Daniela 11:13 - Jinghpaw Common Language Bible 2009

¹³ “Suri hkawhkam wa gaw bai nhtang wa nna shawng na hta grau law ai hpyen luksuk kaba hpe jahpawng la na ra ai. Majan gasat aten bai du jang, shi gaw hpyen laknak hpai ai luksuk kaba hte rau nhtang sa wa na ra ai.

Jinghpaw Hanson Version Bible

¹³ Kaning rai nme law, dingdung hkawhkam wa gaw bai wa nna, shawng na hta grau law ai wunawng wuwa ni hpe jahpawng nhtawm, aten ladaw lai jang, luksuk laba kaba arung arai law law hte, bai du na ra ai.

Daniela 11:13 ပူးပေါင်းရင်းမြစ်များ

Daniela 11:12

Shi gaw shi a awng padang hte shi sat kau lu ai hpyenla law law a majaw gumrawng gumtawng wa na ra ai, rai ti mung shi gaw matut nna awng dang lu na ra ai n rai.

Daniela 11:14

Dai hpang masha law law hte gaw Egutu hkawhkam wa hpe gumlau na mara ai. Daniela e, na a amyu masha ni hta na kabring kabrawng du daw sai hkaw amu galaw ai masha nkau mi gaw shanhte mu ai shingran a majaw gumlau na mara ai; rai ti mung shanhte sum mat na mara ai.

Daniela 11:40

“Ya Suri hkawhkam a hpang jahtum aten ganoi du wa jang, Egutu hkawhkam wa shi hpe htim gasat na ra ai; shaloi Suri hkawhkam wa mung shi a n-gun atsam mahkra hte hpawn hpyen leng ni, gumra ni, sanghpaw li law law hte bai nhtang htim na ra ai. Shi gaw mungdan law law hpe mawru hka zawn shang gasat hkawm wa na ra ai.

Daniela 12:7

Dai lamu kasa gaw lamu de lata lahkawng sharawt nhtawm Htani Htana a Karai Kasang a mying ningsang hta dagam shaka let ga sadi tawn da wu ai. Shi gaw, “Dai aten gaw masum ning a chyen mi rai na ra ai. Karai Kasang a amyu masha ni hpe zingri zingrat ai aten htum jang, ndai lam yawng mayawng byin wa na ra ai,” ngu nna tsun ai ga hpe ngai na nngai.

Daniela 4:16

Shi gaw sanit ning tup masha a myit rawng wa na ra ai n rai, rai ti mung dusat myit mahtang shi hta rawng wa na ra ai.