BU HKAWM 8:26 - Jinghpaw Common Language Bible 2009

²⁶ Dai hpang shi gaw Sum kata hta amu gun hpai nga ai shi a kahpu kanau, manaw manang Lewi masha ni hpe karum shingtau na mai nga ai; rai ti mung kaning re ai daw jau magam amu hpe shi hkum nan shang galaw lu na n rai. Ndai lam gaw Lewi masha ni a magam lit ni hpe nang kaning rai hpajang ya na lam rai nga ai,” ngu nna tsun wu ai.

BU HKAWM 8:26 ပူးပေါင်းရင်းမြစ်များ

1 HKAWHKAM LABAU 23:32

Shanhte gaw dai Madu a hpung shingkang shanu nga ai Sum hpe yu lajang na matu mung, shanhte a makyin jinghku ni, Arun kaw nna pra hkrat wa ai hkinjawng ni Nawku Htingnu kata nawku daw jau amu galaw ai shaloi karum shingtau ai ni rai ma ai.

EZEKELA 44:11

Shanhte gaw Nawku Htingnu kata e chyinghka ni sin nna Nawku Htingnu amu galaw ai hku ngai hpe daw jau lu na rai ma ai. Amyu masha ni nawng jau ai wan nat hkungga hte shagu hkungga yam nga ni hpe shanhte sat nna amyu masha ni hpe karum daw jau na shanhte hta lit lu nga ai.

EZEKELA 44:8

Shanhte gaw nye a Nawku Htingnu kata na nawku htung hte seng ai arung arai ni hpe n yu n gawn nga ma ai, rai ti mung, shanhte a malai maigan masha ni hpe yu lajang shangun nga ma ai.

BU HKAWM 1:53

Rai ti mung Lewi masha ni gaw Sum a grup yin hkan e but nga nna dai hpe makawp maga na rai ma ai. Dai shara de kadai mung n shani sa lu mu ga, Israela shawa hpung ting mung nye a myit masin hpe pawt shangun nna adup ai kaw n du u ga,” ngu nna tsun wu ai.

BU HKAWM 18:4

Shanhte gaw nang hte rau amu galaw nna Sum hte seng ai daw jau amu yawng hte hpe galaw shatup na rai ma ai; rai ti mung ra rawng ai wa chyawm gaw nang hte rau amu galaw mai nga ai n rai.

BU HKAWM 3:32

Hkinjawng Arun a shadang sha Eleaza gaw Lewi masha ni a ningbaw rai nga ai. Dai rai nna chyoi pra ai shara hta amu gun hpai ai ni hpe shi woi awn nga wu ai.

BU HKAWM 31:30

Amyu masha ni lu la ai ka-ang hkup hta na bawng masha, dumsu, lawze, sagu hte bainam re ai yam nga manga shi hta na langai mi hku la da na rai myit dai. Dai hpe dai Madu a Sum hta amu galaw woi hpareng nga ai Lewi masha ni hpe jaw na rai myit dai,” ngu nna tsun wu ai.

BU HKAWM 8:25

galaw na rai nna; asak manga shi ning du jang hkring sa la na lam rai nga ai.

1 TIMOHTI 4:15

Na a kunghpan jat wa ai hpe masha yawng mayawng mu lu mu ga, lahta de tsun da sai lit ni hpe myit lawm ai hte hkan shatup let dai hta a manoi nga u.