Daniela 11:18 - Jinghpaw Common Language Bible 2009

¹⁸ Dai hpang shi gaw panglai hka masawn hku nga ai masha amyu ni hpe gasat nna ka-up la na ra ai. Rai ti mung maigan na ningbaw langai mi shi hpe dang kau nhtawm, myit tsaw myit dap ai hpe jahtum kau ya na ra ai. Shi gaw Suri hkawhkam wa a myit tsaw myit dap ai hpe shi a ntsa de teng teng nhtang kau dat ya na ra ai.

Jinghpaw Hanson Version Bible

¹⁸ Dai rai nna shi gaw zunlawng ni a maga de myi man yawng nna, law law hpe gasat dang la lu ai; rai timung, hpyen du langai mi gaw, shi kaw na pru ai arawng jahpoi ai lam, jahtum kau na ra ai: gaja wa, shi kaw na pru ai arawng jahpoi ai lam, shi hkum ntsa e nhtang shangun na ra ai.

Daniela 11:18 ပူးပေါင်းရင်းမြစ်များ

ESHTA 10:1

Hkawhkam Ahasuru gaw shi a hkawseng mungdan na hkin-gau mayan ginwang ni hkan nga ai masha ni hpe mung, mungdan kata de nga ai ni hpe mung bungli laja lana galaw na hkang da nga wu ai.

ESAIA 66:19

shanhte hpe ari jaw ai wa ngai rai nga nngai hpe chye wa na mara ai. “Rai ti mung, shanhte hta na nkau mi hpe ngai ngam tawn da nna, nye a mying dan hkung ai hpe n na yu ai, nye a galu kaba ai hte daru magam n-gun hpe n mu yu ai, dai ndan gap share shagan masha ni nga ai Spain, Libya hte Ludi mung ni hpang de mung, Tubala hte Grik mung hkan nga ai amyu baw ni hte sumtsan mung na masha ni hpang de mung, shanhte hpe ngai shangun dat na nngai. Shanhte gaw dai mungdan ni hta nga ai amyu baw ni hpe nye a galu kaba ai lam tsun dan na mara ai.

YEREMIA 2:10

Sinna maga nga ai Kupru zunlawng de sa nna, sinpraw maga de nga ai Kedara mung de masha langai mi hpe shangun dat u. Shawng de ndai zawn galoi mung n byin yu ai amu hpe nang mu na rai ndai.

YEREMIA 31:10

Dai Madu gaw, “Masha amyu ni e, nye a ga madat mara mu; nye a mungga hpe sumtsan zunlawng ni de hkaw tsun mu. Ngai gaw nye a amyu masha ni hpe shabra kau nngai, rai ti mung, ngai shanhte hpe bai shinggyin da na nngai, sagu rem ai wa gaw sagu hpung hpe bau rem nga ai zawn, ngai mung shanhte hpe bau rem nga na nngai.

EZEKELA 27:6

Shanhte gaw li lashap galaw na matu Bashan mung na wamyi hpun ni lang ma ai; Kupru zunlawng na pru ai marau hpun hpe mung shanhte la nna dai hpe magwi kawng ni hte hkrep nhtawm li hpe mawn shatsawm nga ma ai.

HOSEA 12:14

Israela amyu masha ni mahtang dai Madu hpe aja awa pawt bu shangun ma ai; shanhte shut kau ai ru hka amu ni a majaw si ari hkam la ging nga ma ai. Shanhte shi hpe kaya kahpa shabyin ma ai majaw, dai Madu shanhte hpe ari jaw na ra ai.

ZEHPANI 2:11

Dai Madu gaw shanhte hpe jahkrit shama dat na ra ai. Shi gaw aga ting na karai ni hpe kaman de shayu kau tawn na ra ai, shaloi masha amyu baw shagu gaw shanhte a shara kaw na shi hpe nawku na mara ai.

MAHTE 7:2

hpa majaw nga yang, nanhte masha kaga ni hpe jeyang ai hte maren Karai Kasang gaw nanhte hpe jeyang na marin dai; nanhte masha kaga hpe jeyang ai shaloi lang ai tara hte maren nanhte hpe jeyang na ra ai.

TARA AGYI 1:7

Adonibezek gaw, “Lata yungnu hte lagaw yungnu kaba ni kahtam di kau hkrum ai hkawhkam sanit shi hte gaw nye a sha ku npu e shat ahkyep ahkap hta sha ma ai; ya chyawm gaw shanhte hpe ngai galaw ai zawn Karai Kasang ngai hpe bai tai nu ai,” ngu nna tsun wu ai. Shi gaw Yerusalem mare de woi la hkrum ai hte dai yang e si mat wu ai.