BU HKAWM 5:9 - Jinghpaw Common Language Bible 2009

⁹ Israela amyu masha ni dai Madu hpe nawng jau ai laksan kumhpa shagu mung hkinjawng wa a matu rai nga ai.

Jinghpaw Hanson Version Bible

⁹ Israela kashu kasha ni, hkinjawng wa kaw sa jau ai chyoi pra ai arai ni hta na manawt hkungga shagu gaw, shi a rai na rai nga ai.

BU HKAWM 5:9 ပူးပေါင်းရင်းမြစ်များ

PRU MAT 29:28

Nye a amyu masha ni mahku hkungga jaw ai shaloi dai hkungga shan a sinda hte magyi ni hpe hkinjawng ni madu la na rai nga ai; dai gaw nye a galai shai n lu ai daw dan lam rai nga li ai. Dai gaw Ngai Madu a matu nawng jau ai amyu masha ni a kumhpa rai nga ai.

JAW JAU 10:13

Dai hpe chyoi pra ai shara langai mi hta sha mu; dai gaw dai Madu hpe nawng jau ai hkungga hta na nang hte na a shadang sha ni a matu rai nga ai. Dai gaw dai Madu ngai hpe hkang da ai lam rai nga ai.

JAW JAU 10:14

Rai ti mung hkinjawng ni a matu ngu nna dai Madu hpe laksan kumhpa hku nawng jau ai sinda hte hpang lagaw hpe nang hte na a dinghku masha ni sha mai nga ai. Dai hkungga ni gaw Israela amyu masha ni jaw jau ai mahku hkungga ni hta na nang hte na a kashu kasha ni hpe jaw da sai kamhtaw rai nga ai.

JAW JAU 10:15

Dai Madu hpe lusha hkungga hku nawng ya ai sau man hte hpawn, hpang lagaw hte sinda hpe mung shanhte la sa na rai ma ai. Dai gaw dai Madu hkang da ai hte maren nang hte na a kashu kasha ni prat dingsa madu lu na kamhtaw rai nga malit dai,” ngu nna tsun wu ai.

JAW JAU 6:26

Dai htingrai hkungga nawng ya ai hkinjawng wa gaw hkungga shan hpe dai Madu a hpung shingkang shanu nga ai Sum wang kata na chyoi pra ai shara hta sha lu na rai wu ai.

JAW JAU 7:32

Yam nga a hkra magyi gaw mahku hkungga a matu,

JAW JAU 7:34

Dai Madu gaw yam nga sinda hte hkra magyi hpe laksan kumhpa a matu Israela amyu masha ni kaw na la nhtawm hkinjawng ni hpe jaw ya wu ai. Dai gaw dai Madu hpe nawng ya ai lusha daw chyen mi rai nna, Arun hte shi a shadang sha ni hpe kamhtaw jaw da nu ai. Dai gaw hkinjawng ni a matu Israela amyu masha ni prat mi hte prat mi jaw lu na rai ma ai.

BU HKAWM 18:19

“Israela amyu masha ni ngai hpe sak jaw ai laksan kumhpa ni yawng gaw nang hte na a shayi shadang sha ni hpe prat dingsa ngai jaw ya nga nngai. Dai gaw nanhte mung, na a amyu matu ni hte mung ngai tawn da ai n hten n run mat ai ga shaka rai nga ai,” ngu nna tsun wu ai.

BU HKAWM 31:41

Mawshe gaw dai Madu hkang da ai hte maren, dai Madu a matu laksan hkungga shatai na kang Eleaza hpe jaw ya wu ai.

BU HKAWM 5:8

Rai ti mung dai wa si mat nna htingrai ja hkap la na jinghku mung n nga ai rai yang, hkinjawng wa a matu ngu nna dai Madu hpe jaw na rai wu ai. Mara kap ai wa a matu jasan jaseng ai a amu galaw na sagu la langai mi hpe mung jat jaw na rai wu ai.

TARA JAHPRANG 12:26

Nanhte a hkungga ni mung, dai Madu hpe ga sadi jaw da sai kumhpa ni hpe mung, nawku na matu san da ai shara de la sa na rai myit dai.