BU HKAWM 9:15 - Jinghpaw Common Language Bible 2009

^15-16 Dai Madu a hpung shingkang shanu nga ai Sum sharawt tawn ai shani e, sumwi yu sa nna dai hpe ka-up da nga ai. Sumwi gaw shana na aten hta wan zawn htoi nga ai.

Jinghpaw Hanson Version Bible

¹⁵ Ya dai sumpan sum sharawt ai shani e dai sumwi gaw sumpan sum ntsa e jung nna sakse sum hpe ka-up nga ai: dai sumwi gaw shana de nna jahpawt du hkra dai sumpan sum ntsa e wan zawn htoi nga ai.

BU HKAWM 9:15 ပူးပေါင်းရင်းမြစ်များ

NEHEMIA 9:12

Nang gaw shani aten hta sumwi hte shanhte hpe lam woi nna, shana e mung shanhte a hkrun lam hpe wan hte jahtoi ya ndai.

NEHEMIA 9:19

Rai ti mung na a matsan dum ai myit galu kaba nga ai majaw nang shanhte hpe nam mali hkan e kau da ndai n rai.

SHAKAWN KUNGDAWN 105:39

Karai Kasang gaw shi a amyu masha ni a ntsa e, sumwi ka-up da ya nna; shana e, shanhte hpe wan jahtoi ya nga ai.

SHAKAWN KUNGDAWN 78:14

Shi gaw shanhte hpe shani e sumwi hte shana tup wan a nhtoi hte woi wa mu ai.

PRU MAT 13:21

Dai Madu gaw shani aten e, shanhte hpe lam madun na matu sumwi shadaw, shana e nhtoi jaw ya na matu wan shadaw hte shanhte a shawng e sa wa wu ai; dai rai nna shani e mung, shana e mung shanhte bu hkawm lu ma ai.

PRU MAT 13:22

Shani na sumwi shadaw hte shana na wan shadaw gaw amyu masha ni a shawng e tut nawng a nga nga ai.

PRU MAT 14:24

Dai Madu gaw jahpawt manap nhtoi hprim hpram re ai aten e, wan shadaw hte sumwi shadaw kaw na Egutu hpyen hpung ni hpe gum yu let, shanhte hpe hkrit kajawng shangun wu ai.

PRU MAT 40:2

“Shawng na shata a shawng shani e, dai Madu a hpung shingkang shanu nga ai Sum hpe sharawt da na rai ndai.

PRU MAT 40:34

Dai hpang, sumwi gaw Sum hpe ka-up nna, htoi kabrim ai dai Madu a hpung shingkang mung dai hta hpring nga ai.

PRU MAT 40:35

Ndai amu a majaw, Mawshe gaw dai Sum kata de n shang lu wu ai.

PRU MAT 40:38

Shanhte hkawm sa wa ai lam yawng hta dai Madu a hpung shingkang a sumwi gaw dai Sum ntsa e shani e jung nga nna, shana e de a ntsa hta wan htoi nga ai.

ESAIA 4:5

Dai hpang Ziun Bum ntsa hte dai yang e jahpawng da hkrum ai ni yawng a ntsa e, dai Madu gaw shani e sumwi hte shana e wan hkut hte htoi san ai wan shinglet ni dat dat na ra ai. Karai Kasang a hpung shingkang gaw ka-up nga nna mare ting hpe makawp maga na ra ai.

BU HKAWM 10:34

Shanhte gaw dap shagu kaw nna htawt hkawm ma yang, dai sumwi gaw shanhte a ntsa e shani aten hta ka-up nga ai.

BU HKAWM 14:14

dai mung e nga ai masha ni hpe shanhte tsun dan na rai ma ai. Dai masha ni gaw nang Madu anhte hte rau rai nga ai lam mung, anhte a ntsa e na a sumwi yu dung ai shaloi nang hpe asan sha mu lu ai mung, shani e sumwi shadaw hte shana e wan shadaw hte anhte a shawng e nang sa wa ndai hpe mung na yu manu ai.

BU HKAWM 17:7

Dai hpang Mawshe gaw Sum kata na dai Madu a Ga Shaka Sumpu a man e dai dawhkrawng ni yawng tawn da wu ai.

1 KORINHTU 10:1

Hpu nau ni e, Mawshe woi awn ai anhte a ji wa ni hta hpa byin lai wa sai lam nanhte hpe bai dum chye shangun mayu nngai. Shanhte yawng gaw sumwi e makawp maga ai a kata hta hkawm sa wa nna, Nawng Hkyeng hpe mung apyaw sha ga rap lai di kau da lu ma ai.