Daniela 10:2 - Jinghpaw Common Language Bible 2009

² Dai aten hta, ngai gaw bat masum tup yawn hkyen hkrum nga nngai.

Jinghpaw Hanson Version Bible

² Ngai Daniela gaw ndai aten hta, nhtoi bat masum tup, yawn hkyen nga nngai.

Daniela 10:2 ပူးပေါင်းရင်းမြစ်များ

NEHEMIA 1:4

Ndai lam yawng hpe ngai na ai shaloi, dung let hkrap nga nngai. Ngai gaw nhtoi tsawmra mi na mat hkra sharung shayawt ai hte lusha n sha nngai. Ngai gaw Karai Kasang hpe,

SHAKAWN KUNGDAWN 42:9

“Nang gaw ngai hpe hpa majaw malap kau nga n ni? Nye a gumlau hpyen ni a gumshem ai hta ngai nni nkri hpe hpa majaw matut hkam sha ra nga a ta?,” ngu nna nye a shingbyi shara Karai Kasang hpe ngai tsun ni ai.

SHAKAWN KUNGDAWN 43:2

Nang gaw ngai hpe makawp maga ai wa rai nga ndai; ngai hpe hpa majaw nang kau da nga n ta? Nye a gumlau hpyen ni a gumshem ai hta ngai hpa majaw nni nkri hpe matut hkam sha ra nga a ta?

ESAIA 66:10

Yerusalem hte rau kabu mu; Ndai mare hpe tsaw ra ai nanhte yawng hte gaw shi a matu kabu gara nga mu! Shi a majaw sharung shayawt hkrum ai ni yawng hte e, shi hte rau ya kabu gara nga mu!

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

Daniela 10:12

Dai hpang shi gaw, “Daniela e, hkum hkrit et. Karai Kasang gaw chye na hkawn hkrang ai lam hkam la na hte nang hkum nan shagrit shanem na matu nang daw dan ai shawng shani kaw nna pyi na a akyu hpyi ga hpe na ya nit dai; Na a akyu hpyi ga hpe htan ya na, ngai du sa nngai.

MAHTE 9:15

Yesu gaw shanhte hpe, “La nnan wa a hkungran gawk hte seng ai manaw manang ni gaw, la nnan wa hte rau naw nga nga yang, shanhte yawn hkyen hkrum na ma hka? N rai law! Rai ti mung, la nnan wa hpe shanhte kaw na jahka la kau ya ai nhtoi du na ra ai; dai shaloi shanhte lusha gam na mara ai.

ROMA 9:2

Nye amyu masha ni nye a sai daw sai chyen ni a matu nye a kraw lawang e matut manoi ngai hkam sha nga ai yawn hkyen ai hte machyi hkrum ai lam gaw ngai tsun na nga yang grai kaba la nga ai n rai ni?

YAKU 4:9

Yawn hkyen nna hkrap ngu hkrap ngoi sharung shayawt nga mu; nanhte a mani ai hpe hkrap ai hte nanhte a kabu gara ai hpe nchyi nmu re ai hte galai kau mu.

SHINGRAN 11:5

Masha langai ngai shan hpe hpyen na hkyen ai shaloi, shan a n-gup hta na wan pru nna, hpyen ni hpe hkru kau shangun mu ai. Shanhte hpe hpyen na matu shakut ai ni nga manga gaw ndai hku nna sat kau ai hkrum na rai ma ai.