BU HKAWM 6:21 - Jinghpaw Common Language Bible 2009

²¹ Ndai lam ni gaw Nazari ni hkan sa na tara ni rai nga ai; rai ti mung Nazari wa mahtang jaw jau na nga sadi tawn da ai rai yang, ga shaka tawn da ai hte maren tup hkrak galaw na rai wu ai.

Jinghpaw Hanson Version Bible

²¹ Dai hte gaw ga shaka da nna Naziri tai ai wa jaw jau lu ai made, jaw jau ai hta kaga tinang hkum hpe san da ai a matu Yehowa hpe sak jaw ra ai kumhpa a tara rai nga ai: ga shaka tawn da ai ga hte maren san da nga ai tara hku hkan nna galaw lu na rai awu ai,” ngu wu ai.

BU HKAWM 6:21 ပူးပေါင်းရင်းမြစ်များ

EZRA 2:69

Shanhte gaw dai amu a matu dang lu ai made shaw mu ai rai nna, aja pawng 1,030, gumhpraw pawng 5,740 hte hkinjawng ni a matu palawng galu 100 lu la nga ai.

BU HKAWM 5:29

Ndai gaw numshaw lashaw amu shut hpyit ai madu jan hpe myit yu machyi nna n tsen yang hkan lu na tara rai nga ai. Dai numsha hpe tawn hkungri a man e shatsap tawn nna hkinjawng wa dai hpe tara hte maren galaw na rai wu ai.

BU HKAWM 6:2

Numsha rai ti mung, lasha rai ti mung, Nazari tai nna shi hkum nan dai Madu a matu ap nawng ai hte ga shaka tawn da ai wa kadai mung,

BU HKAWM 6:20

Dai hpang hkinjawng wa gaw dai ni hpe laksan kumhpa shatai nna dai Madu hpe sak jaw na rai wu ai. Dai ni gaw hkinjawng wa a matu chyoi pra ai hkungga rai nga ai. Dai hta kaga, tara hte maren sinda hte sagu la a lagaw hpe mung hkinjawng wa madu la lu na rai wu ai. Dai hpang mahtang Nazari wa sabyi ntsin lu mai na rai wu ai.

BU HKAWM 6:22

Dai Madu gaw Mawshe hpe Arun hte shi shadang sha ni Israela amyu masha ni hpe,

GALATI 6:6

Dai Hkristu a mungga hpe sharin achyin hkam la ai wa gaw, sharin achyin ya ai sara wa hpe tinang lu mai ai kaja ai ja gumhpraw arung arai yawng hte karum madi shadaw nga u ga.

HEBRE 13:16

Mai kaja ai amu galaw na nanhte shada da karum shingtau hkat na lam hpe hkum malap kau myit, hpa majaw nga yang, shing re ai hkungga ni gaw Karai Kasang hpe sharawng awng shangun nga ai.