BU HKAWM 8:7 - Jinghpaw Common Language Bible 2009

⁷ jasan jaseng ai hka hte shanhte hpe lapri bun nna shanhte a hkum ting na mun shangun kau na hte hpun palawng ni hpe hkrut kau na lam tsun u. Dai hpang shanhte san seng wa na mara ai.

Jinghpaw Hanson Version Bible

⁷ Shanhte hpe ning di jasan jaseng na rai ndai: htingrai ntsin hte shanhte hpe lapri bun nna, hkum ting na mun shangun kau ai hte, hpun palawng hkrut kau nna, tinang hkum jasan jaseng shangun na rai ndai.

BU HKAWM 8:7 ပူးပေါင်းရင်းမြစ်များ

NINGPAWT NINGHPANG 35:2

Dai rai nna Yaku mung shi a dinghku masha ni hte shi hte rau nga nga ai ni yawng hte hpe, “Nanhte lu ai maigan hpara sumla ni hpe shapraw kau mu, tinang hkum hpe tinang dai shachyoi shapra nna asan aseng re ai hpun palawng ni bu hpun mu.

SHAKAWN KUNGDAWN 51:2

Nye a n hkru n shawp ai lam yawng hte hpe kashin kau ya nna, nye a yubak kaw na ngai hpe jasan jaseng la e!

SHAKAWN KUNGDAWN 51:7

Nye a yubak hpe la kau ya e, shing rai jang, ngai san pra wa lu na nngai; ngai hpe kashin la e, shing rai jang, ngai gaw hkyen hta pyi grau hpraw wa lu na nngai.

PRU MAT 19:10

dai Madu gaw shi hpe, “Amyu masha ni hpang de yu wa nhtawm nawku na matu shanhte a hkum ni hpe dai ni, hpawt ni jasan jaseng na shanhte hpe tsun u. Shanhte gaw shanhte a hpun palawng ni hpe hkrut lu na rai nna,

ESAIA 52:15

Rai ti mung, ya chyawm gaw masha amyu baw law law ni shi hpe yu mau na mara ai, hkawhkam ni gaw ga n shaga ai sha mau mat na mara ai. Shanhte gaw shanhte galoi mung n chye na yu ai arai lama mi hpe mu lu nna chye na wa na mara ai,” ngu nna tsun ai.

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

JAW JAU 15:27

Dai arai ni hpe hkra ai wa kadai mung n san n seng nga ai rai nna shi a hpun palawng ni hpe hkrut kau nna hka shin na rai wu ai. Shi gaw shana de du hkra n san n seng naw rai nga ai.

JAW JAU 15:6

shi dung ai shara hta hkan dung ai wa kadai mung tinang a hpun palawng hpe hkrut kau nna hka shin na rai wu ai. Shi gaw shana de du hkra n san n seng naw rai nga ai.

JAW JAU 16:28

Dai ni hpe sa nat kau ai wa mung shi a hpun palawng ni hkrut kau nna dap de garai n shang wa yang hka shin na rai wu ai.

JAW JAU 8:6

Mawshe gaw Arun hte shi a shadang sha ni hpe shawng de woi sa wa nhtawm hka shin na matu tsun wu ai.

BU HKAWM 19:13

Si mang hkra ai wa kadai mung tinang hkum hpe n jasan ai sha naw nga nga ai wa gaw shi hkum hpe hka n jaw bun ai majaw n san n seng nga ai. Shanhte gaw dai Madu a Sum hpe awu asin di ma ai rai nna shing re ai wa gaw Karai Kasang a amyu masha kaw na sumri dan kau ai hkrum na rai wu ai.

BU HKAWM 31:20

Hpun palawng shagu hpe mung, shanhpyi, bainam mun, hpun hte galaw ai arai shagu hte hpe mung jasan jaseng lu na rai myit dai,” ngu nna tsun wu ai.

BU HKAWM 8:21

Lewi masha ni mung hkum ni hpe jasan jaseng la nna hpun palawng ni hkrut ma ai; Arun mung shanhte hpe dai Madu a matu laksan kumhpa hku ap ya wu ai. Shi gaw shanhte a matu jasan jaseng ai amu hpe mung galaw ya wu ai.

HEBRE 9:10

Dai lam ni gaw shahpa luhpa hte jasan jaseng ai htung lai amyu myu hte seng nna galaw ai lam ni sha rai nga ai. Dai ni gaw, Karai Kasang e ningnan bai gram lajang na ra ai aprat garai n du ai laman gan tawn da ai ntsa lam hte seng ai hkan sa tara ni rai nga ma ai.

HEBRE 9:13

Bainam sai, usu sai, wan nat kau sai nga upra a wan wu ni hpe nawku daw jau ai htung tara hku sawn yang awu asin rai mat ai masha ni a ntsa e lapri bun yang, shanhte a awu asin re ai hpe shachyoi shapra ya lu ai teng yang gaw,

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

1 PETRU 3:21

Dai hka hta na zawn, dai hka lup ngu ai kumla gaw ya e nanhte hpe hkye hkrang la lu nga ai. Dai gaw hkum shan hta e kap ai matsat shabat hpe sharun kau na lam n rai; myit masin asan sha hte Karai Kasang a man e ga sadi tawn da ai lam rai nga ai. Si ai kaw na Yesu Hkristu bai hkrung rawt wa ai a marang e nanhte gaw hka lup hkam la ai hte hkye hkrang la ai hkrum manit dai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.