Daniela 10:16 - Jinghpaw Common Language Bible 2009

¹⁶ Dai hpang masha zawn rai nga ai lamu kasa gaw shi a lata lalam dat nhtawm nye a nten hpe ahtawk ya nga ai. Shaloi ngai gaw shi hpe, “Madu e, ndai shingran gaw ngai hpe grai n-gun kya kau shangun nga ai rai nna hkrit gari nga ai hpe ngai n jahkring da lu nngai.

Jinghpaw Hanson Version Bible

¹⁶ Shaloi yu u, masha kasha nsan ai wa langai mi gaw nye a n-gup hpe ahtawk ya ai; shing rai ngai n-gup hpaw nna, “Nye a madu e, ndai shingran majaw, nye a ntsa e yawn hkyen ai du nna, ngai gawng kya nga nngai.

Daniela 10:16 ပူးပေါင်းရင်းမြစ်များ

PRU MAT 4:10

Rai ti mung Mawshe gaw, “Madu e, n rai law, ngai hpe hkum shangun e; ngai gaw galoi mung ga namsup rawng ai wa n rai nngai. Nang ngai hpe ga tsun hpang ai aten kaw nna pyi ngai tai la ai wa n rai nngai. Ngai gaw n-gup li nna ga shaga lanyan ai hte shinglet li ai wa rai nga nngai,” ngu nna tsun wu ai.

PRU MAT 4:13

Rai ti mung Mawshe mahtang, “Madu e, n rai na nngai, chyeju hte marai langai ngai hpe mahtang alak mi shangun u,” ngu nna htan wu ai.

HPAJI NINGLI 1:18

Nang hpaji grau chye magang, grau nna myit ru magang rai nga ai; nang grau nna chye na magang, dai gaw grau nna nni nkri hkrum magang rai nga ai.

ESAIA 6:7

Shi gaw dai grung nga ai wan n-ga hte nye a nten hpe ahtawk ya let, “Ndai hte na a nten hpe hkra ya sai, ya gaw na a mara mung n nga mat nit dai, na a yubak ni hpe raw dat kau ya sai,” ngu nna tsun ai.

YEREMIA 1:9

Dai hpang dai Madu gaw lata ladawn let nye a nten hpe ahtawk nna ngai hpe, “Madat u, ngai nang hpe jaw ya nga ai mungga hpe nang tsun lu na rai ndai.

EZEKELA 1:26

Dai lamu madin a ntsa e nila lung seng hte galaw da ai tingnyang zawn re ai lama mi mung naw nga nga ai; dai tingnyang a ntsa e masha zawn san ai wa langai mi dung nga ai.

EZEKELA 3:27

Dai hpang, ngai nang hpe ga tsun ai hte shaga lu na n-gun atsam bai jaw ai shaloi, Tsaw Htum ai Madu ngai hpa tsun nga ai lam, nang shanhte hpe tsun dan na rai ndai. Shanhte hta na nkau mi gaw madat ti mung nkau mi gaw hpa zawn n nawn ya na mara ai, hpa majaw nga yang, shanhte gaw gumlau ai amyu masha ni rai nga ma ai,” ngu nna tsun ni ai.

EZEKELA 33:22

Shi garai n du shang ai shawng shana de kaw nna daru magam n-gun rawng ai dai Madu a hpung shingkang hpe ngai hkrum hkra ni ai. Dai wa du wa ai hpang jahpawt hta, dai Madu gaw ngai hpe tsun shaga na n-gun atsam bai jaw ya nga sai.

Daniela 12:8

Shi tsun ai ga hpe ngai na nngai, rai ti mung dai hpe ngai chye na nngai n rai. Dai re ai majaw ngai gaw, “Rai ti mung, Madu e, dai lam yawng mayawng kaning rai htum mat na rai ta?,” ngu nna san we ai.

Daniela 4:19

Dai aten hta, Belteshaza mying ai Daniela gaw hpa mung n lu tsun mat hkra grai hkrit kajawng mat wu ai. Hkawhkam wa chyawm gaw shi hpe, “Belteshaza e, yup mang hte de a lachyum majaw nang hpe n kajawng shangun u ga,” ngu nna tsun wu ai. Belteshaza mung, “Madu hkawhkam e, yup mang hte de a lachyum htai ai gaw nang hpe n rai; na a gumlau hpyen ni hta mahtang ta tut du wa na, ngai ra sharawng nngai.

Daniela 7:15

Ngai mu ai shingran ni gaw ngai hpe kajawng shangun nga ai, ngai gaw dik hkra myit ung ang ai hkrum mat nngai.

