Daniela 1:7 - Jinghpaw Common Language Bible 2009

⁷ Du salang hpa-awn wa mung shanhte hpe Belteshaza, Shadrak, Meshak hte Abednego ngu nna mying nnan jaw wu ai.

Jinghpaw Hanson Version Bible

⁷ Unuk ni a agyi wa gaw shanhte a amying lai nna, Daniela hpe Belteshaza, Hanania hpe Shadrak, Mishaela hpe Meshak, Azaria hpe Abed-nego, ngu nna shamying mu ai.

Daniela 1:7 ပူးပေါင်းရင်းမြစ်များ

NINGPAWT NINGHPANG 41:45

Shi gaw Yosep hpe Egutu amyu mying rai nga ai Zahpenat Hpanea ngu nna shamying wu ai; bai shi hpe Heliopoli mare na hkinjawng Hputihpera a shayi sha Asenat hpe mung shi a matu la ya mu ai. Egutu hkawhkam hpe daw jau hpang wa ai aten hta Yosep a asak gaw sumshi ning rai nga salu ai. Shi gaw hkawhkam wang kaw nna pru mat wa nhtawm Egutu mung ting de gawan hkawm wu ai.

2 HKAWHKAM 23:34

Egutu Hkawhkam Niko gaw Yoshia a kasha Eliakim hpe kawa a malai Yuda hkawhkam shatai nna shi a mying hpe Yehoiakim ngu nna galai shamying da wu ai. Egutu Hkawhkam Niko gaw Yoahaza hpe Egutu mung de woi wa nna, dai mung e shi wa si mat wu ai.

2 HKAWHKAM 24:17

Nebuhkadneza gaw Yehoiahkin a kawa toi Matania hpe Yuda hkawhkam shatai la nhtawm shi a amying hpe Zedekia ngu nna galai shamying da ya wu ai.

Daniela 1:19

Hkawhkam wa shanhte yawng hte ga shaga yu wu yang, Daniela, Hanania, Mishaela hte Azria hte gaw kaga ni hta jan nna shi hpe myit shang sha shangun nga ma ai. Dai rai nna, shanhte gaw hkawhkam wang na masha ni tai wa masai.

Daniela 1:3

Hkawhkam wa gaw shi a du salang rai nga ai Ashpena hpe bawng dung hkrum nga ai Israela ni hta na hkawhkam dinghku masha ni hte arawng lu ai du magam ni kaw na shabrang nkau mi hpe lata shaw la na matu hkang dat wu ai.

Daniela 10:1

Persi Hkawseng Kuru gaw hkaw dung ai masum ning hta Belteshaza mying ai Daniela kaw mungga langai dan pru nga ai. Dai mungga gaw teng man nga ai, rai ti mung chye na na matu nachying yak la nga ai. Dai hpe shingran langai mi hta shi hpe tsun shaleng da nga ai.

Daniela 2:26

Hkawhkam wa gaw Daniela (Belteshaza mying ai) hpe, “Ngai mu ai yup mang hte de a lachyum hpe nang tsun dan lu na n ni?,” ngu nna tsun wu ai.

Daniela 2:49

Daniela hpyi shawn ai hte maren, hkawhkam wa gaw Babelon mungdaw a amu ni hpe woi hpareng na matu Shadrak, Meshak, Abednego hte hpe san da ya wu ai. Daniela chyawm gaw hkawhkam wang hta anga nga ai.

Daniela 4:5

Rai ti mung ngai yup nga yang, hkrit kajawng shangun ai yup mang hte hkrit kahpra shangun ai shingran ni hpe mu nngai.

Daniela 4:8

Dai hpang Daniela du shang wa ai. (Shi gaw nye a karai a mying hkan nna Belteshaza ngu shaga hkrum nga ai.) Chyoi pra ai karai ni a wenyi gaw shi hta nga nga ai, dai rai nna ngai mu ai yup mang shi hpe tsun dan we ai. Ngai shi hpe ning ngu tsun nngai:

Daniela 5:12

Shi gaw laklai ai atsam marai hte hpaji rawng ai wa rai nna, yup mang lachyum htai ya ai lam hta kung kyang ai, gumwai ga ni hpe chye hpyan ai hte makoi magap da ai amu ni hpe lachyum chye shapraw nga ai majaw Belteshaza ngu nna hkawhkam wa shamying ya ai dai Daniela gaw ndai lachyum yawng mayawng nang hpe tsun dan na ra ai,” ngu nna tsun wu ai.