Daniela 10:19 - Jinghpaw Common Language Bible 2009

¹⁹ Shi gaw, “Karai Kasang nang hpe tsaw ra nga ai majaw nang hpe hpa mung myit ru shangun na n rai; nang hpe jahkrit shama na n rai,” ngu nna tsun wu ai. Shi dai zawn nga nna tsun jang, ngai hta n-gun ja wa ai zawn hkam sha nna, “Madu e, nang hpa tsun ra ai lam ngai hpe tsun dan e. Nang gaw ngai hpe grau kaja hkra hkam, sha shangun nit dai,” ngu nna tsun nngai.

Jinghpaw Hanson Version Bible

¹⁹ Bai shi gaw, “Grai tsawra hkam ai wa e, hkum hkrit et; nang ngwipyaw nga n ga; n-gun ja u, gaja wa n-gun ja u,” nga nna tsun ai. Shing nga tsun nga yang, ngai n-gun lu la nna, “Nye a madu ga tsun u ga; nang ngai hpe n-gun jaw nit dai,” nga nna tsun nngai.

Daniela 10:19 ပူးပေါင်းရင်းမြစ်များ

SHAKAWN KUNGDAWN 138:3

Nang hpe ngai shaga yang, nang ngai hpe htan ya nit dai; na a n-gun hte ngai hpe n-gun shaja ya nit dai.

ESAIA 35:4

Myit daw nga ai masha shagu hte hpe, “N-gun shaja u, hkum hkrit et! Karai Kasang gaw nang hpe hkye mawai la na du sa nga ai, na a gumlau hpyen ni hpe ari jaw na matu du sa nga ai,” ngu nna tsun mu.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

Daniela 10:18

Shi gaw ngai hpe lang mi bai jum dat yang, n-gun ja wa ai zawn ngai hkam sha nngai.

Daniela 9:23

Nang Karai Kasang kaw hpyi nem hpang wa ai shaloi, shi nang hpe htan ya nga ai. Shi nang hpe tsaw ra nga ai, dai rai nna ngai gaw dai mahtai nang hpe sa tsun dan nngai. Ya chyawm gaw ngai shingran tsun shaleng nga yang, myit maju jung nga u.

HAGI 2:4

Rai ti mung, ya chyawm gaw nanhte myit n-gun hkum daw myit. Amu galaw mu, hpa majaw nga yang ngai gaw nanhte hte rau anga nga nngai.

ZEHKARIA 8:13

Yuda hte Israela amyu masha ni e! Lai sai aprat e, maigan masha ni langai hte langai ning ngu tsun let dagam lai wa masai: ‘Nanhte a ntsa e hkrat bun ai tsin-yam tsindam nan Yuda hte Israela a ntsa e mung hkrat bun u ga law! Rai ti mung, ngai nanhte hpe hkye hkrang la na nngai, shaloi dai maigan masha ni langai hte langai gaw, ‘Yuda hte Israela ntsa e jaw ai shaman chyeju nan nanhte hkam la lu myit ga law!,’ nga nna tsun na mara ai. Dai re ai majaw nden marai shaja mu; hkum hkrit nga myit.”

ZEHKARIA 8:9

“Nden marai shaja mu! Nye a Nawku Htingnu hpe bai gaw gap na matu npawt nhpang jahkrat hpang ai aten e myihtoi ni tsun ai ga hpe sha, ya nanhte na nga myit dai.

YAWHAN 11:3

Dai yan nau gaw, “Madu e nang tsaw ra ai wa gaw, machyi nga ai,” ngu nna shi ga shana dat mu ai.

YAWHAN 11:36

Yuda masha ni gaw, “Yu yu mu, shi gaw Lazaru hpe grai wa tsaw ra nga a hka!,” nga ma ai.

YAWHAN 11:5

Yesu chyawm gaw Marhta yan Mari hte shan a kayung Lazaru hte hpe tsaw ra wu ai.

YAWHAN 14:27

“Ngwi pyaw sim sa ai gaw ngai nanhte hpe tawn da ya ma sade ai; Nye a ngwi pyaw simsa ai nanhte hpe ngai jaw made ai, mungkan ga na ni jaw ai zawn ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

YAWHAN 19:26

Yesu gaw shi a kanu hte shi a tsaw ra ai sape dai yang e tsap nga ai hpe mu wu ai. Dai rai nna Yesu gaw shi a kanu hpe, “Nu e, ningsha hpe yu u!,” ngu wu ai.

YAWHAN 21:20

Shaloi Petru kayin yu u yang, Yesu tsaw ra ai sape ngu ai shawng de shana shat sha nga ai shaloi, Yesu a sinda hta shamyet nna, “Madu e nang hpe ap kau na wa gaw kadai mahtang rai ta?,” nga nna san ai sape hkan nang nga ai hpe, mu wu ai.

1 KORINHTU 16:13

A maja nga mu, dai makam masham hta ngang ngang kang kang tsap nga mu, nden marai rawng nga mu, n-gun lapyin ja nga mu.

2 KORINHTU 12:9

Rai ti mung Karai Kasang gaw, “Nye a chyeju gaw na a matu ram ging nga ai, hpa majaw nga yang, nang gawng kya ai shaloi nye a n-gun atsam gaw ja dik rai nga ai,” nga nna ngai hpe mahtai jaw ni ai. Dai re ai majaw Hkristu a n-gun atsam gaw ngai hpe makawp maga nna shingbyi shangun nga ai lam myit hta hkam sha lu n ga, nye a gawng kya ai lam a majaw ngai kabu gumrawng n ma rai nga nngai.

EHPESU 6:10

Hpang jahtum dai Madu hte langai sha tai ai hku nna mung, shi a hpung shingkang hte mung, nanhte a n-gun lapyin shagreng da nga mu.

2 TIMOHTI 2:1

Ngai sha e, na a matu chyawm gaw anhte a Hkristu Yesu hta langai sha tai nna asak hkrung ai a marang e lu la ai chyeju hta n-gun lapyin rawng nga u.

YAWSHU 1:9

Ngai nang hpe hkang da sade ai hte maren, myit jahkut daw dan nna kam hpa nga na hpe adum nga u! Hkum hkrit et; myit hkum daw hkum hten et. Dai Madu na a Karai Kasang ngai gaw nang hkawm sa ai shara shagu hta nang hte rau rai nga nngai,” ngu nna tsun wu ai.

SHINGRAN 1:17

Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.

TARA AGYI 6:23

Rai ti mung dai Madu gaw shi hpe, “Ngwi pyaw sim sa nga lit ga, hkum hkrit et; nang si na ndai n rai,” ngu nna tsun wu ai.