Daniela 7:28

Da ndai gaw byin mabyin a hpang jahtum na lam rai nga ai. Ngai gaw grai hkrit kajawng mat ai hte myi man hten mat nngai; ngai gaw lam magup hte hpe nye a kraw e matsing da nngai.

Daniela 8:15

Ngai gaw dai shingran a lachyum hpa rai nga ai hpe chye na hkawn hkrang wa hkra shakut nga yang, marai langai mi nye a man e akajawng sha sa tsap nga ai.

Daniela 8:17

Gabriela gaw nye a makau e sa tsap nga ai rai nna, ngai grai hkrit gari mat ai hte ga de kadawng taw mat nngai. Shi gaw ngai hpe, “Si chye ai masha wa e, lachyum chye na u. Dai shingran gaw mungkan ga a jahtum aten hta byin wa na lam rai nga ai,” ngu nna tsun wu ai.

Daniela 8:18

Shi ga shaga nga yang, ngai gaw ga e kadawng taw mat nna, n dum mat nngai. Rai ti mung shi ngai hpe sa jum nna rawt tsap shangun let,

Daniela 8:27

Ngai gaw myit hten mat ai hte nhtoi law law machyi hkrum nga nngai. Dai hpang ngai bai rawt nna hkawhkam wa ngai hpe lit jaw ai amu de nhtang sa mat wa nngai; rai ti mung dai shingran a majaw ngai mau ung ang ai hte dai hpe n chye na lu nngai.

Daniela 9:21

Ngai akyu hpyi nga yang, shawng na shingran hta ngai mu yu sai Gabriela gaw ngai nga ai shara de pyen yu wa nga ai. Dai gaw shana de na shagu hkungga nawng ya ai aten hta rai nga ai.

LUKA 1:64

Dai hkring mi hta shi a n-gup hpaw ai hte shinglet yan nna ga bai lu shaga nu ai rai nna Karai Kasang hpe shakawn kungdawn nga ai.

LUKA 21:15

Hpa majaw nga yang, nanhte tsun ai ga hpe nanhte a hpyen ni n lu dangrang, n lu tsun ninghkap hkra kaning ngu tsun na ngu ai ga ni hte nyan hpaji ngai nanhte hpe jaw na made ai.

YAWHAN 20:28

Dai rai nna Htawma gaw, “Nye a Madu nye a Karai Kasang rai nga ndai,” ngu nna shi hpe htan wu ai.

YAWSHU 5:14

Dai wa gaw, “Gara wa mahtang mung n rai nngai. Dai Madu a hpyen luksuk up hkang ai dap up wa zawn ngai nang e nga nga nngai,” ngu nna htan wu ai. Yawshu mung ga de dingnyawm nawku let, “Madu e, ngai gaw na a shangun ma rai nga nngai. Nang ngai hpe hpa galaw shangun mayu n ta?,” ngu nna tsun wu ai.

SHINGRAN 1:13

dai ni a ka-ang e masha zawn san ai wa langai mi shi a lagaw lahkre du hkra re ai bu hpun palawng bu hpun nna shi a sinda hta ja shingkyit kyit nga ai hpe ngai mu nngai.

TARA AGYI 13:8

Dai hpang Mano gaw dai Madu hpang de, “Madu e, chyeju hte dai Karai Kasang a masha wa hpe an hpang de bai nhtang sa shangun nhtawm shi shangai wa jang dai ma hpe an kaning rai galaw na lam tsun dan mi,” ngu nna hpyi nem wu ai.

TARA AGYI 6:13

Gidon gaw shi hpe, “Madu e, dai Madu anhte hte rau rai yang, hpa majaw ndai lam ni yawng anhte hta byin hkrum a ta? Dai Madu gaw anhte hpe Egutu mung na woi wa sai n rai ni?, nga nna anhte a kawa ni anhte hpe tsun dan ai mauhpa amu yawng mayawng gaw hpa baw rai mat nga a ni? Dai Madu gaw anhte hpe kau da nhtawm Midian masha ni a lata hta kabai kau da mani ai,” ngu nna ngai san mai nga nngai ngu tsun wu ai.

TARA AGYI 6:15

Gidon gaw, “Rai ti mung Madu e, ngai gaw Israela masha ni hpe kaning rai hkye mawai la lu na rai nga a ta? Nye a amyu lakung lama gaw Manashe amyu bawsang ni hta n-gun kya htum ai she rai nga ai, nye a dinghku hta mung ngai gaw hpa n tai htum ai wa rai nga nngai,” ngu nna htan wu ai.