BU HKAWM 5:27 - Jinghpaw Common Language Bible 2009

²⁷ Dai numsha gaw numshaw lashaw amu hpe shut hpyit kau ai rai yang, dai ntsin gaw shi hpe nchyi nmu rai hkra hka shangun ai hte shi a kan bum wa nhtawm shi a num hkrang mung kyip htun mat wa na rai wu ai. Shi a mying mung amyu masha ni a ka-ang hta dagam dala hkrum ai jan tai na rai wu ai.

Jinghpaw Hanson Version Bible

²⁷ Num dai madu wa hta tawt nna awu asin re ai teng yang gaw, dai ntsin lu ngut ai hpang shi kan de ari jahkrum ai ntsin dai hka shang wa nna hkum bum wa ai hte magyi latsi wa jang, numsha dai gaw shi a amyu hta matsa mawa hkrum ai jan tai na ra ai.

BU HKAWM 5:27 ပူးပေါင်းရင်းမြစ်များ

SHAKAWN KUNGDAWN 109:18

Shi bu hpun palawng hpun man nga ai zawn dagam dala ga hpe man man atsun nga u ga; shi a dagam dala ga gaw hka zawn hkum kata de madi shang wa nna, sau zawn shi a nrut nra de du hkra tsim shang wa u ga!

HPAJI NINGLI 7:26

Ngai gaw si hkrung si htan hta grau ahkup ahka nga ai arai lama mi mu se ai, dai gaw mahkam zawn re ai numsha rai nga ai. Shi nang hpe nawng ya ai tsaw ra myit gaw sumgawn zawn nang hpe rim la na ra ai; Shi a lata lahpum gaw hpri saidawng zawn nang hpe gyit hkang la na ra ai. Karai Kasang hpe awng sharawng ai wa hprawng lawt lu ti mung, yubak kap ai wa hpe chyawm gaw shi rim la lu nga ai.

ESAIA 65:15

Lata la hkrum sai nye a amyu masha ni gaw na a mying hpe dagam dala ga hku lang wa na mara ai. Tsaw Htum ai dai Madu ngai gaw nang hpe sat kau na nngai. Rai ti mung ngai gaw nye a ga madat mara ai ni hpe mying nnan jaw na nngai.

YEREMIA 24:9

Mungkan ga na masha amyu baw ni yawng hkrit gari mat hkra, dai zawn re ai tsin-yam tsindam shanhte a ntsa e ngai shapraw na we ai. Ngai shanhte hpe shabra kau ai shara shagu hkan e, mung masha ni gaw shanhte hpe mani asawng ai, shatu asan ai, jahpoi jahpyak ai hte shanhte a amying mung dagam dala ga tsun hkrum na mara ai.

YEREMIA 29:18

Ngai gaw shanhte hpe hpyen majan, kawsi hpang gara hte ana zinli ni hte hkan shachyut na nngai; mungkan ga na masha amyu baw ni yawng shanhte hpe mu mada ai hte hkrit kajawng mat na mara ai. Shanhte hpe ngai shaden shabra kau ai shara shagu hkan amyu masha ni gaw shanhte hta byin lai mat wa sai lam ni a majaw mau kajawng ai hte hkrit gari wa na mara ai. Masha amyu masha ni gaw shanhte hpe asawng asang di ai hte shanhte a amying hpe dagam dala ga zawn lang na mara ai.

YEREMIA 29:22

Yerusalem kaw nna Babelon mung de woi la hkrum ai bawng dung amyu masha ni gaw marai langai ngai hpe dagam dala ga tsun mayu ai shaloi, shanhte gaw, ‘Babelon hkawhkam wa e jahkrung ju kau hkrum ai Zedekia hte Ahab yan zawn dai Madu gaw nang hpe shatai u ga!,’ nga nna tsun na mara ai.

YEREMIA 42:18

“Dai Madu Israela a Karai Kasang gaw, ‘Nye a pawt sindawng ai hte masin kahtet ai hpe Yerusalem masha ni a ntsa e ru bun ai zawn nanhte Egutu mung de yu sa ai rai yang nanhte a ntsa e mung nye a masin kahtet ai hpe ru bun na nngai. Nanhte gaw yu hkrit shara tai na marin dai; masha amyu ni mung nanhte hpe asawng asang di ai hte na a amying hpe dagam dala ga tsun ai hta lang na mara ai. Nanhte gaw ndai shara hpe galoi mung bai mu lu na ra ai n rai,’” ngu nna tsun wu ai.

YEREMIA 44:12

Egutu mung hta shingbyi na matu myit daw dan nna sa shanu nga ai naw ngam nga ai Yuda masha ni a matu chyawm gaw shanhte yawng shamyit kau hkrum na mara ai hpe ngai mu lu na nngai. Egutu mung hta nga ai dai kaji ai kaw na kaba htum ai du hkra na shanhte yawng gaw hpyen majan hta mung, kawsi hpang gara ai hta mung, si htum mat na mara ai. Shanhte gaw yu hkrit hpa shara tai mat na mara ai, masha amyu baw ni shanhte hpe asawng asang di nna shanhte a amying hpe dagam dala matsa mawa ga tsun ai zawn lang na mara ai.

ZEHKARIA 8:13

Yuda hte Israela amyu masha ni e! Lai sai aprat e, maigan masha ni langai hte langai ning ngu tsun let dagam lai wa masai: ‘Nanhte a ntsa e hkrat bun ai tsin-yam tsindam nan Yuda hte Israela a ntsa e mung hkrat bun u ga law! Rai ti mung, ngai nanhte hpe hkye hkrang la na nngai, shaloi dai maigan masha ni langai hte langai gaw, ‘Yuda hte Israela ntsa e jaw ai shaman chyeju nan nanhte hkam la lu myit ga law!,’ nga nna tsun na mara ai. Dai re ai majaw nden marai shaja mu; hkum hkrit nga myit.”

BU HKAWM 5:20

Rai ti mung numshaw lashaw amu hpe nang tawt lai nna shut hpyit kau ai rai yang,

BU HKAWM 5:28

Rai ti mung shi hta mara n kap nga ai rai yang chyawm gaw shi hta nchyi nmu n hkrum ai sha, kashu kasha shaprat lu na rai wu ai.

ROMA 6:21

Dai aten hta nanhte hkan sa galaw ai amu ni gaw hpa akyu mi n shabyin ai hta n ga ya e nanhte dai ni a majaw kaya kahpa hkrum manit dai. Dai ni a jahtum ai gaw si mat ai rai nga ai.

2 KORINHTU 2:16

Dai bat gaw sum mat hkrum ai ni a matu si shangun ai si hkrung si htan bat tai nna, hkye hkrang la hkrum sai ni a matu gaw asak hkrung shangun ai manam pyaw ai bat rai nga ai. Dai rai nna dai zawn re ai amu hpe gun hpai na kadai wa ging dan nga a ta?

TARA JAHPRANG 28:37

Dai Madu nanhte hpe shabra kau dat ai mungdan hkan nanhte hta byin hkrum hkra ai lam ni a majaw masha amyu ni yu mau nhtawm mani asawng ai hte ashu kau na mara ai.

2 PETRU 2:10

Grau nna hkum shan a matsat shabat ngang kayut ai lam hta hkan sa nna Karai Kasang a ahkang aya hpe n gawn n sawn ai ni gaw shing re ai lam ni hkrum na mara ai, Ndai masu ai sara ni gaw grai gwi nna gumrawng gumtawng re ai hte ning tsa de na hpung shingkang rawng ai ni hpe hkungga lara ai lam n madun ai sha shanhte hpe asawng asang di ma ai.