Daniela 10:1 - Jinghpaw Common Language Bible 2009

¹ Persi Hkawseng Kuru gaw hkaw dung ai masum ning hta Belteshaza mying ai Daniela kaw mungga langai dan pru nga ai. Dai mungga gaw teng man nga ai, rai ti mung chye na na matu nachying yak la nga ai. Dai hpe shingran langai mi hta shi hpe tsun shaleng da nga ai.

Jinghpaw Hanson Version Bible

¹ Ya Persi hkawhkam Kuru hkaw dung ai masum ning hta e, Belteshaza ngu ai Daniela gaw, shingran langai mi hkam la nga ai: dai shingran gaw teng nga nna, hpyen majan kaba hte seng nga ai: shi gaw dai lam hpe chye na nna, dai shingran a lachyum chye na wu ai.

Daniela 10:1 ပူးပေါင်းရင်းမြစ်များ

NINGPAWT NINGHPANG 41:32

Nang mu kahtap ai yup mang a lachyum gaw dai amu hpe Karai Kasang shagrin shangang nna dai hpe du na ra ai kade n na ai aten hta shi shabyin dat na ra ai lam rai nga ai.

2 HKAWHKAM LABAU 36:22

Persi Hkawseng Kuru hkaw dung ai shawng shaning hta myihtoi Yeremia a ga hku tsun nu ai Madu a ga gaw dik wa nga sai. Dai rai nna shi gaw ndai hkang da ai ga hpe ka shapraw nna shi up ai mungdan shara shagu hkan ja ja hti ndau na matu Kuru hpe shadut galaw shangun wu ai. Dai aming gaw ndai hku rai nga ai:

EZRA 3:7

Amyu masha ni gaw wut gaw ai ni hte lasama ni hpe gumhpraw jaw ma ai; Lebanon bum na arit hpun ni shaw ya nna panglai hkin-gau e nga ai Yopa mare de la yu wa ya ai Turu hte Sidon mare masha ni hpang de malu masha, lu hka ntsin hte tsanlun sau ni hpe shagun jaw ma ai. Ndai amu mahkra hpe Persi Hkawseng Turu a ahkang hte maren hkan galaw ma ai.

EZRA 4:3

Zerubabela, Yawshu hte amyu lakung ni a ningbaw ni chyawm gaw shanhte hpe, “Anhte gaw dai Madu anhte a Karai Kasang a matu Nawku Htingnu gaw gap ai amu hta nanhte a karum la lam n ra nga ga ai. Persi Hkawseng Kuru anhte hpe hkang da mi ai hte maren, anhte hkum nan dai hpe gap na ga ai,” ngu nna tsun mu ai.

EZRA 4:5

Shanhte gaw dai amu hpe n galaw lu hkra, Persi asuya du salang ni hpe mayun kumhpa jaw ma ai. Dai hpe Hkawseng Kuru a prat kaw nna Dari hkaw dung ai prat dingyang hpaji daw nna gunjang ma ai.

EZRA 6:14

Yuda ningbaw ni mung myihtoi Hagi hte Zehkaria yan n-gun jaw ya ma ai majaw dai Nawku Htingnu hpe kaja rawt jat galu kaba ai hku galaw da nga ma ai. Shanhte gaw dai Nawku Htingnu hpe Israela Karai Kasang hkang da ai ga hte mung, Persi Hkawseng Kuru, Dari hte Artazazi ni hkang dat ai hte mung galaw shangut da lu manu ai.

EZRA 6:3

“Hkawseng Kuru hkaw dung hpang ai shaning hta, shagu hkungga hte wan nat hkungga ni hpe nat nawng ai shara hta Yerusalem Nawku Htingnu bai gaw gap na matu hkang dat wu ai. Dai Nawku Htingnu gaw tsaw de pe jahku shi, nda de pe jahku shi rai na rai nga ai.

ESAIA 44:28

Ngai gaw Kuru hkawhkam wa hpe, ‘Nang gaw nye a matu up hkang ai wa tai na rin dai; ngai nang hpe galaw shangun mayu ai amu hpe nang galaw na rai ndai: Yerusalem gaw bai de da na lam mung, Nawku Htingnu a npawt nhpang ni hpe jahkrat tawn na lam hpe mung, nang tara shapraw na rai ndai,’” ngu nna tsun ai.

Daniela 1:17

Karai Kasang gaw ndai shabrang mali hte hpe laili laika hta chye chyang kung kyang ai nyan hpaji hte sumru hpaji jaw ya wu ai. Dai sha n-ga, shi gaw Daniela hpe yup mang shingran amyu myu chye htai lu ai kung kyang ai nyan mung jaw ya wu ai.

