BU HKAWM 5:29 - Jinghpaw Common Language Bible 2009

^29-30 Ndai gaw numshaw lashaw amu shut hpyit ai madu jan hpe myit yu machyi nna n tsen yang hkan lu na tara rai nga ai. Dai numsha hpe tawn hkungri a man e shatsap tawn nna hkinjawng wa dai hpe tara hte maren galaw na rai wu ai.

Jinghpaw Hanson Version Bible

²⁹ Dai gaw, num ni tinang madu wa hta tawt nna, la kaga hte nga sha ai majaw, awu asin hkrum ai rai yang mung;

BU HKAWM 5:29 ပူးပေါင်းရင်းမြစ်များ

EZEKELA 33:26

Nanhte gaw nhtu kam nga myit dai. Nanhte galaw ai amu ni mung matsat shabat rai nga myit dai. Masha hkum shagu mung numshaw lashaw amu shut hpyit nga ma ai. Hpa lam a majaw ndai mungdan hpe madu lu na re ngu myit nawn nga myit ni?

JAW JAU 11:46

Dai hte gaw ashu ashan yam nga hte ntsa malen u ni, hka e rawng ai hkrung ai baw shagu hte ga ntsa e gumrawt hkawm ai baw shagu hte seng ai tara rai nga ai.

JAW JAU 13:59

Ndai gaw san seng ai hte n san n seng ai lam hpe yu yu nna daw dan na matu nshu lamu kap ai sagu nba, lachyit nba, sagu sumpan, shanhpyi hte galaw ai arai ni hte seng ai tara rai nga ai.

JAW JAU 7:11

Ndai gaw dai Madu hpe nawng jau na mahku hkungga a hkan sa na tara ni rai nga ai.

BU HKAWM 5:15

Hpa amu mi rai rai, madu wa gaw madu jan hpe hkinjawng wa hpang de woi sa na rai wu ai. Shi gaw muk-yaw mam shadung pawng lahkawng hpe ra ai hkungga a matu la sa na rai wu ai; rai ti mung de a ntsa e tsanlun sau hpe ru bun lu na n rai; manam pyaw ai baw lawban hpe mara da lu na n rai; hpa majaw nga yang, dai gaw n tsen nga ai madu wa kaw na hkungga rai nga ai hte maren, teng man ai hpe shapraw na lam rai nga ai.

BU HKAWM 5:19

Shaloi hkinjawng wa gaw numsha hpe ndai dagam ga hkan tsun na myit hkrum shangun wu ai: “Nang gaw numshaw lashaw ai amu n shut n hpyit ai rai yang, ndai dagam ai ntsin hka a majaw machyi ai n hkrum nga lit ga.

BU HKAWM 5:28

Rai ti mung shi hta mara n kap nga ai rai yang chyawm gaw shi hta nchyi nmu n hkrum ai sha, kashu kasha shaprat lu na rai wu ai.