Daniela 1:17 - Jinghpaw Common Language Bible 2009

¹⁷ Karai Kasang gaw ndai shabrang mali hte hpe laili laika hta chye chyang kung kyang ai nyan hpaji hte sumru hpaji jaw ya wu ai. Dai sha n-ga, shi gaw Daniela hpe yup mang shingran amyu myu chye htai lu ai kung kyang ai nyan mung jaw ya wu ai.

Jinghpaw Hanson Version Bible

¹⁷ Ya Karai Kasang gaw dai shabrang mali hpe, laika chye ai hte hpaji byeng-ya amyu myu hta nyan rawng nna, chye chyang ai myit, jaw manu ai: Daniela mung, shingran hte yup mang amyu myu chye htai ai nyan hpring nga ai.

Daniela 1:17 ပူးပေါင်းရင်းမြစ်များ

1 HKAWHKAM 3:12

nang hpyi ai hte maren, ngai galaw ya na we ai. Shawng de mung n nga yu, htawm hpang de mung n nga yu na sai, masha kadai hta mung grau ai hpaji byeng-ya hte chye na hkawn hkrang ai hpaji ngai nang hpe jaw na de ai.

1 HKAWHKAM 3:28

Shawlumon a daw dan hparan ai hpe Israela masha ni na ma yang, Karai Kasang shi hpe jaw ya ai hpaji byeng-ya hta amu rawng ai lam hpe rap ra ai hku daw dan hparan ya nga ai hpe shanhte chye mu ai majaw shanhte yawng shi hpe grai hkrit hkungga nga ma ai.

2 HKAWHKAM LABAU 1:10

ngai shanhte hpe up hkang ra nga nngai majaw hpaji byeng-ya hte chye chyang ai nyan hpaji ngai hpe jaw e law. Shing n rai yang, ndai na a galu kaba ai amyu masha ni hpe ngai kaning rai up hkang lu na rai ta?,” ngu nna htan wu ai.

2 HKAWHKAM LABAU 1:12

Ngai gaw hpaji byeng-ya hte chye chyang ai nyan hpaji nang hpe jaw na we ai; dai sha n-ga, na a shawng na hte hpang na hkawhkam ni kadai mung n hkam la yu ai sut gan, manu dan ai sut arung arai, mying dan hkung ai lam ngai nang hpe grau jaw ya na de ai,” ngu nna tsun htang wu ai.

2 HKAWHKAM LABAU 26:5

Nawku htung hte seng nna shi hpe hpaji jaw ai Zehkaria ahkrung nga dingsa dai Madu hpe sadi sahka hte daw jau wu ai rai nna Karai Kasang shi hpe shaman ya wu ai.

YOBA 32:8

Rai ti mung Chyahtum Chyalai N-gun Rawng Ai Karai Kasang a wenyi gaw shanhte kaw du nna hpaji byeng-ya jaw ya wu ai.

GA SHAGAWP 2:6

Dai gaw hpaji byeng-ya hpe jaw ya ai Madu rai nga nna, machye machyang hpaji hte chye na hkawn hkrang ai nyan shi kaw na lu la nga ai.

HPAJI NINGLI 2:26

Karai Kasang gaw shi awng sharawng ai ni hpe hpaji byeng-ya, machye machyang hte kabu gara ai lam jaw nga ai, rai ti mung shi gaw mara kap ai ni hpe amu galaw shangun ai, asak kan bau shangun ai hte mahkawng da shangun nga ai, shaloi shanhte lu ai arai gaw shi awng sharawng ai ni a lata de jaw ya lu nga ai. Dai yawng mayawng mung kaman lila rai nga ai. Dai gaw nbung hpe shachyut nga ai zawn rai nga ai.

ESAIA 28:26

Karai Kasang gaw shanhte hpe sharin ya nu ai majaw shanhte a amu hpe gara hku galaw na lam shanhte chye ma ai.

EZEKELA 28:3

Nang gaw Danela (Daniela) hta grau nna hpaji chye nga ai, na a man e hpa mung makoi magap da lu ai n rai, nga nna nang myit nawn la nga ndai.

Daniela 1:18

Masum ning a jahtum aten du jang, Ashpena gaw shabrang ni yawng hpe Nebuhkadneza hpang de woi sa wu ai.

Daniela 1:20

Ndai marai mali gaw hkawhkam wa san ai kaning re ai ga san hpe mung, manghkang hpe mung shi a mungdan ting hta nga ai lakle sara ni hte mandan bau ai kadai hta mung htam shi grau nna chye nga ai.

Daniela 1:4

Shanhte gaw ahpraw tsawm ai hte hpaji byeng-ya chye chyang nna atsawm sha kung kyang ai hte chye chyang maka kumla pru nhtawm hkum hkrang ra rawng ai lam hpa mung n nga ai ni rai ma ai. Shanhte gaw hkawhkam wang hta daw jau na matu atsam marai rawng ai ni rai ma ai. Ashpena mung shanhte hpe Babelon ga chye hti, chye ka wa lu hkra sharin ya nga ai.

