingdung maga, Uhprat hka nu makau e shanhte ahtu kataw ma ai.

EZEKELA 26:21

Ngai nang hpe hkrit hpa kasi shatai nna dai gaw na a matu jahtum rai na ra ai. Masha ni nang hpe tam ti mung, galoi mung mu hkrum na ndai n rai.” Tsaw Htum ai dai Madu tsun nu ai.

Daniela 11:7

Dai hpang kade n na yang, dai num a makyin jinghku ni hta na langai mi gaw hkawhkam tai wa na ra ai. Shi gaw Suri hkawhkam wa a hpyen luksuk hpe htim gasat nna shanhte a dap de shang nhtawm dang kau na ra ai.