BU HKAWM 4:25 - Jinghpaw Common Language Bible 2009

²⁵ dai ni gaw Sum hte de a kata na magap, de a shinggan na magap, de a ntsa e magap ai mani tsawm ai shanhpyi, chyinghka grang,

Jinghpaw Hanson Version Bible

²⁵ shanhte gaw, sumpan sum a kata htap na nba grang ni hte, shawa sum ngu ai nba grang ni, ntsa sum hte seng ai tahkisha magap, shawa sum chyinghka grang,

BU HKAWM 4:25 ပူးပေါင်းရင်းမြစ်များ

PRU MAT 26:1

“Nye a hpung shingkang shanu nga ai Sum ngu ai, kata na chyoi pra ai Sum hpe sawm tsit ai ri, shaba pu nsam rawng ai ri hte hkyeng ai ri ni hte da da ai mani tsawm ai lachyit sumpan grang shi galaw na rai nga ai. Dai ni hpe singkaw tu ai hkrung kanu ni a hkrang sumla ni hte ka shakap na rai nga ai.

PRU MAT 26:14

“Sum galup na matu magap lahkawng hpe naw galaw na rai nga ai; langai mi hpe sagu la hpyi hpe jaw jahkyeng da nga ai; kaga langai mi hpe mani tsawm ai shanhpyi hte Sum ntsa de galup na rai nga ai.

PRU MAT 40:19

Shi gaw Sum a ntsa e mung, magap kahpyan galup nna de a ntsa e shinggan magap hte galup wu ai; dai gaw dai Madu Mawshe hpe hkang da sai hte maren rai nga ai.

BU HKAWM 1:50

Shing di na malai, nye a hpung shingkang shanu nga ai Sum hte dai hte seng ai arung arai ni yawng hte seng ai amu hta Lewi masha ni hpe hpareng shangun na rai ndai. Shanhte gaw dai Sum hte de a arung arai ni yawng hpe hpai nna dai hta daw jau ai amu gun let Sum a grup yin hta shanhte a dap dabang hpe gap nna but nga na rai ma ai.

BU HKAWM 4:24

Shanhte gaw ndai lawu de na arai ni hpe hpai na matu lit gun hpai na rai ma ai;

BU HKAWM 4:6

Shanhte gaw de a ntsa e mani tsawm ai shanhpyi hte ka-up da na rai ma ai; dai hpang sawm tsit ai sumpan hte ntsa ting hprwi di kahpyan nna hpai na kandang ni hpe dinghkrawn da na rai ma ai.