BU HKAWM 4:20 - Jinghpaw Common Language Bible 2009

²⁰ Rai ti mung Kohat lakung lama ni mahtang Sum de shang nna Sum htawt na matu chyoi pra ai arai ni hpe hkinjawng ni hkyen lajang nga ai hpe shang yu ai rai yang chyawm gaw shanhte si na rai ma ai,” ngu nna tsun wu ai.

Jinghpaw Hanson Version Bible

²⁰ rai timung, dai chyoi pra ai shara hpe yu yu na nga, chyahkring mi muk shang lu na n rai; shang yang chyawm gaw si ai hkrum lu na mara ai,” ngu wu ai.

BU HKAWM 4:20 ပူးပေါင်းရင်းမြစ်များ

PRU MAT 19:21

Mawshe mung lung wa ai rai nna dai Madu gaw shi hpe, “Lamu ga jarit n lai di ai hte ngai hpe n mada hkrup na matu amyu masha ni hpang de yu wa let sadi jaw u; shanhte galaw hkrup ai rai yang, shanhte hta na law law wa si wa na mara ai.

JAW JAU 10:2

Dai Madu gaw wan akajawng sha dat dat nna shan hpe hkru kau ai hte shan mung dai Madu a man e si taw nga ma ai.

JAW JAU 16:13

Shi gaw dai Madu a man e wan ntsa hta lawban mara da na rai wu ai. Lawban nat ai wan hkut mung Ga Shaka Sumpu magap hpe mawng bun na rai nga ai majaw dai hpe shi n mu lu ai hte si na wu ai n rai.

BU HKAWM 1:51

Nanhte dabang htawt ai aten shagu, Lewi amyu ni mahtang Sum run hpya nna dabang nnan ni de bai du shagu dai hpe sharawt shachyaw na rai ma ai. Sum de shani sa wa ai ni kadai mung sat kau ai hkrum na rai wu ai.

BU HKAWM 18:3

Shanhte gaw Sum hta galaw ra ai shanhte a amu ni hte nang hpe karum na shanhte a lit ni hpe galaw shatup na rai ma ai; rai ti mung Chyoi Pra ai Shara hta nga ai san seng ai arai hte tawn hkungri ni hpe shanhte sa hkra lu na ma ai n rai; shanhte dai hpe sa hkra hkrup ma ai rai yang, shanhte mung, nan wa ni mung si na rai myit dai.

BU HKAWM 4:15

But de nga ai dabang hpe run hpya kau na aten du ai shaloi, Kohat a lakung lama ni mahtang Arun hte shi a shadang sha ni magap da ngut sai dai chyoi pra ai arai ni hte de a arai ni yawng hpe shang hpai la na rai ma ai. Kohat a lakung lama ni dai chyoi pra ai arai ni hpe hkra lu na ma ai n rai; dai hku n rai yang, shanhte si na rai ma ai. Dai hte gaw Sum htawt shagu Kohat a lakung lama ni gun hpai ang ai amu ni rai nga ai.

BU HKAWM 4:21

Dai Madu gaw Mawshe hpe Madu a hpung shingkang shanu nga ai Sum hta atsam tup amu gun hpai lu ai asak sumshi hte manga shi ning lapran na lasha ni yawng hpe lakung lakying hte dinghku hku hkan nna Lewi amyu Gershon a lakung lama ni a yuptung mying jahpan hta da na matu tsun wu ai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

1 SAMUELA 6:19

Bet Sheme masha ni dai Ga Shaka Sumpu kata de yu yu ma ai majaw dai Madu gaw masha sanit shi hpe sat kau nga ai. Shanhte a lapran hta ndai zawn si ru ai amu kaba dai Madu shabyin dat wu ai majaw masha ni sharung shayawt nga ma ai.