Daniela 1:8 - Jinghpaw Common Language Bible 2009

⁸ Daniela gaw hkawhkam wang na lusha sha ai hte sabyi ntsin lu ai hku nna shi a hkum hpe htung hte maren n san n seng n tai hkrup na matu myit daw dan da nga ai, dai rai nna shi gaw Ashpena hpe karum hpyi ai hte,

Jinghpaw Hanson Version Bible

⁸ Daniela chyawm gaw, hkawhkam wa karan jaw ai shat hte, shi lu ai tsabyi jahku hpe n lu n sha ai sha, awu asin hpe koi gam na nga, myit jahkut da wu ai: dai rai nna, awu asin n hkrum u ga, shi gaw unuk ni a agyi wa hpe hpyi wu ai.

Daniela 1:8 ပူးပေါင်းရင်းမြစ်များ

1 HKAWHKAM 5:5

Dai Madu gaw nye a kawa Dawi hpe, “Na a hpang ngai hkawhkam dang da na nsha mahtang nye a matu ngu na Nawku Htingnu langai gap da na ra ai,’ ngu nna ga sadi jaw da nga ai. Dai rai nna dai Madu nye a Karai Kasang hpe nawku na matu Htingnu gaw gap na, ya ngai myit daw dan da ni ai.

SHAKAWN KUNGDAWN 106:28

Dai hpang, Karai Kasang a masha ni Bala hpara hpe Peura shara hta nawku daw jau nga ma ai; hpara chyasi ni hpe nawng jau ai hkungga shan ni hpe mung sha nga ma ai.

SHAKAWN KUNGDAWN 119:106

Na a ding man ai ga matsun ni hpe madat mara hkan sa na matu, ngai dagam da ai ga sadi hte maren ngai hkan galaw shadik shatup nga na nngai.

SHAKAWN KUNGDAWN 119:115

Yubak kap ai masha ni e, ngai kaw nna pru mat wa mu, nye a Karai Kasang a hkang da ai ga ni hpe ngai madat mara nga na nngai.

SHAKAWN KUNGDAWN 141:4

Shut hpyit amu galaw mayu ai kaw na mung, n hkru ai masha ni a tara n lang ai amu hta shang lawm nga ai kaw nna mung, ngai hpe shatsan shagang kau ya e. Shanhte a lusha poi ni hta ngai galoi mung n shang lawm nga u ga.

GA SHAGAWP 23:3

Shi daw jau ai dwi sau mu mai ai lusha hpe hkum marin nga et, shi gaw nang hpe zai hku nna maw mawn nga nhten!

Daniela 1:5

Hkawhkam wa mung hkawhkam wang na masha ni sha ai lusha hte sabyi ntsin hte maren, shanhte hpe shani shagu jaw sha na hkang da wu ai. Dai zawn bau maka la ai masum ning na jang, shanhte gaw hkawhkam wa a man de dan pru na rai ma ai.

Daniela 5:4

aja, gumhpraw, magri mang, hpri, hpun hte nlung ni hte galaw ai karai ni hpe shakawn kungdawn nga ma ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

KASA 15:20

Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

1 KORINHTU 7:37

Rai ti mung, lasha gaw tinang dai num n la ai nga na matu myit daw dan nna, tinang a myit hpe mung tsep kawp hkang kau lu nna numsha hte n hkungran ai sha nga yang gaw, kaja ai hku galaw nu ai.

2 KORINHTU 9:7

Lahpawt ai myit hte mung n rai, jaw ra ai lit a majaw sha mung n re ai sha, langai hte langai gaw tinang a kraw lawang e myit da ai hte maren jaw u ga; hpa majaw nga yang, Karai Kasang gaw kabu gara ai myit hte jaw ya ai wa hpe tsaw ra nga ai.

TARA JAHPRANG 32:38

Nanhte dai ni hpe nawng jau ai shagu hkungga hta na sau man hte shanhte hpe jaw sha nna, lu na sabyi ntsin shanhte hpe nawng ya manit dai. Ya chyawm gaw shanhte nanhte hpe sa karum manu ga; shanhte gaw nanhte a shingbyi shara de kagat sa nna hkye la manu ga.