BU HKAWM 9:22 - Jinghpaw Common Language Bible 2009

²² Bai lahkawng ya, shata mi, laning mi shing n rai dai hta grau na hkra dai sumwi Sum ntsa e dung nga dingsa shanhte bu n hkawm ma ti mung dai sumwi dawm mat jang shanhte hkawm ma ai.

Jinghpaw Hanson Version Bible

²² Ni ni sha rai timung, shata mi rai timung, shaning ting rai timung, sumwi dai sumpan sum ntsa e ajung nga dingsa, Israela kashu kasha ni gaw bu lam n hkawm ai sha, but de nga ma ai: sumwi dawm mat wa jang, shanhte hkawm sa wa ma ai.

BU HKAWM 9:22 ပူးပေါင်းရင်းမြစ်များ

SHAKAWN KUNGDAWN 107:7

Shi gaw shanhte hpe shanu nga lu na shara de, malang ai lam hku nna woi wa mu ai.

SHAKAWN KUNGDAWN 143:10

Nang gaw nye a Karai Kasang rai nga ndai, na a myit ra ai hku, galaw lu na matu ngai hpe sharin ya e. Mai kaja ai lam madun ya nna, shim ai hkrun lam hta woi lakawn wa ya rit.

SHAKAWN KUNGDAWN 32:8

Dai Madu gaw, “Nang hkawm sa ang ai lam ngai nang hpe sharin ya na nngai, ngai nang hpe hpaji jaw nna sharin matsun na nngai.

SHAKAWN KUNGDAWN 48:14

nanhte gaw, “Dai Karai Kasang gaw htani htana prat dingsa na anhte a Karai Kasang rai nga ai; shi gaw anhte hpe prat ting lam woi wa na ra ai,” nga nna hpang ban prat masha ni hpe hkai dan lu na myit dai.

SHAKAWN KUNGDAWN 73:24

Na a sharin matsun ai ga hte ngai hpe nang woi lakawn wa nna; nang ngai hpe hpang jahtum na aten hta hpung shingkang hte hkap la na ndai.

SHAKAWN KUNGDAWN 77:20

Nang gaw Mawshe hte Arun yan hpe ningbaw shatai nhtawm, na a amyu masha ni hpe sagu rem wa zawn woi wa nit dai.

PRU MAT 39:42

Israela amyu masha ni mung dai Madu Mawshe hpe hkang da sai hte maren magam amu yawng mayawng hte hpe shangut da ma ai.

PRU MAT 40:16

Mawshe gaw dai Madu hkang da sai hte maren, lam shagu hpe hkan galaw wu ai.

BU HKAWM 1:54

Dai rai nna dai Madu gaw Mawshe hpe hkang da sai hte maren, Israela amyu masha ni lam magup hpe hkan galaw ma ai.

BU HKAWM 8:20

Dai majaw dai Madu Mawshe hpe hkang da nu ai hte maren, Mawshe yan Arun hte Israela amyu masha ni yawng Lewi masha ni hpe ap nawng da ma ai.

BU HKAWM 9:17

Israela amyu masha ni gaw sumwi dai dawm mat jang dap run hpya nhtawm sumwi yu dung jang dap bai sharawt da nga ma ai.

BU HKAWM 9:21

Kalang lang sumwi dai gaw shana de nna jahpawt du hkra sha dung nhtawm sumwi dawm mat wa ai hte rau shanhte bu hkawm ma ai. Sumwi lung mat wa shagu shanhte hkawm ma ai.

KASA 1:4

Shing rai shanhte sa du nna hpawng nga ma yang, Yesu gaw, “Yerusalem mare kaw na hkum pru mat wa myit, nanhte hpe ngai tsun da sai nye Wa jaw da sai ga ndat hte seng ai chyeju kumhpa hpe ala nga mu.