BU HKAWM 6:27 - Jinghpaw Common Language Bible 2009

²⁷ Dai Madu gaw, “Shanhte nye a mying gang nna Israela amyu masha ni hpe shaman ga tsun ai rai yang, ngai mung shanhte hpe shaman ya na mawe ai,” ngu nna tsun wu ai.

Jinghpaw Hanson Version Bible

²⁷ Shing rai shanhte gaw Israela kashu kasha ni a ntsa e nye a mying ningsang gang nna mara ya yang, ngai shanhte hpe shaman ai chyeju jaw na we ai,” ngu wu ai.

BU HKAWM 6:27 ပူးပေါင်းရင်းမြစ်များ

NINGPAWT NINGHPANG 32:26

Dai masha wa gaw, “Ngai wa na ni ai; nhtoi mung htoi wa ra ai,” ngu nna tsun wu ai. Yaku mahtang, “Nang ngai hpe n shaman ya ai rai yang, ngai wa shangun na n rai,” ngu nna htan wu ai.

NINGPAWT NINGHPANG 32:29

Yaku mung, “Na a mying ya jang ngai hpe tsun dan e,” ngu nna tsun wu ai. Rai ti mung, shi mahtang, “Nang hpa majaw nye a mying chye mayu nga n ni?,” ngu nna tsun nhtawm Yaku hpe shaman ya wu ai.

2 SAMUELA 7:23

Na a amyu masha majing shatai na nga, shanhte hpe mayam shatai nga ai kaw na nang hkye mawai da nit dai, dai Israela amyu ni hte bung ai amyu baw kaga ndai ginding aga ntsa n nga nga ai. Shanhte a matu nang galaw dan sai dai galu kaba ai mauhpa amu ni gaw mungkan ting de na a mying ningsang dan hkung gumhkawng shangun nga sai. Na a amyu masha majing shatai la na nga, Egutu mung kaw na nang shalawt dat sai amyu masha ni rawt lung wa mu yang, kaga masha amyu baw ni hte shanhte a karai ni hpe nang gawt shapraw kau ya nga ndai.

1 HKAWHKAM LABAU 4:10

Rai ti mung Yabet chyawm gaw Israela Karai Kasang hpe, “Karai Kasang e, ngai hpe shaman ya e, ngai hpe lamu ga dam lada jat ya e. Ngai hte rau a nga nga nna ngai hpe machyi hkra shangun ai n hkru n kaja ai lam hta na makawp maga la e law,” ngu nna hpyi wu ai. Shi hpyi ai hte maren, Karai Kasang jaw ya nga ai.

2 HKAWHKAM LABAU 7:14

shanhte galaw shut kau sai n hkru n shawp ai amu kaw nna myit malai ai hte kayin wa nhtawm ngai kaw akyu hpyi mu ai rai yang, sumsing lamu hta madat mara ya na nngai. Shing rai shanhte a yubak mara ni hpe raw dat kau ya nhtawm shanhte a mungdan hpe bai ngamu ngamai shangun na we ai.

SHAKAWN KUNGDAWN 5:12

Madu e, nang gaw na a ga madat mara nga ai ni hpe shaman ya nga ndai; na a tsaw ra myit gaw shanhte hpe ninggang zawn makawp maga ya nga ai.

SHAKAWN KUNGDAWN 67:7

Karai Kasang gaw anhte hpe shaman ya mi ai, shara shagu hkan nga nga ai masha amyu yawng shi hpe shagrau sha-a nga mu law.

PRU MAT 6:3

Ngai gaw Abraham, Isak hte Yaku ni kaw Chyahtum Chyalai N-gun Rawng Ai Karai Kasang hku dan pru ni ai; rai ti mung Ngai hkum nan shanhte hpe nye a chyoi pra ai mying ningsang dai Madu rai nga ai hpe n chye shangun mawe ai.

ESAIA 43:7

Shanhte gaw nye a amyu masha ni nan rai nga ma ai, nye a hpung shingkang a matu ngai shanhte hpe hpan da ni ai,” ngu nna tsun ai.

YEREMIA 14:9

Nang gaw hpa majaw mau mak mat ai hte karum la na matu n-gun n rawng ai hpyenla wa zawn tai nga n ta? Kaja wa tsun ga nga yang, Madu e, nang gaw anhte hte rau nga nga ndai! Anhte gaw na a amyu masha ni rai nga ga ai; anhte hpe hkum kau da nga et,’” ngu nna jahtau tsun ma ai.

BU HKAWM 23:20

Ngai gaw shaman ya na matu shatsam hkrum ni ai; Karai Kasang shaman ya ai hpe ngai shabai lu na n rai.

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

TARA JAHPRANG 28:10

Dai hpang Dai Madu gaw nanhte hpe shi a amyu masha majing shatai la na nga, lata la manit dai hpe ga ntsa na masha amyu ni yawng mu lu na mara ai; shaloi shanhte gaw nanhte hpe hkrit kang na mara ai.