Daniela 1:20 - Jinghpaw Common Language Bible 2009

²⁰ Ndai marai mali gaw hkawhkam wa san ai kaning re ai ga san hpe mung, manghkang hpe mung shi a mungdan ting hta nga ai lakle sara ni hte mandan bau ai kadai hta mung htam shi grau nna chye nga ai.

Jinghpaw Hanson Version Bible

²⁰ Hkawhkam wa san yu ai hpaji byeng-ya hte, chye chyang ai lam mahkra hpe, dai shabrang ni gaw, mungdan ting a lakle sara ni hte, htamshi grau nna chye ma ai.

Daniela 1:20 ပူးပေါင်းရင်းမြစ်များ

NINGPAWT NINGHPANG 31:7

Ti mung, shi mahtang ngai hpe maw sha nna nye a shabrai hpe shi lang galai kau ya ni ai. Rai ti mung ngai hpe jasum machyi shangun na Karai Kasang n hkraw nga ai.

NINGPAWT NINGHPANG 41:8

Jahpawt rai jang, shi myit ru nga ai rai nna, Egutu mung na mandan lakle chye ai sara ni hte hpaji byeng-ya chye ai ni yawng hpe shi shaga la nhtawm shi a yup mang hpe hkai dan wu ai. Rai ti mung, shi mu ai yup mang htai ya lu ai masha mi n nga nga ai.

NEHEMIA 4:12

Rai ti mung anhte a gumlau hpyen ni a lapran hkan nga nga ai Yuda masha ni gaw aten mi hte aten mi anhte a gumlau hpyen ni anhte hpe ninghkap maw mawn na lam sadi sa jaw shajang ma ai.

YOBA 19:3

Nanhte gaw ngai hpe aten mi hte aten mi n kaw n law di myit dai; nanhte gaw ngai hpe matsa ai hte kaya agam ai lam hpa mung n madun nga myit dai.

SHAKAWN KUNGDAWN 119:99

Ngai gaw na a ga matsun ni hpe myit aru yu nga nngai majaw; ngai hpe sharin ya ai sara ni yawng hta grau nna ngai chye chyap nga nngai.

PRU MAT 7:22

Dai hpang hkawhkam wa a mandan lakle sara ni mung shanhte a lakle hpaji hte dai hte maren galaw ma ai. Dai Madu tsun ai hte maren hkawhkam wa mahtang shawoi na zawn myit ja nga lu ai rai nna Mawshe yan Arun a ga hpe n madat ya wu ai.

PRU MAT 8:19

Mandan lakle sara ni mahtang hkawhkam wa hpe Karai Kasang gaw ndai amu hpe galaw nu hka!,” ngu nna tsun ma ai. Rai ti mung dai Madu tsun nu ai hte maren, hkawhkam wa masin bai ja wa nna, Mawshe yan Arun a ga bai n madat ya wu ai.

PRU MAT 8:7

Rai ti mung mandan lakle sara ni shanhte a lakle hpaji lang nna mung Egutu mung hta shu shalun la ma ai.

ESAIA 19:3

Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.

EZEKELA 28:3

Nang gaw Danela (Daniela) hta grau nna hpaji chye nga ai, na a man e hpa mung makoi magap da lu ai n rai, nga nna nang myit nawn la nga ndai.

Daniela 1:17

Karai Kasang gaw ndai shabrang mali hte hpe laili laika hta chye chyang kung kyang ai nyan hpaji hte sumru hpaji jaw ya wu ai. Dai sha n-ga, shi gaw Daniela hpe yup mang shingran amyu myu chye htai lu ai kung kyang ai nyan mung jaw ya wu ai.

Daniela 2:13

Dai rai nna shanhte yawng sha n-ga, Daniela hte shi a manang ni lawm hkra sat kau na aming pru nga ai.

Daniela 2:21

Shi gaw aten ahkying hte ladaw ni hpe hkang nga ai; shi gaw hkawhkam ni hpe hkaw dung shangun nna bai shayu kau nga ai; shi gaw hpaji byeng-ya hte chye na hkawn hkrang ai nyan jaw ya nga ai.

Daniela 5:17

Daniela gaw, “Na a kumhpa ni gaw na a matu she rai nga u ga; shing n rai marai langai ngai hpe jaw u. Dai ka da sai laika ga gaw nang madu hkawhkam wa a matu ngai hti nna, de a lachyum tsun dan na de ai.

BU HKAWM 14:22

ndai amyu masha ni kadai mung dai mung de shang lu na ma ai n rai, ngu nna ngai ga sadi tawn da nngai. Shanhte mahtang Egutu mung hte nam mali hkan ngai galaw dan sai mauhpa lamik kumla ni hte htoi tu ai nye a hpung shingkang hpe mu lu ma ti mung, nye a galu kaba ai myit hpe shanhte lang hte lang chyam dinglik yu nna nye a ga hpe n madat ya ma ai.