BU HKAWM 6:26 - Jinghpaw Common Language Bible 2009

²⁶ Dai Madu gaw nang hpe mada mara nna myi man pa shangun ai hte ngwi pyaw sim sa ai lam jaw ya nga u ga law.

Jinghpaw Hanson Version Bible

²⁶ Yehowa nang hpe mada mara nna, ngwipyaw shangun nga u ga law,” ngu na rai myit dai.

BU HKAWM 6:26 ပူးပေါင်းရင်းမြစ်များ

SHAKAWN KUNGDAWN 29:11

Dai Madu gaw shi a amyu masha ni hpe n-gun atsam jaw ya ai rai nna ngwi pyaw sim sa ai chyeju hte shanhte hpe shaman ya nga ai.

SHAKAWN KUNGDAWN 37:37

Mai kaja ai masha wa hpe matsing da u, ding hpring ai masha wa hpe maram masam yu u; ngwi pyaw sim sa ai masha wa gaw aru arat law law lu nga ai;

SHAKAWN KUNGDAWN 4:6

“Madu e, anhte hpe chyeju grau nna jaw ya mi; matsan dum ai myit hte anhte hpe mada mara ya mi,” nga nna masha law law wa akyu hpyi nga ma ai.

SHAKAWN KUNGDAWN 42:5

Ngai hpa majaw nde wa myit n pyaw nga nngai kun? Ngai hpa majaw nde wa ru tsang hkrum nga nngai kun? Ngai gaw Karai Kasang hta myit mada nga let, nye a hkye la Madu hte nye a Karai Kasang hpe kalang mi bai, shakawn na ring ngai.

SHAKAWN KUNGDAWN 44:3

Na a amyu masha ni gaw dai lamu ga hpe shanhte a nhtu ni hte gasat dang la lu ma ai n rai; shanhte a n-gun atsam hte dai mung hpe lu la ai n rai. Dai gaw na a daru magam atsam hte na a chyalai n-gun shanhte hpe na a tsaw ra myit madun sai ngu ai nang shanhte hte rau shanu nga ai ga sadi ni a majaw rai nga ai.

SHAKAWN KUNGDAWN 89:15

Mahkawn hkawn ai hte nang hpe nawku daw jau ai ni hte; na a matsan dum lama ai myit a nhtoi hta hkawm sa nga ai amyu masha ni gaw kade wa a lu nga ma hka!

ESAIA 26:12

Madu e, nang gaw anhte hpe ngamu ngamai lam shakat ya na rai nga ndai, anhte hkam la lu ai arai yawng mayawng hte gaw nang galaw ai amu a akyu chyeju hkrai rai nga ai.

ESAIA 26:3

Madu e, nang gaw ngang kang ai yaw shada lam shatup ai ni hte nang hpe kam hpa ai ni hpe hkum tsup ai ngwi pyaw sim sa lam jaw ya nga ndai.

ESAIA 57:19

Ngai gaw ni ai, tsan ai shara hkan nga ai ni yawng hpe ngwi pyaw sim sa lam jaw na nngai! Ngai gaw nye a amyu masha ni hpe shamai shatsai na nngai.

MIHKA 5:5

shi gaw ngwi pyaw sim sa ai hpe la sa wa na ra ai. Asuri masha ni anhte a mung de shang gasat nna anhte a makawp maga dap ni hpe jahten kau ma ai shaloi, anhte mung shanhte hpe gasat na matu n-gun atsam rawng htum ai ningbaw ni hpe dat dat na ga ai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

YAWHAN 14:27

“Ngwi pyaw sim sa ai gaw ngai nanhte hpe tawn da ya ma sade ai; Nye a ngwi pyaw simsa ai nanhte hpe ngai jaw made ai, mungkan ga na ni jaw ai zawn ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

YAWHAN 20:21

Yesu gaw shanhte hpe kalang mi bai, “Nanhte ngwi pyaw nga myit ga; nye Wa gaw ngai hpe shangun dat ai hte maren, ngai mung nanhte hpe shangun dat made ai,” ngu nna tsun mu ai.

YAWHAN 20:26

Dai hpang matsat ya rai jang, sape ni gaw nhku e bai rawng nga ma ai rai nna Htawma mung shanhte hte rau rai nga ai. Chyinghka ni mung la da nga ai; rai ti mung Yesu sa du nna shanhte a ka-ang e tsap let, “Nanhte ngwi pyaw nga myit ga law,” ngu wu ai.

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

KASA 2:28

Asak hkrung ai lam nang ngai hpe madun dan nit dai; nang ngai hte nga nga ai majaw ngai hpe kabu gara ai hte jahpring ya na rin dai,’ nga ai.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

ROMA 15:33

Ya ngwi pyaw ai npawt Karai Kasang gaw nanhte yawng mayawng hte rau a nga nga u ga law. Amen.

ROMA 5:1

Ya anhte gaw Karai Kasang hpe kam sham ai hte ding hpring wa lu ga ai majaw, anhte a Madu Yesu a marang e Karai Kasang hte mahku mara rai sim sa ai lam lu la ga ai.

EHPESU 6:23

Kawa Karai Kasang hte Madu Yesu Hkristu gaw Hkristan hpu nau ni yawng hpe ngwi pyaw ai, tsaw ra ai hte, makam masham jaw ya u ga law.

HPILIPI 4:7

Shaloi masha a chye chyang ai nyan hta grau lai ai Karai Kasang a ngwi pyaw ai gaw nanhte a kraw lawang ni hte myit masin ni hpe Hkristu Yesu hta e bau sin na ra ai.

2 HTESALONI 3:16

Anhte a ngwi pyaw ai lam a npawt rai nga ai Madu gaw, nanhte hpe tut nawng e lam shagu hta ngwi pyaw ai lam ajaw nga u ga.