BU HKAWM 8:8 - Jinghpaw Common Language Bible 2009

⁸ Dai hpang shanhte gaw tsanlun sau hte kayau gumrin ai mani ai muk shadung ngu ai shadung hkungga hte hpawn usu uram langai la sa na rai ma ai. Nang gaw htingrai hkungga a matu usu uram langai mi hpe la sa na rai ndai.

Jinghpaw Hanson Version Bible

⁸ Dai hta kaga, namman hte gumrin ai mani ai muk shadung ngu ai shadung kumhpa hte hpawn, usu uram langai mi la nna,

BU HKAWM 8:8 ပူးပေါင်းရင်းမြစ်များ

PRU MAT 29:1

“Da ndai gaw ngai hpe nawku daw jau ai amu hta hkinjawng amu ap nawng gun hpai na matu Arun hte shi a shadang sha ni hpe nang galaw shangun na lam rai nga ai. Ra n rawng ai usu kasha hte sagu la lahkawng, la sa na rai ndai.

PRU MAT 29:3

Nanhte gaw usu hte sagu la lahkawng hte hpe shagu hkungga nawng jau myit dai shaloi, muk ni hpe ka hta bang nna, nye a matu nawng jau ya na rai myit dai.

ESAIA 53:10

Dai Madu gaw, “Shi hkrum sha ang ai nni nkri gaw nye a myit ra lam rai nga ai; shi a si hkam ai amu gaw mara raw dat ya na shagu hkungga rai nga ai. Dai rai nna, shi gaw shi a aru arat ni hpe mu na ra ai; shi gaw asak galu ai hte hkrung nga na ra ai, shi hku nna sha, nye a yaw shada ai lam awng dang wa na ra ai.

JAW JAU 1:3

Dai wa gaw shi a dumsu hpe wan nat hkungga nawng jau ai rai yang, ra n rawng ai usu langai la sa na rai wu ai. Dai hpe dai Madu a hpung shingkang shanu nga ai Sum a shang wa chyinghka lam hta tawn da lu na rai nga ai. Dai Madu gaw dai wa hpe hkap la na ra ai.

JAW JAU 16:3

Shi gaw htingrai hkungga a matu usu langai, wan nat hkungga a matu sagu la langai la sa ngut ai hpang chyu sha dai Chyoi Pra Htum ai Shara de shi shang mai na rai wu ai,” ngu nna tsun wu ai.

JAW JAU 2:1

Kadai rai ti mung dai Madu hpe shadung hkungga nawng ya ai shaloi, shawng nnan dai hpe mani hkra rin nhtawm dai hta tsanlun sau ru jaw nna, lawban bang ai hte,

JAW JAU 4:14

htingrai hkungga shatai na matu shawa hpung gaw usu langai shapraw na rai ma ai. Shanhte gaw dai hpe dai Madu a hpung shingkang shanu nga ai Sum de la sa na rai ma ai;

JAW JAU 4:3

Hkinjawng Kaba wa nan yubak tawt lai nna amyu masha ni hpe mara kap hkra galaw ai rai yang, shi gaw ra n rawng ai usu hpe shi tawt lai kau ai yubak mara a matu dai Madu hpe shagu hkungga nawng jau na rai wu ai.

JAW JAU 8:2

shang wa chyinghka lam de Arun hte shi a shadang sha ni hpe woi shang wa nna, hkinjawng hpun palawng, chya na namman, htingrai hkungga a matu usu, sagu la lahkawng, hte matsi n rawng ai muk ka la sa na rai ndai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.