Daniela 10:1

Persi Hkawseng Kuru gaw hkaw dung ai masum ning hta Belteshaza mying ai Daniela kaw mungga langai dan pru nga ai. Dai mungga gaw teng man nga ai, rai ti mung chye na na matu nachying yak la nga ai. Dai hpe shingran langai mi hta shi hpe tsun shaleng da nga ai.

Daniela 2:19

Dai hpang dai shana jang, makoi magap ai yup mang gaw Daniela a shingran hta shapraw shadan dan nga ai; shi gaw sumsing lamu a Karai Kasang hpe shakawn kungdawn wu ai:

Daniela 2:21

Shi gaw aten ahkying hte ladaw ni hpe hkang nga ai; shi gaw hkawhkam ni hpe hkaw dung shangun nna bai shayu kau nga ai; shi gaw hpaji byeng-ya hte chye na hkawn hkrang ai nyan jaw ya nga ai.

Daniela 2:23

Nye a kaji kawa ni a Karai Kasang e, ngai nang hpe shakawn kungdawn ai hte shagrau sha-a nngai. Nang gaw ngai hpe hpaji byeng-ya hte n-gun jaw ya nga nit dai; nang gaw nye a akyu hpyi ga hpe htan ya nga nit dai hte hkawhkam wa hpe kaning ngu tsun na mung anhte hpe madun dan nga nit dai.”

Daniela 2:30

Ya chyawm gaw, ndai makoi magap ai lam ngai hpe madun dan nga sai, ngai gaw kaga masha hta grau hpaji chye ai majaw n rai, rai ti mung madu hkawhkam na a yup mang a lachyum ni hpe chye la lu nna nang kaw rawng ai myit mang lam ni hpe chye na lu na rai ndai.

Daniela 4:6

Dai yup mang a lachyum hpa rai nga ai lam ngai hpe tsun dan lu na matu Babelon mung na hpaji jaw masha mahkra hte hpe ngai hpang de woi jashawn sa wa na, ngai hkang dat we ai.

Daniela 5:14

Nang hta chyoi pra ai karai ni a wenyi rawng nna chye chyang ai nyan hte hpaji byeng-ya kung kyang nga ndai hpe ngai na se ai.

Daniela 7:1

Babelon hkawhkam Belshaza hkaw dung ai shawng shaning hta, ngai gaw yup mang hte shingran hpe shana e mu nngai. Ngai gaw yup mang ka matsing da nngai, ndai gaw

Daniela 8:1

Belshaza hkaw dung ai masum ning hta, ngai gaw lahkawng ngu na shingran mu nngai.

BU HKAWM 12:6

dai Madu gaw, “Ya chyawm gaw ngai tsun na ga na la mu! Nanhte hta myihtoi nga ai rai yang ngai hkum nan shanhte hpe shingran hta shadan dan nna yup mang ni hta tsun dan na nngai.

LUKA 21:15

Hpa majaw nga yang, nanhte tsun ai ga hpe nanhte a hpyen ni n lu dangrang, n lu tsun ninghkap hkra kaning ngu tsun na ngu ai ga ni hte nyan hpaji ngai nanhte hpe jaw na made ai.

KASA 6:10

Rai ti mung Stehpan gaw dai Wenyi e jaw ya ai nyan hpaji hte tsun shaga ai majaw shanhte shi hpe n dang lu mu ai.

KASA 7:10

ru yak tsin-yam tsindam yawng na shi hpe shaw la wu ai. Karai Kasang gaw Yosep hpe Egutu Hkawhkam a man e dan pru shangun nna, man pa ai arawn asam hte hpaji byeng-ya jaw wu ai majaw dai Hkawhkam wa gaw Yosep hpe Egutu mung ting a mung gyi hku nna mung, Hkawhkam htingnu up ai du hku nna mung san da wu ai.

KASA 7:22

Mawshe mung Egutu hpaji yawng sharin la nna, mungga hte marai grai rawng ai masha kaba langai mi tai wa sai.

KOLOSE 1:9

Dai re ai majaw, nanhte a lam na yu ai shani kaw nna, anhte gaw nanhte a matu mara n sim n sa akyu hpyi nga ga ai. Nanhte gaw Karai Kasang a myit ra ai lam hpe chye lu ai nyan hpaji, dai Wenyi e jaw ya ai hpaji byeng-ya yawng mayawng hte machye machyang ni, hte jahpring ya ai hkrum myit ga Karai Kasang kaw anhte akyu hpyi ya nga ga ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

YAKU 1:5

Rai ti mung, nanhte hta na langai ngai hpaji ra kadawn nga a yang gaw, shi Karai Kasang kaw akyu hpyi nga u ga, Karai Kasang gaw shi hpe dai lam jaw ya na ru ai; hpa majaw nga yang, shi gaw yawng mayawng hpe n daw n hta chyeju hku nna jaw ya ai wa rai nga ai.