Daniela 1:19 - Jinghpaw Common Language Bible 2009

¹⁹ Hkawhkam wa shanhte yawng hte ga shaga yu wu yang, Daniela, Hanania, Mishaela hte Azria hte gaw kaga ni hta jan nna shi hpe myit shang sha shangun nga ma ai. Dai rai nna, shanhte gaw hkawhkam wang na masha ni tai wa masai.

Jinghpaw Hanson Version Bible

¹⁹ hkawhkam wa gaw shanhte hte tsun chyai nga ai; nlang hte hta, Daniela, Hanania, Mishaela, Azaria hte bung ai wa langai mi n nga ai: dai re ai majaw shanhte gaw hkawhkam wa man e tsap nga lu ma ai.

Daniela 1:19 ပူးပေါင်းရင်းမြစ်များ

1 HKAWHKAM 17:1

Gilead mung Tishbi mare kaw na Elia mying ai myihtoi langai mi gaw Hkawhkam Ahab hpe, “Dai Madu a mying ningsang hta mung, ngai daw jau nga ai dai ahkrung nga ai Israela a Karai Kasang hta mung ngai bai tsun ai aten du hkra, ndai lahkawng masum ning laman numri mung n hkrat, marang mung n htu na ra ai gaw ngai nang hpe tsun nga nngai,” ngu nna tsun wu ai.

GA SHAGAWP 22:29

Bungli galaw kangka ai masha ngai hpe madun dan e; shaloi, hkawhkam ni a manang tai ging ai hte kaga ni law law hta kaja htum ai wa hpe nang hpe madun na nngai.

YEREMIA 15:19

Dai lam a majaw dai Madu gaw, “Nang nhtang wa ai rai yang, ngai nang hpe woi nhtang wa na nngai, nang gaw nye a shangun ma bai tai lu na rai ndai. Lachyum n pru ai ga laban shaga na malai, manu dan ai mungga hpe nang hkaw tsun ai rai yang, nang gaw nye a myihtoi bai tai lu na rai ndai. Amyu masha ni mung nang kaw nhtang wa na mara ai, nang gaw shanhte kaw sa ra na ndai n rai.

Daniela 1:18

Masum ning a jahtum aten du jang, Ashpena gaw shabrang ni yawng hpe Nebuhkadneza hpang de woi sa wu ai.

Daniela 1:4

Shanhte gaw ahpraw tsawm ai hte hpaji byeng-ya chye chyang nna atsawm sha kung kyang ai hte chye chyang maka kumla pru nhtawm hkum hkrang ra rawng ai lam hpa mung n nga ai ni rai ma ai. Shanhte gaw hkawhkam wang hta daw jau na matu atsam marai rawng ai ni rai ma ai. Ashpena mung shanhte hpe Babelon ga chye hti, chye ka wa lu hkra sharin ya nga ai.

Daniela 1:5

Hkawhkam wa mung hkawhkam wang na masha ni sha ai lusha hte sabyi ntsin hte maren, shanhte hpe shani shagu jaw sha na hkang da wu ai. Dai zawn bau maka la ai masum ning na jang, shanhte gaw hkawhkam wa a man de dan pru na rai ma ai.

Daniela 1:6

Dai ni hta na lata la hkrum ai ni gaw Daniela, Hanania, Mishaela hte Azaria hte rai ma ai. Dai ni yawng gaw Yuda amyu bawsang kaw na hkrai rai ma ai.

Daniela 1:7

Du salang hpa-awn wa mung shanhte hpe Belteshaza, Shadrak, Meshak hte Abednego ngu nna mying nnan jaw wu ai.

Daniela 2:13

Dai rai nna shanhte yawng sha n-ga, Daniela hte shi a manang ni lawm hkra sat kau na aming pru nga ai.

Daniela 3:29

“Ya chyawm gaw amyu baw shagu, amyu bawsang shagu hte ga amyu myu tsun ai amyu ni hta kadai rai ti mung Shadrak, Meshak hte Abednego ni a Karai Kasang hpe n gawn n sawn di ai rai yang, shi gaw kahtum kadaw di kau ai hkrum nna shi a nta mung run sumpum kau ai hkrum lu na rai nga ai. Ndai zawn hkye mawai la lu ai karai shaje kanang e mung nga nga ai n rai,” ngu nna hkang dat wu ai.