Daniela 1:5 - Jinghpaw Common Language Bible 2009

⁵ Hkawhkam wa mung hkawhkam wang na masha ni sha ai lusha hte sabyi ntsin hte maren, shanhte hpe shani shagu jaw sha na hkang da wu ai. Dai zawn bau maka la ai masum ning na jang, shanhte gaw hkawhkam wa a man de dan pru na rai ma ai.

Jinghpaw Hanson Version Bible

⁵ Dai hta kaga hkawhkam wa gaw, shi a sha ku na shat hte, shi lu ai tsabyi jahku hta na, shani shagu shanhte hpe karan jaw nna, masum ning tup bau nhtawm, hkawhkam wa man e shang lu na lam, hkang da wu ai.

Daniela 1:5 ပူးပေါင်းရင်းမြစ်များ

1 HKAWHKAM 10:8

Na a madu jan ni gaw gade sha gam kaja nga ma hka! Na a man e tut nawng nga nga ai na a shangun ma ni hte na a hpaji ga ni hpe na la lu na ahkaw ahkang lu la ai ni gaw gade sha gam kaja nga ma hka!

2 HKAWHKAM 25:30

Shi hkrung nga dingsa ra mara a matu shani shagu na jarit gumhpraw jaw ya ai mung hkrum wu ai.

2 HKAWHKAM LABAU 9:7

Na a man e nang hpe tut nawng daw jau nga ai masha ni hte na a hpaji ga ni hpe na la lu na ahkaw ahkang lu la ai ni gaw kade sha gam kaja nga ma hka!

GA SHAGAWP 23:3

Shi daw jau ai dwi sau mu mai ai lusha hpe hkum marin nga et, shi gaw nang hpe zai hku nna maw mawn nga nhten!

YEREMIA 15:19

Dai lam a majaw dai Madu gaw, “Nang nhtang wa ai rai yang, ngai nang hpe woi nhtang wa na nngai, nang gaw nye a shangun ma bai tai lu na rai ndai. Lachyum n pru ai ga laban shaga na malai, manu dan ai mungga hpe nang hkaw tsun ai rai yang, nang gaw nye a myihtoi bai tai lu na rai ndai. Amyu masha ni mung nang kaw nhtang wa na mara ai, nang gaw shanhte kaw sa ra na ndai n rai.

Daniela 1:19

Hkawhkam wa shanhte yawng hte ga shaga yu wu yang, Daniela, Hanania, Mishaela hte Azria hte gaw kaga ni hta jan nna shi hpe myit shang sha shangun nga ma ai. Dai rai nna, shanhte gaw hkawhkam wang na masha ni tai wa masai.

Daniela 1:8

Daniela gaw hkawhkam wang na lusha sha ai hte sabyi ntsin lu ai hku nna shi a hkum hpe htung hte maren n san n seng n tai hkrup na matu myit daw dan da nga ai, dai rai nna shi gaw Ashpena hpe karum hpyi ai hte,

MAHTE 6:11

Anhte hta ra ai lusha, dai ni anhte hpe jaw mi;

LUKA 1:19

Lamu kasa gaw, “Ngai gaw Karai Kasang a man e tsap nga ai Gabriela rai nga nngai; nang hpe tsun dan u nga nna, ndai Kabu Gara Shiga tsun shana ya na ngai hpe shangun dat ni ai.

LUKA 11:3

Anhte hta ra ai lusha, shani shagu anhte hpe jaw mi.

LUKA 21:36

Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

1 SAMUELA 16:22

Dai hpang, Shawlu gaw Yese hpang de shiga shana dat wu ai: “Ngai Dawi hpe yu ra se ai majaw, nye a amu gun hpai na matu, ndai yang e nga nga nu ga.”