BU HKAWM 4:15 - Jinghpaw Common Language Bible 2009

¹⁵ But de nga ai dabang hpe run hpya kau na aten du ai shaloi, Kohat a lakung lama ni mahtang Arun hte shi a shadang sha ni magap da ngut sai dai chyoi pra ai arai ni hte de a arai ni yawng hpe shang hpai la na rai ma ai. Kohat a lakung lama ni dai chyoi pra ai arai ni hpe hkra lu na ma ai n rai; dai hku n rai yang, shanhte si na rai ma ai. Dai hte gaw Sum htawt shagu Kohat a lakung lama ni gun hpai ang ai amu ni rai nga ai.

Jinghpaw Hanson Version Bible

¹⁵ Shing rai rawt na ten du jang, Arun hte shi a shadang sha ni dai chyoi pra ai nta hte de a arai yawng mayawng hpe magap ngut jang, Kohat a kashu kasha ni dai hpe hpai na matu sit sa na rai ma ai: rai timung, shanhte si ai n hkrum mu ga, chyoi pra ai arai ni hpe shum lu na n rai. Dai hte gaw shawa sum hta Kohat a kashu kasha ni a gun hpai na amu rai nga ai.

BU HKAWM 4:15 ပူးပေါင်းရင်းမြစ်များ

2 SAMUELA 15:24

Dai yang e nga nga ai hkinjawng Zadok hte Lewi masha ni mung chyoi pra ai Ga Shaka Sumpu hpai da nga ma ai. Shanhte gaw amyu masha ni yawng mare kaw nna pru tawm mat wa ai aten du hkra dai Ga Shaka Sumpu hpe n hta ka-aw ai sha tawn da ma ai. Hkinjawng Abiahta mung dai yang e nga nga ai.

2 SAMUELA 6:13

Dai Ga Shaka Sumpu hpai ai masha ni lagaw lahkam kru htawt ngut ai hpang usu hte hpum sau ai dumsu kasha dai Madu a matu shagu hkungga nawng ya na Dawi shanhte hpe jahkring da wu ai.

1 HKAWHKAM 8:3

Ya ningbaw ni du zup jang, dai Ga Shaka Sumpu hpe hkinjawng ni sharawt nhtawm,

1 HKAWHKAM LABAU 15:15

Dai Madu gaw Mawshe a ga hku nna hkang da nu ai hte maren, Lewi masha ni gaw kandang hte shanhte a lahpa hta hpai ma ai.

1 HKAWHKAM LABAU 15:2

Dai rai nna Dawi gaw, “Lewi masha ni gaw Ga Shaka Sumpu hpe hpai na hte shi hpe htani htana daw jau na matu dai Madu lata san da nu ai rai nga ai majaw Lewi masha ni chyu sha dai Sumpu hpe hpai na rai ma ai,” ngu nna tsun wu ai.

1 HKAWHKAM LABAU 23:26

Dai rai nna Lewi masha ni mung dai Madu a hpung shingkang shanu nga ai Sum hte nawku yang lang ai arung arai ni yawng hpe galoi mung hpai na manu ai n rai,” ngu nna tsun wu ai.

PRU MAT 19:12

Amyu masha ni n lai lu mu ga, bum grup grup hkan ga jarit masat da u. Shanhte hpe bum de n lung na matu mung, dai de pyi n shani sa na matu mung tsun u. Bum de lahkam sa wa ai wa kadai mung, si lu na rai wu ai;

PRU MAT 19:21

Mawshe mung lung wa ai rai nna dai Madu gaw shi hpe, “Lamu ga jarit n lai di ai hte ngai hpe n mada hkrup na matu amyu masha ni hpang de yu wa let sadi jaw u; shanhte galaw hkrup ai rai yang, shanhte hta na law law wa si wa na mara ai.

PRU MAT 27:7

tawn hkungri hpai ai shaloi de a lahkawng maga hta kap ai shanghkawng ni hta kandang dinghkrawn bang na rai nga ai.

JAW JAU 16:13

Shi gaw dai Madu a man e wan ntsa hta lawban mara da na rai wu ai. Lawban nat ai wan hkut mung Ga Shaka Sumpu magap hpe mawng bun na rai nga ai majaw dai hpe shi n mu lu ai hte si na wu ai n rai.

