BU HKAWM 7:10 - Jinghpaw Common Language Bible 2009

¹⁰ Ningbaw ni mung tawn hkungri hpe ap nawng ai poi galaw na matu hkungga ni la sa ma ai. Tawn hkungri hta shanhte a kumhpa ni hpe sak jaw na matu shanhte jin jin rai nga ma ai shaloi,

Jinghpaw Hanson Version Bible

¹⁰ Ya dai tawn hkungri hpe namman chya ai shani e, dai hpe ap ya na matu, du agyi ni gaw dai tawn hkungri a man e tinang a kumhpaw kumhpa sak jaw ma ai.

BU HKAWM 7:10 ပူးပေါင်းရင်းမြစ်များ

1 HKAWHKAM 8:63

Shi gaw mahku hkungga a matu dumsu 822,000 hte sagu 120,000 hpe sak nawng ya wu ai; shing rai hkawhkam wa hte amyu masha ni yawng dai Nawku Htingnu hpe ap nawng ai hte dingshawn shang ma ai.

2 HKAWHKAM LABAU 7:5

Shi gaw mahku hkungga a matu dumsu 22,000 hte sagu 120,000 hpe sat nawng ya wu ai; shing rai shi hte amyu masha ni yawng dai Nawku Htingnu hpe ap nawng da ma ai.

2 HKAWHKAM LABAU 7:9

Tawn hkungri ap nawng ai hpawng sanit ya galaw ngut jang, poi a matu mung nhtoi sanit ya naw galaw ma ai. Shing rai jahtum shani hta zup hpawng hpungdim ai poi galaw ma ai.

NEHEMIA 12:27

Yerusalem mare bunghku ap nawng ya ai shaloi, Lewi masha ni nga nga ai shara kaw nna shanhte hpe jashawn la ma ai shaloi shanhte gaw ap nawng ya ai poi hta chyeju dum ai mahkawn mangoi ni hte rau, shup sheng, tingse ni dum let shang lawm lu ma ai.

NEHEMIA 12:43

Dai shani e, shagu hkungga law law nawng ya ma ai rai nna Karai Kasang gaw shanhte hpe kabu shangun wu ai majaw, amyu masha ni hta kabu gara ai myit hpring nga ai. Numsha ni hte ma kaji ni mung dai poi hta shang lawm nga ma ai rai nna shanhte jahtau ai nsen hpe tsan tsan kaw nna na lu nga ai.

SHAKAWN KUNGDAWN 30:1

Madu e, nang ngai hpe hkye hkrang la nit dai, nye a gumlau hpyen ni ngai hpe dang kau ai kaw na, nang ngai hpe makawp maga la nit dai majaw, ngai nang hpe shakawn nngai.

BU HKAWM 7:1

Dai Madu a hpung shingkang shanu nga ai Sum hpe Mawshe sharawt da ngut ai shani hta, shi gaw Sum hte de a arai ni yawng hpe namman chya nhtawm ap nawng da wu ai.

BU HKAWM 7:11

Dai Madu gaw Mawshe hpe, “Ningbaw ni kaw na marai langai mi gaw nhtoi shi lahkawng ya laman shani shagu tawn hkungri hpe ap nawng na matu tinang a kumhpa ni sak jaw na shanhte hpe tsun u,” ngu nna tsun wu ai.

BU HKAWM 7:84

Tawn hkungri hpe ap nawng da na matu Israela ningbaw shi lahkawng la sa na hkungga yawng a jahpan gaw lawu de na chyarang hte maren rai na rai nga ai: -gumhpraw ban shi lahkawng hte gumhpraw jarung shi lahkawng, dai ni yawng rai yang pawng kru shi li nga ai. -ja ban shi lahkawng, dai yawng aung za mali shi matsat li nna, manam pyaw ai baw hte hpring nga ai; -wan nat hkungga a matu shadung hkungga ni hte hpawn usu shi lahkawng, sagu la shi lahkawng, laning mi ladu hkrum sai sagu la kasha shi lahkawng, -htingrai hkungga a matu bainam la shi lahkawng; -hkungga ni nawng na matu usu hkun mali, sagu la kru shi, bainam la kru shi, laning mi ladu hkrum sai sagu kasha kru shi rai nga ai.

TARA JAHPRANG 20:5

“Shaloi du salang ni mung masha ni hpe, ‘Nta gap ti mung dingshawn garai n shang ai ndai yang e kadai nga nga a ta?, nga ai rai yang, shi gaw nta de wa na rai wu ai. Dai n rai, majan pa e shi sat kau ai hkrum yang, marai langai ngai shi a nta hpe dingshawn shang na rai wu ai.