Daniela 11:15 - Jinghpaw Common Language Bible 2009

¹⁵ Dai re ai majaw, Suri hkawhkam gaw bunghku kum ai mare langai mi hpe kaduk htu nna dai mare hpe gasat dang la na ra ai. Egutu hpyenla ni matut gasat na mara ai n rai; shanhte hta na kaja htum ai ni du hkra pyi n-gun atsam law ram hkra rawng na ma ai n rai.

Jinghpaw Hanson Version Bible

¹⁵ Shing rai dingdung hkawhkam sa wa nna, kaduk htu nhtawm, bunghku kaba kum ai mare hpe gasat la na ra ai: dingda luksuk ni n tsap lu ai hte, shi san da ai masha ni hta, hkap gasat na n-gun n rawng nga ai.

Daniela 11:15 ပူးပေါင်းရင်းမြစ်များ

YEREMIA 33:4

Yerusalem a nta ni hte Yuda hkawhkam htingnu ni gaw wang shinggrup ai hte htim gasat hkrum ai a majaw hten run mat na ra ai nga nna dai Madu Israela a Karai Kasang ngai nan tsun ni ai.

YEREMIA 5:10

Ngai gaw nye amyu masha ni a sabyi sun ni hpe hkyen kau na matu gumlau hpyen ni hpe dat dat na nngai, rai ti mung dai ni hpe tsep kawp jahten kau na matu n rai. Ngai gaw lakung ni hpe ashin kau na matu shanhte hpe tsun na nngai, hpa majaw nga yang, dai lakung ni gaw nye a n rai nga ai.

YEREMIA 52:4

dai rai nna, Nebuhkadneza hte shi a hpyen luksuk ni gaw Zedekia hkaw dung ai jahku ning na shata shi a nhtoi shi ya shani e Yerusalem hpe gasat ma ai. Shanhte gaw mare shinggan e dap jung nna mare grup grup kaduk ni htu nhtawm mare bunghku hpe wang da ma ai,

YEREMIA 6:6

Chyahtum Chyalai N-gun rawng ai dai Madu gaw, “Hpun ni hpe kran kau nna Yerusalem hpe wang tawn na matu kaduk ni galaw na dai hkawhkam ni hpe hkang da wu ai. Shi gaw, “Ndai mare gaw dip gamyet sha ai lam hpring nga sai majaw ndai mare hpe ngai ari jaw na nngai.

EZEKELA 17:17

Babelon masha ni gaw masha law law hpe sat kau na matu hpyen ninghkap shara ga bum ni hte kaduk ni hpe htu tawn ai shaloi, Egutu hkawhkam a n-gun ja ai hpyen luksuk ni pyi hpyen gasat karum lu ai n rai.

EZEKELA 4:2

Dai hpang, dai mare hpe wang da ai kumla shapraw na matu, kaduk ni hpe tawn u, ga kaduk ni galaw u, dap ni jung u, dai mare a grup grup yawng hta bunghku sharun ai gawng ni hpe tawn u.

Daniela 11:14

Dai hpang masha law law hte gaw Egutu hkawhkam wa hpe gumlau na mara ai. Daniela e, na a amyu masha ni hta na kabring kabrawng du daw sai hkaw amu galaw ai masha nkau mi gaw shanhte mu ai shingran a majaw gumlau na mara ai; rai ti mung shanhte sum mat na mara ai.

Daniela 11:6

Shaning tsawmra mi na ai hpang, Egutu hkawhkam wa gaw Suri hkawhkam wa hte jinghku galaw nhtawm shi hpe shi a shayi sha jaw sha wu ai. Rai ti mung jinghku hku ai masa gaw na hkra grin na n rai; shi mung, shi a madu wa mung, shi a ma hte shi kaw hkan nang nga ai shangun ma ni yawng mayawng sat kau ai hkrum na mara ai.

Daniela 8:7

Ngai gaw sagu la hpe htim gasat nga ai hpe yu nngai. Shi gaw masin grai pawt ai rai nna shi hpe daru anyawp kau ai hte nrung lahkawng daw agrawp mat nga ai. Sagu la mung shi hpe hkap daw na n-gun n rawng nga ai. Shi mung ga de kadawng mat ai hte kabye anut kau hkrum nga ai; dai yang e shi hpe kadai e mung n hkye la lu nga ai.

YAWSHU 1:5

Yawshu e, nang ahkrung nga dingsa kadai mung nang hpe dang lu na ma ai n rai; ngai gaw Mawshe hte rau nga lai wa ai zawn nang hte mung rau nga nga na nngai. Ngai gaw nang hte tut nawng rau anga nga na nngai; ngai nang hpe galoi mung kau da na nngai n rai.