BU HKAWM 5:8 - Jinghpaw Common Language Bible 2009

⁸ Rai ti mung dai wa si mat nna htingrai ja hkap la na jinghku mung n nga ai rai yang, hkinjawng wa a matu ngu nna dai Madu hpe jaw na rai wu ai. Mara kap ai wa a matu jasan jaseng ai a amu galaw na sagu la langai mi hpe mung jat jaw na rai wu ai.

Jinghpaw Hanson Version Bible

⁸ Dai galaw jahkap la na kahpu kanau n nga yang gaw, hkinjawng wa a matu Yehowa hpe jaw jau na rai wu ai: dai hta kaga, shi a lam htingrai htingrat na matu, htingrai hkungga sagu la langai mi nawng jau na rai wu ai.

BU HKAWM 5:8 ပူးပေါင်းရင်းမြစ်များ

2 HKAWHKAM 12:16

Mara raw hkungga hte yubak hkungga ni a matu jaw ya ai gumhpraw hpe chyawm gaw sumpu hta n mahkawng ma ai; dai gaw hkinjawng ni a matu rai nga ai.

JAW JAU 5:16

Shi jaw ra ai hpe shalai ya na matu dumhprut kau nga ai majaw dai shut ai a matu shawng e jaw ra ai hta tsa lam shadang 20% naw jat jaw na rai wu ai. Shi gaw dai hpe hkinjawng wa a lata hta ap ya nhtawm hkinjawng wa mung shi a shut hpyit ai yubak mara a matu shagu hkungga shatai ya na yam nga nawng jau ya ai hte shi gaw mara raw dat kau ya ai hkrum na ra ai.

JAW JAU 7:7

Htingrai hkungga hte mara raw hkungga gaw tara langai sha rai nga ai majaw shagu hkungga nawng ya ai dai hkungga shan gaw hkinjawng wa a matu rai nga ai.

BU HKAWM 5:7

shi a mara a matu hpyi nem lu nna htingrai htingrat na rai wu ai; shut kau ai mara a majaw shi shut kau ai wa hpe ang ai manu hta tsa lam shadang hkun mung jat jaw na rai wu ai.

BU HKAWM 5:9

Israela amyu masha ni dai Madu hpe nawng jau ai laksan kumhpa shagu mung hkinjawng wa a matu rai nga ai.