BU HKAWM 8:17 - Jinghpaw Common Language Bible 2009

¹⁷ Egutu mung hta kasha alat ni yawng hpe ngai sat kau we ai shaloi, Israela dinghku shagu na shadang sha alat ni hpe mung, yam nga shagu na shawng hkrat ai alat shagu mung nye a matu ngu nna ngai ap nawng da mase ai.

Jinghpaw Hanson Version Bible

¹⁷ Israela kashu kasha ni hta na kasha alat yawng hte gaw masha mung yamnga mung nye a rai nga ai: Egutu mung e kasha alat yawng hpe ngai sat kau ai shani e, ngai shanhte hpe nye a matu shachyoi shapra la se ai.

BU HKAWM 8:17 ပူးပေါင်းရင်းမြစ်များ

SHAKAWN KUNGDAWN 105:36

Egutu mungdan na dinghku yawng a shadang sha alat ni hpe shi sat kau ya mu ai.

SHAKAWN KUNGDAWN 135:8

Egutu mung hta e, masha hte dusat kaw na kasha alat ni yawng hte hpe shi sat kau ya mu ai.

SHAKAWN KUNGDAWN 78:51

Egutu mung ting na dinghku yawng a shadang sha alat ni hpe shi sat kau ya wu ai.

PRU MAT 12:29

Dai Madu gaw shana yup tung e nan Egutu mung na shadang sha alat ni yawng ngu na, hkawhkam tingnyang dung na hkawhkam wa a shadang sha alat kaw nna ga htawng hta bawng dung hkrum ai wa a shadang sha alat kaw du hkra hpe mung, yam nga ni a kasha alat ni hpe mung, sat kau wu ai.

PRU MAT 13:2

“Israela amyu hta na shawng shangai ai lasha alat shagu hte yam nga hta na shawng hkrat ai ala shagu hte hpe ngai madu da nga nngai majaw, dai shawng shangai ai shinggyim masha alat hte yam nga alat ni yawng, nye a matu ap nawng ya na rai myit dai,” ngu nna tsun wu ai.

PRU MAT 29:44

Dai Sum hte tawn hkungri ni hpe ngai shachyoi shapra na we ai; Arun hte shi a shadang sha ni hpe mung hkinjawng amu gun hpai let ngai hpe daw jau na matu san da na we ai.

EZEKELA 20:12

Shanhte hpe shachyoi shapra nga ai dai Madu ngai nan rai nga nngai hpe shanhte dum hprang wa lu hkra, anhte a lapran e myit hkrum ai kumla tai nga u ga, Dai Bansa Nhtoi hpe shadik na, ngai hkang da ni ai.

JAW JAU 27:26

Shawng hkrat ai yam nga hpe dai Madu a matu san da sai hpe kadai mung mayu hkungga di nna shi hpe nawng ya mai ai n rai. Dumsu rai ti mung, sagu bainam kasha rai ti mung dai Madu a matu hkrai rai nga ai;

BU HKAWM 8:18

Ya chyawm gaw Israela masha ni a kasha alat ni yawng a malai Lewi masha ni hpe ngai san la nga nngai.

LUKA 2:23

Madu a tara hta ka da nga ai hte maren, dai ma hpe Madu kaw sa ap ya na matu mung,

YAWHAN 10:36

Ngai chyawm gaw, nye Wa ngai hpe lata la nna ndai mungkan de shangun dat ni ai. Dai rai yang, Ngai gaw Karai Kasang a Kasha rai nngai,’ nga nna tsun ai shaloi, ngai gaw Karai Kasang hpe shatan nhkan ai wa re, ngu nna nanhte gara hku tsun lu myit ta?

YAWHAN 17:19

Shanhte gaw magam gun na matu tinang hkum hpe kaja wa shachyoi shapra ap nawng da ai ni byin wa mu ga, ngu nna ngai shanhte a matu mara nye hkum dai shachyoi shapra ap nawng tawn da se ai.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

HEBRE 11:28

Shi gaw kam sham ai hte kasha alat ni hpe sat kau ai lamu kasa gaw Israela amyu masha ni a kasha alat ni hpe n sat u ga, Shalai Wa ai Poi woi galaw hpang nna sagu sai hpe chyinghka ni hta asai lapri bun na hkang da wu ai.

YAKU 1:18

Shi hpan tawn da ai amyu ni yawng hta e anhte nambat langai shara lu ai alat amyu tai u ga, shi a myit ra ai hku hte maren dai teng man ai mungga hte shi anhte hpe shaprat dat mi ai.