BU HKAWM 1:50

Shing di na malai, nye a hpung shingkang shanu nga ai Sum hte dai hte seng ai arung arai ni yawng hte seng ai amu hta Lewi masha ni hpe hpareng shangun na rai ndai. Shanhte gaw dai Sum hte de a arung arai ni yawng hpe hpai nna dai hta daw jau ai amu gun let Sum a grup yin hta shanhte a dap dabang hpe gap nna but nga na rai ma ai.

BU HKAWM 1:51

Nanhte dabang htawt ai aten shagu, Lewi amyu ni mahtang Sum run hpya nna dabang nnan ni de bai du shagu dai hpe sharawt shachyaw na rai ma ai. Sum de shani sa wa ai ni kadai mung sat kau ai hkrum na rai wu ai.

BU HKAWM 10:21

Dai hpang Lewi amyu Kohat a lakung lama ni chyoi pra ai arai ni hpe hpai nna rawt sa wa na rai ma ai. Shanhte wa de na dabang de du jang Sum hpe bai sharawt da na rai ma ai.

BU HKAWM 18:3

Shanhte gaw Sum hta galaw ra ai shanhte a amu ni hte nang hpe karum na shanhte a lit ni hpe galaw shatup na rai ma ai; rai ti mung Chyoi Pra ai Shara hta nga ai san seng ai arai hte tawn hkungri ni hpe shanhte sa hkra lu na ma ai n rai; shanhte dai hpe sa hkra hkrup ma ai rai yang, shanhte mung, nan wa ni mung si na rai myit dai.

BU HKAWM 3:38

Mawshe yan Arun hte shi a shadang sha ni chyawm gaw sinpraw maga dai Sum a man hta but na rai ma ai. Shanhte gaw Israela amyu masha ni a matu chyoi pra ai shara hta amu galaw na lit lu nga ma ai. Shanhte kaw sit sa wa ai ni kadai mung sat kau ai hkrum na rai ma ai.

BU HKAWM 4:14

Shanhte gaw de a ntsa e tawn hkungri hta nawng jau yang lang ai arai ni yawng ngu na, wan bang ai ban pa ni, chyinghkyi ni, shingban ni hte angdung ni hpe mara da na rai ma ai. Dai hpang mani tsawm ai shanhpyi hte de a ntsa e magap nna hpai na kandang dinghkrawn da na rai ma ai.

BU HKAWM 4:20

Rai ti mung Kohat lakung lama ni mahtang Sum de shang nna Sum htawt na matu chyoi pra ai arai ni hpe hkinjawng ni hkyen lajang nga ai hpe shang yu ai rai yang chyawm gaw shanhte si na rai ma ai,” ngu nna tsun wu ai.

BU HKAWM 7:9

Rai ti mung Kohat a kashu kasha ni mahtang chyoi pra ai arai ni hpe sadi sahka hte shanhte a lahpa hte hpai ma ai majaw Mawshe shanhte hpe leng hte utang ni n jaw ma ai.

TARA JAHPRANG 31:9

Shaloi Mawshe gaw Karai Kasang a Tara hpe ka nhtawm dai Madu a Ga Shaka Sumpu woi hpareng ai Lewi hkinjawng ni hpe mung, Israela ningbaw ni hpe mung jaw ya wu ai.

YAWSHU 4:10

Amyu masha ni galaw na matu dai Madu Yawshu hpe hkang da nu ai amu magup ngut kre ai aten du hkra, Yawdan hka ka-ang e hkinjawng ni tsap nga ma ai. Ndai gaw Mawshe hkang da sai lam rai nga ai. Amyu masha ni chyawm gaw tin tin rap mat wa ma ai.

1 SAMUELA 6:19

Bet Sheme masha ni dai Ga Shaka Sumpu kata de yu yu ma ai majaw dai Madu gaw masha sanit shi hpe sat kau nga ai. Shanhte a lapran hta ndai zawn si ru ai amu kaba dai Madu shabyin dat wu ai majaw masha ni sharung shayawt nga ma ai.