Daniela 11:17 - Jinghpaw Common Language Bible 2009

¹⁷ “Dai Suri hkawhkam wa gaw shi a hpyen luksuk ting hpe lang nna gasat na lawan myit daw dan maw mawn na ra ai. Shaloi shi a gumlau hpyen mungdan hpe jahten kau na nga, shi hte jinghku galaw let shi a shayi sha hpe ya sha na ra ai; rai ti mung, shi a maw mawn ai lam awng dang na ra ai n rai.

Jinghpaw Hanson Version Bible

¹⁷ Shi gaw, shi a mungdan a n-gun mahkra hte sa du nna, mye lu na lam shapraw na matu, shakut sharang nga ai hte, dai lam mung galaw nga ai: dai mung hpe jahten na matu, shi gaw dingda hkawhkam wa hpe shayi sha mung ya sha na ra ai: rai timung shi daw ai lam n byin nna, shi a matu akyu n pru nga ai.

Daniela 11:17 ပူးပေါင်းရင်းမြစ်များ

2 HKAWHKAM 12:17

Dai aten hta Suri Hkawhkam Hazaela gaw Gat mare hpe shang gasat nna madu la wu ai. Dai hpang Yerusalem mare hpe mung gasat la na myit daw dan da wu ai.

2 HKAWHKAM LABAU 20:3

Yehoshahpat chyawm gaw hkrit kahpra ai hte lam madun la na matu dai Madu kaw akyu hpyi wu ai. Dai hpang Yuda mungdan ting lusha gam na matu hkang dat wu ai.

SHAKAWN KUNGDAWN 56:9

Ngai nang hpe shaga ai shani e, nye a gumlau hpyen ni htingnut mat wa ai hkrum na mara ai; Karai Kasang gaw nye a maga de nga nga ai hpe ngai chye nga nngai.

GA SHAGAWP 19:21

Masha gaw lam magup hpe maw mawn mai nga ai; Madu a myit ra ai hte maren sha byin wa na ra ai.

EZEKELA 17:17

Babelon masha ni gaw masha law law hpe sat kau na matu hpyen ninghkap shara ga bum ni hte kaduk ni hpe htu tawn ai shaloi, Egutu hkawhkam a n-gun ja ai hpyen luksuk ni pyi hpyen gasat karum lu ai n rai.

EZEKELA 25:2

Shi gaw, “Si chye ai masha wa e, Amon mung hpe myihtoi htoi u.

EZEKELA 4:3

Hpri pa langai la nna nang hte mare a lapran e bunghku zawn tai na matu dai hpe sharawt tawn u, dai mare maga de na a myi man yawng u, shaloi dai mare gaw wang da ai hkrum nna nang gaw dai mare hpe wang da ai wa rai na ra ai. Dai gaw Israela a matu kumla tai na ra ai.

EZEKELA 4:7

“Yerusalem hpe wang tawn da ai hpe azi yu u, dai mare de na a lata lahpum shada nna, dai mare hten wa na lam, myihtoi htoi u.

Daniela 11:19

Dai hkawhkam wa gaw shi a mung na hpyen dap de nhtang mat wa na ra ai; rai ti mung shi chyawm gaw hkrat sum mat na ra ai, dai gaw shi a matu jahtum aten rai na ra ai.

Daniela 9:26

Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

HABAKU 1:9

“Shanhte a hpyen luksuk ni gaw kashun kashe gasat ka-up la na matu rawt lung wa nga ma ai, masha shagu hte gaw shanhte shani lung wa yang hkrit kajawng nga ma ai. Shanhte rim la lu ai bawng masha ni gaw zaibru tum ni daram law htam nga ai.

MAHTE 12:30

“Ngai hpang maga de n nga ai wa gaw, nye a gumlau maga de rai nga ai: ngai hte kahkyin gumdin n re ai wa gaw ayai aya rai nga ai.

LUKA 11:23

Ngai hpang maga de n nga ai wa gaw, gumlau maga de rai nga ai, ngai hte kahkyin gumdin n re ai wa gaw, ayai aya rai nga ai.

LUKA 9:51

Ya Yesu hpe lamu de shalun la na nhtoi du wa magang yang, Yerusalem mare de sa wa na matu myit daw dan da wu ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?