Daniela 1:21

Persi hkawseng Kuru gaw Babelon mung hpe gasat dang la ai aten du hkra Daniela gaw hkawhkam wang e nga nga ai.

Daniela 1:7

Du salang hpa-awn wa mung shanhte hpe Belteshaza, Shadrak, Meshak hte Abednego ngu nna mying nnan jaw wu ai.

Daniela 10:14

Na a amyu masha ni du na ra ai aten hta hpa byin wa na mara ai lam nang hpe chye na shangun na matu ngai sa du nngai. Da ndai gaw du wa na aten hte seng ai shingran langai rai nga ai,” ngu nna tsun wu ai.

Daniela 11:2

Ya nang hpe ngai tsun dan na lam gaw teng man nga ai,” ngu nna tsun wu ai. Lamu kasa gaw, “Persi mung hta e hkawhkam masum naw up na mara ai; mali ngu na gaw kaga ni yawng hta grau nna sut su na ra ai. Shi a daru magam n-gun hte sut gan tsaw lung wa ai aten hta, shi gaw Grik mungdan hpe dakat na ra ai.

Daniela 12:4

Shi gaw ngai hpe, “Daniela e, ya chyawm gaw mungkan ga htum mat ai aten du hkra, dai laika hpe la kau nna, de a ntsa e dazik dawk da u. Dai aten laman hpa byin nga ai lam chye na hkawn hkrang wa lu hkra nga, masha law law gaw shanhte shakut shaja ai amu hta aten shama kau na mara ai,” ngu nna tsun wu ai.

Daniela 12:9

Shi gaw, “Daniela e, nang ya jang sa wa lu na rai ndai. Ndai ga ni hpe ip da ra nga ai majaw hpang jahtum ai aten du hkra makoi da ra nga ai.

Daniela 2:21

Shi gaw aten ahkying hte ladaw ni hpe hkang nga ai; shi gaw hkawhkam ni hpe hkaw dung shangun nna bai shayu kau nga ai; shi gaw hpaji byeng-ya hte chye na hkawn hkrang ai nyan jaw ya nga ai.

Daniela 4:8

Dai hpang Daniela du shang wa ai. (Shi gaw nye a karai a mying hkan nna Belteshaza ngu shaga hkrum nga ai.) Chyoi pra ai karai ni a wenyi gaw shi hta nga nga ai, dai rai nna ngai mu ai yup mang shi hpe tsun dan we ai. Ngai shi hpe ning ngu tsun nngai:

Daniela 5:12

Shi gaw laklai ai atsam marai hte hpaji rawng ai wa rai nna, yup mang lachyum htai ya ai lam hta kung kyang ai, gumwai ga ni hpe chye hpyan ai hte makoi magap da ai amu ni hpe lachyum chye shapraw nga ai majaw Belteshaza ngu nna hkawhkam wa shamying ya ai dai Daniela gaw ndai lachyum yawng mayawng nang hpe tsun dan na ra ai,” ngu nna tsun wu ai.

Daniela 5:17

Daniela gaw, “Na a kumhpa ni gaw na a matu she rai nga u ga; shing n rai marai langai ngai hpe jaw u. Dai ka da sai laika ga gaw nang madu hkawhkam wa a matu ngai hti nna, de a lachyum tsun dan na de ai.

Daniela 6:28

Daniela gaw Dari hkaw dung ai laman hte Persi masha Kuru hkaw dung ai prat e mung galu kaba ngamu ngamai nga ai.

Daniela 8:16

Ngai gaw Ulai hka nu ntsa kaw nna ning ngu jahtau ai nsen hpe na nngai: “Gabriela e, shi mu nu ai shingran a lachyum shi hpe sanglang dan u.”

Daniela 8:26

Nang hpe tsun shaleng sai jahpawt shana na shagu hkungga ni hte seng ai ndai shingran ga mung teng teng byin wa na ra ai. Rai ti mung, dai lam teng sha garai n byin wa ai hte yang, aten na na naw rai nga ai majaw dai hpe ya naw ip da u.”

LUKA 1:20

Yu u, dai ahkying du yang dik wa na ra ai nye a ga sadi hpe nang n kam ndai majaw, dai amu byin ai du hkra, ga n tsun lu ai ma-a na rin dai,” ngu nna shi hpe tsun wu ai.

SHINGRAN 19:9

Dai hpang lamu kasa gaw, “Dai Sagu Kasha a hkungran poi de shaga da hkrum ai ni gaw a lu ma ai, ngu nna ka da u,” nga nna mung, “Ndai ga gaw Karai Kasang a teng man ai mungga ni rai nga ai,” nga nna mung ngai hpe tsun ai.