BU HKAWM 5:17 - Jinghpaw Common Language Bible 2009

¹⁷ Shi gaw ga di bu hta chyoi pra ai ntsin ru bang nhtawm dai Madu a hpung shingkang shanu nga ai Sum a dun ntsa na ga loi mi la nhtawm dai hpe hka hta bang ai hte ntsin hpe hka shangun na rai wu ai.

Jinghpaw Hanson Version Bible

¹⁷ bai hkinjawng wa gaw dibu hta chyoi pra ai ntsin ru bang nhtawm, sumpan sum na ga nhpu la nna, dai ntsin hta bang na rai wu ai.

BU HKAWM 5:17 ပူးပေါင်းရင်းမြစ်များ

YOBA 2:12

Shanhte gaw tsan tsan kaw nna Yoba hpe mu mada ti mung shi hpe n chye yu matsing nga ma ai. Shanhte mu ai shaloi, hkrap ngu hkrap ngoi hpang wa nhtawm yawn hkyen ai hte shanhte a hpun palawng ni hpe gang je kau nna, lamu de ga nhpu kabai shalun ai hte tinang a baw ntsa e hkrat bun shangun ma ai.

PRU MAT 30:18

“Magri mang jarung langai hte hpawn shadun na magri mang ku langai mi mung galaw na rai ndai. Dai hpe Sum hte tawn hkungri lapran hta tawn da nna, hka ja bang na rai nga ai.

YEREMIA 17:13

Madu e, nang gaw Israela a myit mada shara rai nga ndai; nang hpe kau da ai ni yawng kaya kahpa hkrum na mara ai. Shanhte gaw asak hka hpawk ngu ai nang Madu hpe kau da nga masai majaw ga nhpu hta ka da ai amying ni zawn shanhte hkoi mat wa na mara ai.

SHARUNG SHAYAWT 3:29

Myit mada shara naw nga ang ai majaw anhte gaw hkungga lara ai hte dingnyawm na ang nga ga ai.

BU HKAWM 5:16

Hkinjawng wa mung dai numsha hpe shawng de woi sa nna tawn hkungri man e shatsap da na rai wu ai.

BU HKAWM 5:18

Dai hpang numsha a kara hpe shi hpyan ayai kau ya nhtawm dai numsha a lata hta shadung hkungga hpe mara da ya na rai wu ai. Hkinjawng wa shi a lata hta chyawm gaw hka ai dagam ntsin rawng ai di bu hpe lang da na rai wu ai.

YAWHAN 8:6

Shanhte shing nga san ai gaw, shi hta mara shagun na lam mu lu hkra, shi hpe chyam dinglik yu ai rai nga ai. Rai ti mung Yesu gaw, ga de gum nna ga hta layung hte ka mahkret let nga nga ai.

YAWHAN 8:8

Dai hpang ga e bai gum nna ga hta ka mahkret nga ai.