BU HKAWM 6:20 - Jinghpaw Common Language Bible 2009

²⁰ Dai hpang hkinjawng wa gaw dai ni hpe laksan kumhpa shatai nna dai Madu hpe sak jaw na rai wu ai. Dai ni gaw hkinjawng wa a matu chyoi pra ai hkungga rai nga ai. Dai hta kaga, tara hte maren sinda hte sagu la a lagaw hpe mung hkinjawng wa madu la lu na rai wu ai. Dai hpang mahtang Nazari wa sabyi ntsin lu mai na rai wu ai.

Jinghpaw Hanson Version Bible

²⁰ Yehowa a man e nwat kumhpa di nna nwat na rai wu ai: dai hte gaw nwat sinda hte manawt magyi hte nawng hkinjawng wa a matu chyoi pra na rai nga ai: dai hpang nna gaw Naziri wa tsabyi jahku lu mai sai rai nga ai.

BU HKAWM 6:20 ပူးပေါင်းရင်းမြစ်များ

HPAJI NINGLI 9:7

Sa wa magang su, kabu gara ai hte na a lusha sha u; na a sabyi ntsin lu nna kabu pyaw nga u. Dai gaw Karai Kasang ra ai lam rai nga ai.

ESAIA 25:6

Chyahtum Chyalai N-gun rawng ai dai Madu gaw ndai Ziun Bum ntsa e mungkan ga na amyu baw ni yawng a matu lusha poi langai hkyen ya na ra ai, dai gaw dwi sau mu mai htum ai lusha hte hkyeng tsawm ai sabyi machyan lusha poi rai nga ai.

ESAIA 35:10

Shanhte gaw kabu gara ai hte Yerusalem de du wa na mara ai, mahkawn mangoi ai hte kabu gara jahtau na mara ai. Shanhte gaw htani htana kabu gara na mara ai, yawn hkyen ai hte sharung shayawt ai kaw na htani htana lawt wa na mara ai.

JAW JAU 10:15

Dai Madu hpe lusha hkungga hku nawng ya ai sau man hte hpawn, hpang lagaw hte sinda hpe mung shanhte la sa na rai ma ai. Dai gaw dai Madu hkang da ai hte maren nang hte na a kashu kasha ni prat dingsa madu lu na kamhtaw rai nga malit dai,” ngu nna tsun wu ai.

JAW JAU 23:11

Shi gaw dai hpe laksan hkungga shatai nna dai Madu hpe nawng jau na rai wu ai; shaloi nanhte a hkungga hkap la na rai wu ai. Hkinjawng wa mung dai hpe Bansa Nhtoi a hpang shani e sak jaw na rai wu ai.

JAW JAU 7:30

Shi gaw yam nga sau hte hpawn sinda hpe dai Madu a matu laksan kumhpa shatai na sak jaw na rai wu ai.

JAW JAU 7:31

Hkinjawng wa gaw dai sau hpe tawn hkungri hta nat na rai wu ai; rai ti mung sinda hpe mahtang hkinjawng ni la na rai ma ai.

JAW JAU 7:32

Yam nga a hkra magyi gaw mahku hkungga a matu,

JAW JAU 7:34

Dai Madu gaw yam nga sinda hte hkra magyi hpe laksan kumhpa a matu Israela amyu masha ni kaw na la nhtawm hkinjawng ni hpe jaw ya wu ai. Dai gaw dai Madu hpe nawng ya ai lusha daw chyen mi rai nna, Arun hte shi a shadang sha ni hpe kamhtaw jaw da nu ai. Dai gaw hkinjawng ni a matu Israela amyu masha ni prat mi hte prat mi jaw lu na rai ma ai.

JAW JAU 9:21

Mawshe hpe hkang da nu ai hte maren, sinda hte hkra magyi ni hpe hkinjawng ni a matu nga nna dai Madu hpe laksan kumhpa sak jaw ya nga ai.

ZEHKARIA 10:7

Israela amyu masha ni gaw hpyenla ni zawn n-gun ja wa nna, sabyi ntsin lu lu sai ni zawn kabu gara na mara ai. Shanhte a amyu matu mara ni gaw ndai awng padang hpe dum wa na mara ai dai Madu galaw nu ai amu a majaw kabu gara lu na mara ai.

ZEHKARIA 9:15

Chyahtum Chyalai N-gun rawng ai dai Madu gaw shi a amyu masha ni hpe makawp maga na ra ai, shanhte gaw gumlau hpyen ni hpe jahten kau na mara ai. Shanhte gaw majan pa e chyaru nang ai wa zawn jahtau garu nna, shanhte a gumlau hpyen ni a asai jahkaw kau ya na mara ai; dai gaw tawn hkungri ntsa e nga ai jarung kaw na ru hkaw dat ai shagu hkungga asai zawn lwi hkrat wa na ra ai.

ZEHKARIA 9:17

Dai mungdan gaw kade sha mai kaja nna tsawm htap nga na rai a hka! Shabrang ni mung dai mung na nsi naisi hte sabyi ntsin a majaw n-gun ja nna kaba wa na mara ai.

BU HKAWM 18:18

Dai ni hta na ashan gaw nang hte seng nga ai, laksan hkungga rai nga ai sinda hte hkra magyi gaw na a rai nga lit dai.

BU HKAWM 5:25

hkinjawng wa gaw numsha a lata na shadung hkungga la nhtawm dai Madu hpe nawng jau na matu magra la let tawn hkungri ntsa e nawng ya na rai wu ai.

BU HKAWM 6:21

Ndai lam ni gaw Nazari ni hkan sa na tara ni rai nga ai; rai ti mung Nazari wa mahtang jaw jau na nga sadi tawn da ai rai yang, ga shaka tawn da ai hte maren tup hkrak galaw na rai wu ai.

MAHTE 26:29

Nanhte hpe ngai tsun made ai gaw, nye Wa a mungdan hta e, nanhte hte rau, sabyi nnan hpe ngai lu lu na nhtoi du hkra, ndai sabyi ru a asi hta na ngai bai lu na n rai,” ngu nna shanhte hpe gam jaw mu ai.

MARKU 14:25

Nanhte hpe ngai teng teng tsun made ga, Karai Kasang a Mungdan hta e sabyi nnan hpe ngai lu lu ai nhtoi du hkra, ndai sabyi hpe ngai galoi mung bai lu lu na n rai,” ngu nna tsun mu ai.

YAWHAN 19:30

Yesu gaw dai ntsin hkri hkap la lu ngut jang, “Ngut ma sali ai!,” nga nhtawm, baw nga di nna nsa hti mat wa ai.