BU HKAWM 5:15 - Jinghpaw Common Language Bible 2009

¹⁵ Hpa amu mi rai rai, madu wa gaw madu jan hpe hkinjawng wa hpang de woi sa na rai wu ai. Shi gaw muk-yaw mam shadung pawng lahkawng hpe ra ai hkungga a matu la sa na rai wu ai; rai ti mung de a ntsa e tsanlun sau hpe ru bun lu na n rai; manam pyaw ai baw lawban hpe mara da lu na n rai; hpa majaw nga yang, dai gaw n tsen nga ai madu wa kaw na hkungga rai nga ai hte maren, teng man ai hpe shapraw na lam rai nga ai.

Jinghpaw Hanson Version Bible

¹⁵ madu wa gaw madu jan hpe muk-yaw shadung kam hpa uma mi hte hkinjawng wa hpang de woi sa na rai wu ai: shadung dai hta namman ru bun lu na n rai, lawban mung mara lu na n rai: kaning rai nme law, dai gaw yubak shapraw na kamang shadung rai nga ai rai nna, dai hpe myit machyi shadung kumhpa ngu na rai nga ai.

BU HKAWM 5:15 ပူးပေါင်းရင်းမြစ်များ

1 HKAWHKAM 17:18

Shi gaw Elia hpe, “Karai Kasang a masha wa e, nang hpa majaw ndai zawn ngai hpe galaw kau n ta? Karai Kasang hpe nye a yubak shadum ya nhtawm nye a kasha hpe si mat shangun na matu ndai yang e nang du sa ai n rai ni?,” ngu nna san wu ai.

EZEKELA 21:23

Yerusalem hta shanu nga ai amyu masha ni gaw shanhte galaw da lu sai jinghku ga shaka ni a majaw ndai tsun shadum ai ga ni hpe n kam ma ai. Rai ti mung, ndai zawn jau nna hkaw tsun tawn ai ga gaw shanhte galaw ai yubak ni hpe dum shangun ai hte shanhte rim la hkrum na mara ai lam ni hpe shadum jahprang ai lam rai nga ai.

EZEKELA 29:16

Israela gaw shi hpe karum la na matu shanhte hpe galoi mung bai shamyet shanat na mara ai n rai. Egutu hpe kam hpa ai gaw kade sha shut nga sai lam, shanhte hta byin ai maka hpe yu nna Israela hpe myit dum shangun na ra ai. Ngai nan Tsaw Htum ai Madu rai nga ai hpe Israela ni chye lu na mara ai,” ngu nna tsun wu ai.

HOSEA 3:2

Dai rai nna, ngai gaw shi hpe mari la na matu gumhpraw tawng shi manga hte muk-yaw mam dang manga hte shi hpe jaw nngai.

JAW JAU 1:2

kaning rai hkan sa galaw na tara ni tsun matsun wu ai. Kadai rai ti mung yam nga hkungga nawng jau ai shaloi, dumsu langai ngai, shing n rai sagu langai ngai, shing n rai bainam langai ngai nawng ya na rai myit dai.

JAW JAU 2:1

Kadai rai ti mung dai Madu hpe shadung hkungga nawng ya ai shaloi, shawng nnan dai hpe mani hkra rin nhtawm dai hta tsanlun sau ru jaw nna, lawban bang ai hte,

JAW JAU 5:11

Hkrudu lahkawng shing n rai ura lahkawng mung n jaw lu ai rai n yang, shi gaw htingrai hkungga shatai na mani ai shadung pawng lahkawng la sa na rai wu ai. Dai gaw shadung hkungga n re ai sha htingrai hkungga rai nga ai majaw de a ntsa e tsanlun sau hte manam pyaw ai baw lawban hpa mung bang mai na n rai.

BU HKAWM 5:16

Hkinjawng wa mung dai numsha hpe shawng de woi sa nna tawn hkungri man e shatsap da na rai wu ai.

HEBRE 10:3

Ya gaw shaning shagu nawng jau ai shagu hkungga ni gaw masha ni hpe shanhte a yubak mara ni a lam myit dum shangun na matu rai nga ai.