BU HKAWM 8:14 - Jinghpaw Common Language Bible 2009

¹⁴ Ndai hku nna, Lewi masha ni hpe ngam nga ai Israela amyu masha ni hta na jahka da na rai ndai. Lewi masha ni gaw nye a ni rai ma ai.

Jinghpaw Hanson Version Bible

¹⁴ Israela kashu kasha ni hta na Lewi masha ni hpe nang jahka tawn na rai nna, Lewi masha ni gaw nye a ni rai na rai ma ai.

BU HKAWM 8:14 ပူးပေါင်းရင်းမြစ်များ

MALAHKI 3:17

“Chyahtum Chyalai N-gun rawng ai dai Madu gaw, “Shanhte gaw nye a amyu masha ni tai na mara ai. Dai amu hpe ngai galaw ai shani hta, shanhte gaw ngai madu ai ni tai wa na mara ai. Kawa gaw shi hpe daw jau ai shadang sha hpe matsan dum ai zawn ngai mung shanhte hpe matsan dum na nngai.

BU HKAWM 18:6

Ngai gaw na a matu kumhpa shatai na, na a nhpu nnau Lewi masha ni hpe Israela amyu masha ni kaw na lata shaw la ai wa rai nga nngai. Shanhte gaw nye a matu ap nawng da hkrum nga masai rai nna Sum kata hta galaw na magam bungli ni hpe gun hpai lu na rai ma ai.

BU HKAWM 3:45

Lewi masha ni hpe mung, Israela ni hta na shawng hkrat ai yam nga alat ni yawng a malai Lewi masha ni a yam nga ni yawng ngai hpe ap nawng ya nga ai.

BU HKAWM 3:9

Lewi masha ni a magam lit gaw Arun hte shi a shadang sha ni hpe daw jau na amu chyu sha rai nga malu ai.

BU HKAWM 6:2

Numsha rai ti mung, lasha rai ti mung, Nazari tai nna shi hkum nan dai Madu a matu ap nawng ai hte ga shaka tawn da ai wa kadai mung,

BU HKAWM 8:13

“Lewi masha ni hpe nye a matu laksan kumhpa hku ap nawng na rai nga ai; Arun hte shi a shadang sha ni mung shanhte hpe woi awn na rai ma ai.

BU HKAWM 8:17

Egutu mung hta kasha alat ni yawng hpe ngai sat kau we ai shaloi, Israela dinghku shagu na shadang sha alat ni hpe mung, yam nga shagu na shawng hkrat ai alat shagu mung nye a matu ngu nna ngai ap nawng da mase ai.

ROMA 1:1

Karai Kasang a Kabu Gara Shiga hkaw tsun na matu kasa hku nna Karai Kasang e lata san da hkrum ai Hkristu Yesu a shangun ma wa ngai Pawlu gaw Laika ka dat nngai.

GALATI 1:15

Rai ti mung nye nu a hkritung nna ngai garai n shangai yang Karai Kasang gaw shi a chyeju hte ngai hpe lata la nna shi hpe daw jau na matu shaga la ni ai.

TARA JAHPRANG 10:8

Dai Madu gaw dai bum hta Lewi amyu bawsang hta na lasha ni hpe Ga Shaka Sumpu hpai ai hta woi hpareng na matu mung, hkinjawng hku nna shi hpe daw jau amu gun hpai na matu mung, shi a mying ningsang gang nna shaman ya na matu mung lata san da wu ai. Ndai amu ni yawng gaw shanhte a magam lit ni hkrai rai nga malu ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.