BU HKAWM 6:18 - Jinghpaw Common Language Bible 2009

¹⁸ Nazari wa gaw Sum chyinghka lam e shi a baw kara rep shangun nna mahku hkungga nat ai wan hta dai hpe ju kau na rai wu ai.

Jinghpaw Hanson Version Bible

¹⁸ Bai Naziri wa gaw shawa sum chyinghka makau e shi a san da ai baw kara shangun kau na rai wu ai; dai kara hpe mahku hkungga npu na wan dap hta ju kau na rai wu ai.

BU HKAWM 6:18 ပူးပေါင်းရင်းမြစ်များ

BU HKAWM 6:17

Shi gaw muk ka hte rau mahku hkungga sagu la hpe mung dai Madu hpe nawng ya na rai wu ai. Dai sha n-ga, nsi naisi hte sabyi ntsin hkungga ni hpe mung shi nawng ya na rai wu ai.

BU HKAWM 6:5

Nazari tai na ga shaka tawn da ai nhtoi hte yang, shi a kara rep shangun lu na n rai. Dai Madu a matu ap nawng tawn ai aten tup a matu ga shaka hte masat da ai laman shi a kara madat da na rai wu ai.

BU HKAWM 6:9

Shi a makau e masha langai ngai akajawng sha si mat ai majaw Nazari wa a ap nawng da sai kara awu asin byin mat yang, nhtoi sanit ya tup shalai kau ngut ai hpang rep shangun lu na rai wu ai. Shaloi shi gaw htung hte maren san seng ai wa tai wa na ra ai.

LUKA 17:10

Dai hte maren, nanhte mung, galaw na matu tsun matsun yawng hkan shatup galaw ngut jang she, anhte gaw yu maya shangun ma ni sha rai nga ga ai; anhte gaw galaw ra ai lit hpe sha galaw shatup saga ai, ngu mu,” ngu nna tsun mu ai.

KASA 18:18

Pawlu gaw Korinhtu mare hta nhtoi tsawmra wa na hkra nga nga ai. Dai hpang kam sham ai ni hpe shakram da nna Priskila yan Akula hte rau li jawn let Suri mung de sa wa ma ai. Karai Kasang kaw ga shaka tawn da ai lam nga ai majaw, Kanhkeria mare kaw na hkali hte garai n pru yang shi a baw doi kau wu ai.

KASA 21:23

Dai rai nna anhte tsun ai hte maren hkan galaw u: anhte kaw ga shaka tawn da ai marai mali nga ma ai.

KASA 21:24

Dai ni hpe shaga la nna shanhte hte rau nang hkum jasan jaseng u, shanhte a matu hkrat ang ai baw doi jahpu nang jaw ya u, ndai hku galaw ai rai yang, masha ni na ai na a lam tsun kajai nga ai shiga ni hpa n teng nga ai hte nang nan dai Mawshe a Tara htunghking hkan shatsup ai wa rai nga ai gaw, masha nlang chye na na ra ai.

KASA 21:26

Dai re ai majaw Pawlu gaw dai la ni hpe shaga la nna hpang shani e shanhte hte rau shi hkum jasan jaseng ai lam galaw wu ai. Dai hpang shi gaw Nawku Htingnu de shang nna shanhte jasan jaseng ai nhtoi gu na shani galoi rai na hte shanhte langai hte langai a matu hkungga galoi nawng ya na lam, sa tsun shana dan mu ai.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!